- Home
- Utility News
- ITR Filing Tips : पगारदार लोकांसाठी 5 महत्वाच्या टिप्स, फाइलिंग होईल सोपे, रिफंड मिळेल लवकर!
ITR Filing Tips : पगारदार लोकांसाठी 5 महत्वाच्या टिप्स, फाइलिंग होईल सोपे, रिफंड मिळेल लवकर!
मुंबई : पगारदार व्यक्तींसाठी ITR फाइल करणे सोपे वाटत असले तरी, काही छोट्या छोट्या गोष्टी चुकल्यास चुका, विलंब किंवा दंड भरावा लागू शकतो. म्हणूनच, काही गोष्टींची काळजी घेणे आवश्यक आहे जेणेकरून फाइलिंग सोपी होईल आणि रिफंड लवकर मिळेल.
सर्व उत्पन्नाचे स्रोत लिहा
तुमच्या पगारातून TDS वजा झाला असेल तरीही, इतर मिळकत जसे की –
- बचत खात्यावर मिळणारे व्याज,
- मुदत ठेवीचे व्याज,
- घर भाड्याने दिल्यास मिळणारे उत्पन्न,
- शेअर किंवा मालमत्तेवरून मिळणारा भांडवली नफा
- ही सर्व माहिती आयकर रिटर्नमध्ये दाखवणे आवश्यक आहे.
जर ही माहिती तुम्ही दिली नाही, तर आयकर विभाग तुमच्याकडे नोटीस पाठवू शकतो. कारण ही सर्व माहिती तुमच्या PAN कार्डाशी जोडलेल्या वार्षिक माहिती विवरणात (Annual Information Statement – AIS) आधीपासूनच उपलब्ध असते.
सूट आणि वजावटींचा दावा करा
पगारदार व्यक्ती त्यांचे करपात्र उत्पन्न कमी करण्यासाठी विविध सूट आणि वजावट घेऊ शकतात. त्यापैकी काही महत्त्वाच्या वजावट अशा आहेत –
- कलम 80C – LIC, PPF, ELSS, PF यांसारख्या गुंतवणुकीवर वजावट
- कलम 80D – आरोग्य विमा प्रीमियमवर वजावट
- HRA (घरभाडे भत्ता) – भाड्याच्या घरात राहत असल्यास सूट
तुमच्या फॉर्म १६ मधील माहिती आणि केलेल्या गुंतवणुकीचे पुरावे नीट पडताळून पाहिल्यास कोणतीही चूक किंवा तफावत राहणार नाही. त्यामुळे तुम्हाला सर्व करसवलतींचा पूर्ण फायदा मिळू शकेल.
TDS आणि Form 26AS तपासा
तुमच्या फॉर्म १६ मध्ये दाखवलेला TDS नेहमीच फॉर्म 26AS आणि वार्षिक माहिती विवरण (AIS) यांच्याशी जुळतो का ते तपासा.
जर काही फरक (तफावत) आढळला, तर तो तुमच्या नियोक्त्याकडून (Employer) किंवा ज्यांनी TDS कपात केली आहे त्यांच्याकडून लगेच दुरुस्त करून घ्या.
असं न केल्यास –
- तुमच्या खात्यात कर क्रेडिट योग्यरीत्या दिसणार नाही,
- रिफंड उशिरा मिळू शकतो,
- किंवा तुम्हाला अधिक कर भरावा लागू शकतो.
वेळेवर ITR भरा आणि पुष्टी करा
वेळेवर ITR भरल्याचे फायदे
- तुम्ही विलंब शुल्क आणि व्याज भरण्यापासून वाचता.
- पुढील वर्षांसाठी मिळणाऱ्या काही करसवलती गमावल्या जात नाहीत.
ITR भरल्यानंतर काय करावे? रिटर्न भरल्यानंतर त्याची ई-पडताळणी (E-Verification) करणे खूप आवश्यक आहे.
ऑनलाइन पडताळणीचे मार्ग :
- आधार OTP
- नेट बँकिंग
- बँक खाते पडताळणी
ऑफलाइन पडताळणी :
- ITR-V फॉर्म प्रिंट करून सही करा
- तो टपालाने आयकर विभागाकडे पाठवा
लक्षात ठेवा : फक्त ई-पडताळणी केलेले ITR वैध मानले जाते. रिफंड मिळण्यासाठी आणि इतर अनुपालनासाठी ही प्रक्रिया पूर्ण करणे आवश्यक आहे.
ITR योग्य पद्धतीने भरा
अनेक पगारदारांना वाटते की TDS कपात झाल्यावर आपोआप ITR भरला जातो, पण प्रत्यक्षात तसे नसते. ITR योग्य प्रकारे भरणे ही तुमची जबाबदारी आहे.
यासाठी तुम्ही :
- तुमचे संपूर्ण उत्पन्न दाखवा
- मिळणाऱ्या वजावटी योग्यरीत्या भरा
- फॉर्म १६ मधील TDS नीट तपासा
- आणि वेळेवर ITR दाखल करा
हे केल्यास तुम्ही दंड आणि व्याज टाळू शकता तसेच रिफंड सहज मिळवू शकता.
ITR म्हणजे काय आणि शेवटची तारीख?
ITR म्हणजे काय? ITR म्हणजे तुमचा वार्षिक कर हिशोब. यात तुम्ही सरकारला सांगता –
- गेल्या वर्षी तुम्ही किती उत्पन्न कमावले,
- त्यावर तुम्हाला किती कर भरायचा होता,
- आणि तुम्ही आधीच किती कर भरला आहे.
या हिशोबावरून सरकार ठरवते की –
- अजून तुम्हाला कर भरायचा आहे का,
- की तुम्ही जास्त कर भरल्याने तुम्हाला रिफंड (परतावा) मिळणार आहे.
२०२४-२५ या आर्थिक वर्षासाठी ITR भरण्याची शेवटची तारीख १५ सप्टेंबर २०२५ आहे.
