- Home
- Utility News
- रेल्वेमध्ये मेगाभरती! १०वी पास तरुणांना सरकारी नोकरीची सुवर्णसंधी; २२,००० पदांसाठी काही तासच शिल्लक!
रेल्वेमध्ये मेगाभरती! १०वी पास तरुणांना सरकारी नोकरीची सुवर्णसंधी; २२,००० पदांसाठी काही तासच शिल्लक!
Indian Railway Recruitment 2026 : रेल्वे मंत्रालयाने २२,००० रिक्त पदांसाठी मोठी भरती जाहीर केली असून, अर्ज करण्याची अंतिम मुदत आज, २९ जानेवारी २०२६ आहे. १०वी पास ते पदवीधरांसाठी ही सरकारी नोकरीची एक सुवर्णसंधी आहे.
१०वी पास तरुणांना सरकारी नोकरीची सुवर्णसंधी
मुंबई : रेल्वेत सरकारी नोकरी मिळवण्याचे स्वप्न पाहणाऱ्या तरुणांसाठी एक मोठी आणि महत्त्वाची बातमी आहे. रेल्वे मंत्रालयाने तब्बल २२,००० रिक्त पदांसाठी महाभरती जाहीर केली असून, अर्ज करण्याची शेवटची संधी आता जवळ आली आहे. जर तुम्ही अजूनही अर्ज केला नसेल, तर आजच प्रक्रिया पूर्ण करा!
आज अर्जाची शेवटची तारीख!
या भरतीसाठी ऑनलाईन अर्ज करण्याची अंतिम मुदत २९ जानेवारी २०२६ (आज मध्यरात्री १२ वाजेपर्यंत) आहे. हाताशी अवघे काही तास शिल्लक असल्याने तांत्रिक बिघाड टाळण्यासाठी उमेदवारांनी त्वरित अर्ज सादर करण्याचे आवाहन केले जात आहे.
रिक्त पदे आणि शैक्षणिक पात्रता
या मेगाभरतीमध्ये १०वी उत्तीर्ण ते पदवीधरांपर्यंत सर्वांना संधी आहे. भरती प्रामुख्याने खालील तांत्रिक आणि बिगर तांत्रिक पदांसाठी होत आहे:
महत्त्वाची पदे
पॉइंट्समन-B, ट्रॅक मेंटेनर Gr. IV, असिस्टंट लोको शेड (इलेक्ट्रिकल), असिस्टंट (ब्रिज), असिस्टंट (S&T), असिस्टंट (TL आणि AC), असिस्टंट (C&W) इत्यादी.
पात्रता: १०वी उत्तीर्ण / पदवीधर.
वयोमर्यादा: १८ ते ३३ वर्षे.
वेतन आणि निवड प्रक्रिया
निवड झालेल्या उमेदवारांना दरमहा १८,००० रुपयांपासून आकर्षक वेतन मिळणार आहे. प्रत्येक पदाच्या जबाबदारीनुसार आणि श्रेणीनुसार वेतन श्रेणी वेगवेगळी असेल. देशभरातील विविध रेल्वे झोननुसार या जागा विभागल्या गेल्या आहेत.
अर्ज करण्यापूर्वी हे लक्षात ठेवा
१. उमेदवारांनी अर्ज करण्यापूर्वी अधिकृत जाहिरातीची PDF फाईल काळजीपूर्वक वाचावी.
२. सर्व कागदपत्रे स्कॅन करून तयार ठेवावीत जेणेकरून वेळेवर धावपळ होणार नाही.
३. वेतन कोणत्या आयोगाच्या रचनेनुसार असेल, याची स्पष्टता लवकरच अधिकृत पोर्टलवर दिली जाईल.
सरकारी नोकरीची ही मोठी संधी हातची जाऊ देऊ नका. पात्र उमेदवारांनी खालील लिंकवरून त्वरित अर्ज करावा!
