Solar Panels GST Cut : सोलर पॅनल स्वस्त होणार? मिडल क्लासला दिलासा मिळणार?
सोलर उपकरणांवरील जीएसटी १२% वरून ५% पर्यंत कमी झाला आहे. यामुळे सोलर उपकरणे स्वस्त होतील अशी अपेक्षा आहे. पण कच्च्या मालाच्या जास्त करामुळे उत्पादकांना अडचणी येत आहेत. जाणून घ्या सविस्तर.
17
Image Credit : Asianet News
जीएसटी सवलत
केंद्र सरकारने सोलर पॅनल आणि पर्यावरणपूरक कंपन्यांसाठीचा जीएसटी १२% वरून ५% पर्यंत कमी केला आहे. हा बदल २२ सप्टेंबर २०२५ पासून लागू होईल. यामुळे सोलर ऊर्जा उपकरणे स्वस्त होऊन सर्वसामान्यांनाही परवडतील. यामुळे हरित ऊर्जेला चालना मिळेल आणि वीज बिलाचा भारही कमी होईल.
27
Image Credit : Pinterest
सोलर पॅनलची किंमत
सोलर पॅनलसोबतच सोलर कुकर, कंदील, वॉटर हीटर, पीव्ही सेल, सोलर जनरेटर, पवनचक्की, कचऱ्यापासून वीज निर्मिती करणारी यंत्रे, सागरी लाटांपासून वीज निर्मिती करणारी उपकरणे, हायड्रोजन वाहने अशी अनेक पर्यावरणपूरक उत्पादने आता कमी करात उपलब्ध आहेत. पूर्वी १२% करामुळे किंमत जास्त होती, आता ५% करात लोकांना थेट फायदा होईल.
37
Image Credit : Pinterest
हरित ऊर्जा
उदाहरणार्थ, ८०,००० रुपयांचे सोलर सिस्टीम घेतल्यास ९,६०० रुपये कर (१२%) द्यावा लागायचा. एकूण ८९,६०० रुपये. आता ५% करात फक्त ४,००० रुपये कर लागेल. म्हणजे एकूण ८४,००० रुपये. यामुळे थेट ५,६०० रुपये बचत होईल. पण कंपनी हा फायदा ग्राहकांना पूर्णपणे दिला तरच खरा फायदा मिळेल.
47
Image Credit : Getty
पुनर्नवीकरणीय ऊर्जा
तरीही, सोलर उत्पादक कंपन्यांना अजूनही अडचणी आहेत. कारण - कच्च्या मालाचा कर जास्त आहे. उत्पादनांवर कमी कर आणि कच्च्या मालाचा कर जास्त असल्यास त्याला "उलट कर व्यवस्था" म्हणतात. यामुळे कंपन्यांचे पैसे सरकारकडे अडकतात. हे पैसे लवकर परत मिळतील अशी व्यवस्था असेल असे केंद्र सरकारने आश्वासन दिले आहे.
57
Image Credit : freepik
सोलर बचत
सध्या केंद्र आणि राज्य सरकारकडून सोलर एनर्जी प्रकल्पावर सबसिडी दिली जाते. तसेच अतिरिक्त वीज असेल तर महावितरण ती खरेदीही करते. त्यामुळे सोलर प्रकल्प घरी असणे फायद्याचे आहे.
67
Image Credit : AI Generated Images
पुण्यातील प्रकल्प
पुण्यातील एक सोसासटीने सोलर प्रकल्प इमारतीच्या गच्चीवर सुरु केला आहे. त्यामुळे केवळ सोसायटीचीच नव्हे तर त्यातील घरांची वीजही त्यात इमारतीत उत्पादित केली जात आहे. त्यामुळे या सोसायटीला एक रुपयाही वीजेवर खर्च करावा लागत नाही.
77
Image Credit : AI Generated Images
सोलर वॉटर हिटर
अनेक घरांमध्ये सोलर वॉटर हिटर बसवले आहेत. त्यासोबतच वीजही तयार केली जाते. त्यामुळे वीजेचे बिल शुन्यावर आले आहे. आता त्यांना वीजेचे बिल भरण्यासाठी एकही रुपया खर्च करावा लागत नाही.
