तुम्हाला नाश्त्यासाठी काहीतरी हेल्दी, हलकं आणि कमी तेलाचं हवंय का? मग रवा, ओट्स आणि मूग डाळीपासून बनणारे हे ३ प्रकारचे लो-ऑईल व्हेज उपमा तुमच्यासाठी परफेक्ट आहेत. चवीला भारी आणि आरोग्यासाठीही उत्तम!
Vegetable Upma Recipe: सकाळच्या नाश्त्यात काहीतरी हलकं, पौष्टिक आणि झटपट होणारं हवं असेल, तर लो-ऑईल व्हेज उपमा हा एक बेस्ट ऑप्शन आहे. रवा आणि ताज्या भाज्यांपासून बनणारी ही साऊथ इंडियन डिश चवीसोबतच आरोग्याचीही काळजी घेते. कमी तेलात बनत असल्यामुळे वजन कमी करणाऱ्यांसाठीही हा एक चांगला पर्याय आहे. चला तर मग, ३ प्रकारचे हेल्दी आणि टेस्टी व्हेज उपमा बनवण्याची सोपी रेसिपी पाहूया.
क्लासिक मिक्स व्हेज उपमा
साहित्य
- १ कप रवा
- १ छोटा कांदा, बारीक चिरलेला
- १ गाजर, चिरलेलं
- १/४ कप मटार
- १ हिरवी मिरची
- १ छोटा चमचा मोहरी
- ६-७ कढीपत्त्याची पानं
- १ छोटा चमचा तेल
- चवीनुसार मीठ
- २ कप पाणी
कसा बनवायचा?
सर्वात आधी रवा तेल न टाकता कोरडाच हलका भाजून घ्या. आता कढईत तेल गरम करून त्यात मोहरी, कढीपत्ता आणि हिरवी मिरची टाका. त्यानंतर कांदा आणि सगळ्या भाज्या टाकून हलक्या परतून घ्या. पाणी आणि मीठ घालून उकळी येऊ द्या. आता हळूहळू रवा टाकत राहा आणि ढवळत राहा, म्हणजे गुठळ्या होणार नाहीत. ३-४ मिनिटं शिजवून गॅस बंद करा आणि गरमागरम सर्व्ह करा.
ओट्स व्हेज उपमा
साहित्य
- १ कप ओट्स
- १/२ कप रवा
- १ टोमॅटो, चिरलेला
- १/४ कप ढोबळी मिरची
- १ छोटा कांदा
- १ छोटा चमचा तेल
- मोहरी आणि कढीपत्ता
- चवीनुसार मीठ आणि काळी मिरी
- २ कप पाणी
कसा बनवायचा?
ओट्स आणि रवा वेगवेगळे भाजून घ्या. आता कढईत तेल टाकून मोहरी आणि कढीपत्त्याची फोडणी द्या. कांदा, टोमॅटो आणि ढोबळी मिरची टाकून थोडं मऊ होईपर्यंत परता. पाणी टाकून उकळी आणा आणि मग त्यात ओट्स व रवा मिक्स करा. सतत ढवळत शिजवा. तयार झाल्यावर वरून काळी मिरी टाका आणि हेल्दी उपम्याचा आनंद घ्या.
Related Articles
मूग डाळ आणि व्हेज उपमा
साहित्य
- १ कप रवा
- १/४ कप भिजवलेली मूग डाळ
- १ गाजर, चिरलेलं
- १/४ कप फरसबी (बीन्स)
- १ छोटा चमचा तेल
- १/२ छोटा चमचा जिरं
- कढीपत्ता
- चवीनुसार मीठ
- २ कप पाणी
कसा बनवायचा?
सर्वात आधी रवा कोरडा भाजून घ्या. कढईत तेल गरम करून त्यात जिरं आणि कढीपत्ता टाका. आता मूग डाळ टाकून २ मिनिटं परता. गाजर आणि फरसबी टाकून हलकी शिजवून घ्या. पाणी आणि मीठ घालून उकळी येऊ द्या. आता रवा टाकून सतत ढवळत राहा. मंद आचेवर ४-५ मिनिटं शिजवून गॅस बंद करा. प्रोटीनने भरपूर आणि चविष्ट उपमा तयार आहे.
