Health Tips: केस जास्त गळतात? हे पाच पदार्थ नियमित खा आणि केस गळती थांबवा

Health Tips: पालकामध्ये व्हिटॅमिन ए, सी आणि फोलेटसारखे महत्त्वाचे पोषक घटक असतात, जे केस दाट करतात, टाळूतील रक्ताभिसरण सुधारतात आणि कोलेजनचे उत्पादन वाढवतात.

केस गळती थांबवण्यासाठी उपयुक्त पाच पदार्थ

Health Tips: प्रत्येक व्यक्तीचे सरासरी दररोज 50 ते 100 केस गळत असतात. हे प्रमाण सामान्य असले तरी जास्त केस गळणे चिंतेचे कारण असू शकते. यामुळे केसांचे पातळ होणे, टक्कल पडणे या समस्यांचा सामना करावा लागतो.त्यामुळे तुमच्या केसांची लांबी आणि जाडी वाढवायची असेल, तर नैसर्गिक उपाय जसे उपयुक्त ठरतात तसेच आहारात काही गोष्टींचा समावेश केल्याने या केसगळतीला बऱ्यापैकी थांबवता येते. तुम्हाला हे जाणून आश्चर्य वाटेल की तुमचे केस एका महिन्यात अर्धा इंच वाढता. तर काही गोष्टींचे पालन केले तरीही केसांच्या वाढीचा वेग वाढू शकतो.

मजबूत आणि निरोगी केसांसाठी पौष्टिक आहार महत्त्वाची भूमिका बजावतो. तुम्ही जे अन्न खाता, तिथूनच तुमच्या केसांचे आरोग्य सुरू होते. पौष्टिक आहारामुळे केसगळती थांबते आणि केसांची वाढ वेगाने होते. केसगळती रोखण्यास मदत करणाऱ्या पाच दैनंदिन पदार्थांबद्दल येथे माहिती दिली आहे.

अंडी

अंड्यांमध्ये बायोटिन, जीवनसत्त्वे आणि प्रथिने यांसारखे महत्त्वाचे पोषक घटक असतात. ते केसांच्या मुळांना मजबूत करतात, खराब झालेले केस दुरुस्त करतात आणि केसांना अधिक ओलावा देतात. केस तुटणे कमी करण्यापासून ते निरोगी आणि दाट केसांसाठी अंडी प्रभावी आहेत. अंड्यातील प्रथिने केसांच्या एकूण रचनेसाठी मदत करतात. दुसरीकडे, बायोटिन केसांच्या मुळांचे पोषण करते आणि त्यांना मऊ ठेवते. अंड्यांमध्ये अमिनो ॲसिडही भरपूर प्रमाणात असते. यामुळे केस मजबूत होतात आणि केसांचे होणारे नुकसान टाळले जाते.

पालक

पालकामध्ये व्हिटॅमिन ए, सी आणि फोलेटसारखे महत्त्वाचे पोषक घटक असतात, जे केस दाट करतात, टाळूतील रक्ताभिसरण सुधारतात आणि कोलेजनचे उत्पादन वाढवतात. पालक केसगळती रोखतो. यामुळे केसांचे तुटणे कमी होते आणि केसगळती कमी होते. त्यातील लोहाचे प्रमाण ॲनिमियाच्या समस्येवर मात करण्यास मदत करते.

रताळे

रताळे हे केसांच्या आरोग्यासाठी उपयुक्त असलेले आणखी एक अन्न आहे. टाळूचे आरोग्य सुधारणे, सेबमचे उत्पादन नियंत्रित करणे आणि बीटा-कॅरोटीनसारखे आवश्यक पोषक तत्व पुरवून रताळे केसगळती रोखतात. यामध्ये व्हिटॅमिन सी देखील भरपूर प्रमाणात असते, जे कोलेजन उत्पादनास मदत करते. तसेच इतर अनेक खनिजे असतात जे केसांना आतून पोषण देतात. रताळे केसांचा कोरडेपणा कमी करतात, केसांच्या मुळांना मजबूत करतात आणि केसांची वाढ वाढवतात.

दही

दह्यामध्ये प्रथिने भरपूर प्रमाणात असतात. हे लॅक्टिक ॲसिडद्वारे टाळूचे आरोग्य सुधारते आणि केस तुटणे कमी करते. याशिवाय, दही कोंडा नियंत्रित करते आणि केसांना ओलावा देते.

आवळा

आवळ्यामध्ये व्हिटॅमिन सी, अँटीऑक्सिडंट्स आणि फॅटी ॲसिडस् असतात. हे टाळूतील रक्ताभिसरण सुधारण्यास, केसगळती कमी करण्यास आणि केस तुटण्याची समस्या टाळण्यास मदत करते. त्याचे अँटी-इन्फ्लेमेंटरी गुणधर्म टाळूला आराम देतात आणि संसर्ग कमी करतात.