Health Care : हिवाळ्यात त्वचा होते कोरडी, काळजी घेताना 'या' 5 चुका कधीही करू नका
Health Care : हिवाळ्यात त्वचा कोरडी होत असल्याने तिची योग्य प्रकारे काळजी घेण्याची गरज आहे. अन्यथा, त्याचे विपरित परिणाम होऊ शकतात. काहीवेळा आपण काही चुका करतो. त्या चुका कोणत्या आणि त्या कशा सुधारायच्या हे जाणून घेऊया.
हिवाळ्यातील स्किनकेअरमधील चुका
त्वचा निरोगी ठेवण्यासाठी आपण रोज त्वचेची काळजी घेतो. पण नकळतपणे आपल्याकडून काही चुका होतात. यामुळे त्वचेचे नुकसान होते आणि त्वचेच्या समस्या निर्माण होतात. या लेखात आपण हिवाळ्यात त्वचेची काळजी घेताना कोणत्या चुका टाळाव्यात आणि झाल्यास त्या कशा सुधाराव्यात हे जाणून घेऊया.
पिंपल्स असताना मॉइश्चरायझर वापरू नका!
चेहऱ्याला मॉइश्चरायझर लावणे चांगले असले तरी, पिंपल्स असताना ते लावल्यास समस्या आणखी वाढू शकते. त्यामुळे पिंपल्स असताना ऑइल-फ्री मॉइश्चरायझर वापरा. यामुळे तुमची त्वचा सुरक्षित राहील.
मॉइश्चरायझर न बदलण्याची चूक!
उन्हाळ्यात वापरलेले मॉइश्चरायझर हिवाळ्यातही वापरल्यास त्वचा कोरडी होऊ शकते. त्यामुळे हिवाळ्यात त्वचेनुसार ऑलिव्ह ऑइल, जोजोबा ऑइल, ग्लिसरीन आणि पेट्रोलियम जेली यांसारखे घटक असलेले जास्त तेलकट मॉइश्चरायझर वापरा.
टोनरचा वापर!
हिवाळ्यात त्वचा कोरडी होऊ नये म्हणून, त्वचा स्वच्छ केल्यानंतर टोनर लावा. त्यानंतर सीरम आणि मॉइश्चरायझर लावा. यामुळे तुमच्या त्वचेतील कोरडेपणा दूर होईल आणि ओलावा टिकून राहील.
सनस्क्रीन लावणे टाळू नका!
सनस्क्रीन फक्त उन्हाळ्यातच आवश्यक असते, हिवाळ्यात नाही, असे समजून ते लावणे टाळू नका. घरातून बाहेर पडताना नेहमी सनस्क्रीन लावा. विशेषतः SPF 30 असलेले सनस्क्रीन वापरणे चांगले आहे.
फेस वॉश बदलणे महत्त्वाचे!
उन्हाळ्यात वापरलेला फेस वॉश हिवाळ्यात वापरल्यास त्वचा अधिक कोरडी होते. त्यामुळे ग्लिसरीन, कोरफड जेल यांसारखे हायड्रेटिंग घटक असलेला फेस वॉश वापरा. तसेच, अल्कोहोल आणि तीव्र सुगंध असलेले फेस वॉश टाळणे चांगले.
हात आणि ओठांकडेही लक्ष द्या!
हिवाळ्यात फक्त चेहराच नाही, तर हात आणि ओठांनाही विशेष काळजीची गरज असते. त्यामुळे मॉइश्चरायझिंग हँड क्रीम आणि लिप बाम वापरा.
याशिवाय, हिवाळ्यात गरम सूप, भाज्या, फळे आणि नट्स यांसारखे हंगामी पदार्थ खाल्ल्यास त्वचा निरोगी आणि सुरक्षित राहते.
