मळमळ, उलट्या आणि चक्कर येण्याच्या भीतीने अनेकांची चिंता वाढते. ताज्या संशोधन अभ्यासात बडीशेपचा अर्क ही चिंतेची सर्व लक्षणे नियंत्रित करतो. बडीशेप खाण्याचे इतरही अनेक फायदे आहेत.
बडीशेपचा अर्क अनेकजण सेवन करतात. ही सवय फायदेशीर ठरू शकते.कारण यात भरपूर पोषक तत्वे असतात. प्रथिने, कर्बोदके आणि फायबरयुक्त बडीशेप आपल्या हृदयाचे आरोग्य देखील राखते. बडीशेपमधील फायबर कोलेस्ट्रॉल आणि रक्तातील साखरेची पातळी नियंत्रित करण्यास मदत करते. याव्यतिरिक्त, त्यात अँटीऑक्सिडंट आणि दाहक-विरोधी गुणधर्म आहेत, जे हृदयरोग आणि हृदयविकाराचा धोका कमी करतात.
काळजी, चिंता नियंत्रित करण्यासाठी बडीशेप उपयुक्त आहे. तसेच बडीशेपचा अर्क मळमळ, उलट्या आणि चक्कर यांसारखी चिंतेची लक्षणे नियंत्रित करतो, र्असे अलीकडील अभ्यासात आढळून आले आहे.
बडीशेपमधील दाहक-विरोधी गुणधर्म आतड्यांतील सूजेमुळे होणाऱ्या आजारांची लक्षणे नियंत्रित करतात. बडीशेपचा अर्क पचनमार्गातील सूज कमी करण्यास मदत करतो. बडीशेपचे पाणी प्यायल्याने लघवीचे उत्पादन वाढते, ज्यामुळे शरीरातील विषारी पदार्थ बाहेर टाकण्यास मदत होते. चयापचय क्रिया वाढवण्यासाठीही हे चांगले आहे. त्यामुळे वजन कमी करण्याचा प्रयत्न करणारे लोकही हे नियमितपणे पिऊ शकतात.
Related Articles
बडीशेपच्या पाण्यातील अँटीऑक्सिडंट्स आणि जीवनसत्त्वे मुरुमे आणि त्वचेच्या इतर समस्यांना प्रतिबंध करतात. बडीशेपच्या बियांमधील दाहक-विरोधी आणि अँटीमाइक्रोबियल गुणधर्म फुफ्फुसांचे आरोग्य सुधारतात.
व्हिटॅमिन सी, ए, फायबर, पोटॅशियम, झिंक आणि लोह असलेली बडीशेप शरीर थंड ठेवण्यासाठी आणि थकवा व निर्जलीकरण टाळण्यासाठी चांगली आहे. फायबरने समृद्ध असलेली बडीशेप भूक कमी करण्यास आणि वजन कमी करण्यास मदत करते. यामध्ये कॅलरीजचे प्रमाणही खूप कमी असते.
