तोंडाचा कॅन्सर; शरीरात दिसणारी काही सुरुवातीची लक्षणं
ओठ, जीभ, तोंडाच्या आतील त्वचा (सामान्यतः स्क्वॅमस सेल कार्सिनोमा) या ठिकाणी होणाऱ्या कॅन्सरला तोंडाचा कॅन्सर (Oral Cancer) म्हणतात.
तोंडाचा कॅन्सर; शरीरात दिसणारी काही सुरुवातीची लक्षणं
ओठ, जीभ, तोंडाच्या आतील त्वचा (सामान्यतः स्क्वॅमस सेल कार्सिनोमा) या ठिकाणी होणाऱ्या कॅन्सरला तोंडाचा कॅन्सर म्हणतात. याचा परिणाम ओठ, जीभ, हिरड्या, गालाची आतील बाजू, तोंडाचा तळ, टाळू आणि घशाच्या मागील भागावर होतो.
दारू आणि तंबाखू एकत्र सेवन करणाऱ्यांना तोंडाचा कॅन्सरचा धोका जास्त
विविध प्रकारची तंबाखू/सुपारी वापरणारे, तोंडात तंबाखू ठेवणारे, पान किंवा सुपारीसोबत तंबाखू खाणाऱ्यांना तोंडाचा कॅन्सर होण्याचा धोका वाढतो. दारू आणि तंबाखू एकत्र सेवन करणाऱ्यांना तोंडाचा कॅन्सर होण्याची शक्यता जास्त असते.
तोंडाचा कॅन्सर अनेकदा धूम्रपान किंवा तंबाखू चघळण्याशी संबंधित असतो.
तोंडाचा कॅन्सर अनेकदा धूम्रपान किंवा तंबाखू चघळण्याशी संबंधित असतो. रोज दारू प्यायल्यानेही धोका वाढतो. सेंटर फॉर कॅन्सर एपिडेमियोलॉजी आणि होमी भाभा नॅशनल इन्स्टिट्यूटच्या संशोधकांच्या अभ्यासात असं आढळून आलं आहे की, भारतातील १० पैकी ६ पेक्षा जास्त तोंडाच्या कॅन्सरची प्रकरणं दारू आणि गुटखा, खैनी, पान यांसारख्या धूररहित तंबाखू उत्पादनांच्या सेवनाशी संबंधित आहेत.
मद्यपानामुळे तोंडाच्या कॅन्सरचा धोका लक्षणीयरीत्या वाढतो: तज्ज्ञ
देशातील ६२ टक्के तोंडाचे कॅन्सर तंबाखू आणि दारूच्या सेवनामुळे होतात. तंबाखू हा एक मोठा धोकादायक घटक आहे, पण मद्यपानामुळे तोंडाच्या कॅन्सरचा धोका लक्षणीयरीत्या वाढतो, असं तज्ज्ञांचं म्हणणं आहे.
दारूमुळे ॲसिटाल्डिहाइड तयार होते, जे तोंडातील पेशींचे DNA खराब करते
दारू प्यायल्याने ॲसिटाल्डिहाइड तयार होते. हा एक विषारी पदार्थ आहे जो तोंडातील पेशींमधील DNA खराब करतो. दुसरं म्हणजे, दारूमुळे तोंडातील ऊतींची पारगम्यता वाढते, ज्यामुळे हानिकारक पदार्थ सहजपणे आत प्रवेश करतात, असं बंगळूरूच्या किम्स हॉस्पिटल्सचे ऑन्कोलॉजी चेअरमन डॉ. संदीप नायक सांगतात.
दोन आठवड्यांत बरी न होणारी जखम हे तोंडाच्या कॅन्सरचे पहिले लक्षण
ओठांवर, हिरड्यांवर किंवा तोंडात दोन आठवड्यांत बरी न होणारी जखम दिसणं हे पहिलं लक्षण आहे. कॅन्सरपूर्वी तोंडात पांढरे किंवा लाल चट्टे येतात. हे चट्टे जाड आणि खडबडीत असू शकतात. सुरुवातीला या चट्ट्यांमुळे कोणताही त्रास होत नाही.
जीभ, हिरड्या किंवा तोंडाच्या आत पांढरे किंवा लाल चट्टे दिसणे
जीभ, हिरड्या किंवा तोंडाच्या आत पांढरे (ल्यूकोप्लाकिया) किंवा लाल चट्टे दिसणं हे आणखी एक लक्षण आहे. तोंडाचा कॅन्सर सहसा तोंड, ओठ, मान किंवा जबड्यात गाठ किंवा जाडसरपणाच्या रूपात दिसतो. या गाठी वेदनादायक किंवा वेदनारहित असू शकतात. दोन आठवड्यांपेक्षा जास्त काळ गाठ दिसल्यास डॉक्टरांकडून तपासणी करा.
