दहावी पास आहात? रिझर्व्ह बँकेत नोकरीची सुवर्णसंधी! ५७२ जागांसाठी मेगाभरती सुरू; असा करा अर्ज

RBI Office Attendant Recruitment 2026 : रिझर्व्ह बँक ऑफ इंडिया RBI ने ऑफिस अटेंडंट पदांच्या ५७२ जागांसाठी भरती प्रक्रिया सुरू केली, ज्यासाठी दहावी उत्तीर्ण असणे आवश्यक आहे. निवड झालेल्या उमेदवारांना २४,२५० रुपये सुरुवातीचा पगार आणि इतर भत्ते मिळतील. 

Image Credit : Getty

दहावी पास आहात? रिझर्व्ह बँकेत नोकरीची सुवर्णसंधी!

मुंबई : जर तुम्ही फक्त दहावी उत्तीर्ण असाल आणि सरकारी नोकरीच्या शोधात असाल, तर तुमच्यासाठी एक आनंदाची बातमी आहे. रिझर्व्ह बँक ऑफ इंडिया (RBI) मध्ये 'ऑफिस अटेंडंट' पदांच्या ५७२ जागांसाठी अधिकृत भरती प्रक्रिया सुरू झाली आहे. देशाच्या मध्यवर्ती बँकेत सन्मानाची नोकरी मिळवण्याची ही मोठी संधी आहे. 

Image Credit : Getty

भरतीचा तपशील आणि महत्त्वाच्या तारखा

एकूण पदे: ५७२

अर्ज प्रक्रिया सुरू: १५ जानेवारी २०२६

अर्ज करण्याची शेवटची तारीख: ४ फेब्रुवारी २०२६

शैक्षणिक पात्रता: १० वी उत्तीर्ण (किंवा अंडरग्रॅज्युएट) 

Image Credit : Getty

जागांचे वर्गीकरण (Category-wise Seats)

या भरतीमध्ये सर्व प्रवर्गातील उमेदवारांना स्थान देण्यात आले आहे.

खुला प्रवर्ग (Open): २९१ पदे

इतर मागासवर्ग (OBC): ८६ पदे

अनुसूचित जाती (SC): ८९ पदे

अनुसूचित जमाती (ST): ५८ पदे

आर्थिकदृष्ट्या दुर्बल (EWS): ५१ पदे 

Image Credit : Getty

वयोमर्यादा आणि पगार

वय: १८ ते २५ वर्षे (राखीव प्रवर्गातील उमेदवारांना सरकारी नियमानुसार वयात सवलत मिळेल).

पगार: निवड झालेल्या उमेदवारांना २४,२५० रुपये सुरुवातीचा पगार मिळेल. याव्यतिरिक्त महागाई भत्ता (DA) आणि घरभाडे भत्ता (HRA) यांसारखे आकर्षक फायदेही मिळतील. 

Image Credit : Getty

निवड प्रक्रिया कशी असेल?

उमेदवारांची निवड ऑनलाइन लेखी परीक्षेद्वारे केली जाईल. यामध्ये खालील विषयांवर आधारित प्रश्न असतील.

१. तर्कक्षमता (Reasoning)

२. इंग्रजी भाषा (English)

३. सामान्य ज्ञान (General Awareness)

४. संख्यात्मक अभियोग्यता (Numerical Ability)

मुंबई, दिल्ली, पुणे, बंगळुरु यांसारख्या देशातील प्रमुख शहरांमध्ये ही नियुक्ती केली जाणार आहे.