तत्काळ 75% रक्कम काढता येणार, PF संदर्भात नवीन नियमावली, काय आहे खास?
ईपीएफओ 3.0 धोरण लागू करण्यात आले आहे. नवीन धोरणात पीएफमधून पैसे काढण्यासह अनेक नियमांमध्ये शिथिलता आणून पीएफ सदस्यांना सहज आणि गरजेनुसार पैसे काढता यावेत, यासाठी नियम बनवण्यात आले आहेत.
ईपीएफओ 3.0 धोरण :
ईपीएफओ 3.0 धोरण लागू करण्यात आले आहे. नवीन धोरणात पीएफमधून पैसे काढण्यासह अनेक नियमांमध्ये शिथिलता आणून पीएफ सदस्यांना सहज आणि गरजेनुसार पैसे काढता यावेत, यासाठी नियम बनवण्यात आले आहेत. कामगार मंत्री मनसुख मांडविया यांच्या नेतृत्वाखाली हे बदल करण्यात आले आहेत.
तत्काळ 75% रक्कम काढता येणार -
नवीन पीएफ धोरणानुसार, नोकरी सोडल्यानंतर लगेचच पीएफमधील 75 टक्के रक्कम काढता येणार आहे. तर संपूर्ण रक्कम 12 महिन्यांनंतर काढता येईल. जुन्या नियमानुसार, एक महिन्यानंतर 75 टक्के आणि उर्वरित 25 टक्के रक्कम 2 महिन्यांनंतर काढता येत होती.
पेन्शनची रक्कम काढण्याचा नियम -
नोकरी गमावल्यानंतर मिळणाऱ्या पेन्शनच्या रकमेची मुदत वाढवण्यात आली आहे. पूर्वी नोकरी गमावल्यानंतर किंवा सोडल्यानंतर 2 महिन्यांनी पेन्शनची रक्कम काढता येत होती. नवीन नियमानुसार, ही मुदत 36 महिने असणे आवश्यक आहे.
ईपीएफ कॉर्पस -
नवीन 3.0 नियमानुसार, ईपीएफ कॉर्पसमधून 75 टक्के रक्कम काढता येणार आहे. उर्वरित 25 टक्के रक्कम किमान शिल्लक म्हणून ठेवावी लागेल. 3 महिन्यांचे मूळ वेतन किंवा डीए काढण्याच्या नियमात कोणताही मोठा बदल केलेला नाही.
नैसर्गिक आपत्ती -
काही आपत्कालीन परिस्थितीत पीएफमधून पैसे काढण्याची मर्यादा 5,000 रुपये किंवा कर्मचाऱ्याच्या पीएफ योगदानाच्या 50 टक्के, यापैकी जी रक्कम कमी असेल ती काढता येत होती. पण आता कोणतीही छोटी रक्कम किंवा आंशिक रक्कम काढण्यासाठी किमान 12 महिने पूर्ण झालेले असावेत.
वैद्यकीय आणीबाणी -
पूर्वी वैद्यकीय आणीबाणीसाठी कर्मचाऱ्याच्या पीएफ योगदानातून 6 महिन्यांपर्यंतचे मूळ वेतन आणि डीएची रक्कम काढता येत होती. हा नियम कायम ठेवण्यात आला आहे. पण आता कर्मचाऱ्याने किमान 12 महिने सेवा पूर्ण केलेली असावी, असा नवीन नियम आणला आहे.
शिक्षण, लग्न
शिक्षण आणि लग्नासाठी, पूर्वी 7 वर्षे सेवा पूर्ण केलेला कर्मचारी 50 टक्के रक्कम शिक्षणासाठी 3 वेळा आणि लग्नासाठी 2 वेळा काढू शकत होता. पण नवीन धोरणानुसार, आता शिक्षणासाठी 10 वेळा आणि लग्नासाठी 5 वेळा रक्कम काढता येणार आहे.
