Comb DIY तुमच्या घरात पडलेले जुने कंगवे फेकून देण्याऐवजी, या सोप्या DIY आयडिया वापरून त्यांना पुन्हा वापरा. तुम्ही यापासून वॉल हँगिंग, ज्वेलरी होल्डर, कॅन्डल स्टँड आणि इतर क्रिएटिव्ह वस्तू बनवू शकता.
Reuse Old Comb: तुमच्या घरातही जुने, न वापरलेले प्लॅस्टिक किंवा लाकडी कंगवे पडलेले असतील. ते फेकून देण्याऐवजी तुम्ही त्यांचा खूप क्रिएटिव्ह वापर करू शकता. यापासून तुम्ही आकर्षक वॉल हँगिंग बनवू शकता, ड्रॉईंगमध्ये वापरू शकता किंवा मुलांच्या आर्ट आणि क्राफ्टसाठीही याचा उपयोग होऊ शकतो. चला, पाहूया अशाच काही सोप्या DIY आयडिया, ज्या तुम्ही घरी सहज ट्राय करू शकता...
जुन्या कंगव्यापासून काय बनवायचं?
तुम्ही जुन्या कंगव्यापासून एक सुंदर वॉल हँगिंग बनवू शकता. त्यावर फुलं, मणी किंवा आरशांनी डिझाइन करा आणि एक दोरी बांधून भिंतीवर लटकवा. झालं तुमचं मस्त डेकोरेशन तयार! याला हुक लावून तुम्ही भिंतीवर टांगू शकता.
Related Articles
आणखी वाचा- Peanut Shell Craft: शेंगांची टरफलं कचरा नाहीत, त्यापासून बनवा युनिक आणि क्रिएटिव्ह वस्तू
टेक्स्चर टूल म्हणून वापरा
लहान मुलांना पेंटिंग करताना टेक्स्चर (texture) तयार करण्यासाठी तुम्ही कंगव्याचा वापर करू शकता. जसं की लाटा, रेषा किंवा झिग-झॅग पॅटर्न काढायचा असेल, तर कंगव्याला रंग लावून तुम्ही कागदावर टेक्स्चर आर्ट बनवू शकता.
ज्वेलरी होल्डर म्हणून वापरा
कंगव्याचा वापर तुम्ही एक सुंदर ज्वेलरी होल्डर म्हणूनही करू शकता. तुमचा लाकडी कंगवा भिंतीवर लावा. हवं तर तुम्ही त्याला रंगवून अजून आकर्षक बनवू शकता. यात तुम्ही तुमचे छोटे कानातले किंवा इतर दागिने अडकवून ठेवू शकता. यामुळे ते एकमेकांत गुंतणार नाहीत आणि तुम्हाला हवं तेव्हा सहज मिळतील.
कंगव्यापासून बनवा कॅन्डल होल्डर
कंगव्याचा बेस म्हणून वापर करून तुम्ही कॅन्डल होल्डरसुद्धा बनवू शकता. त्याला तुमच्या आवडीच्या आकारात कापा. त्याचा बेस तयार करा आणि त्यात छोटी टी-लाइट कॅन्डल ठेवून एक डेकोरेटिव्ह पीस तयार करा.
