प्रधानमंत्री आवास योजना (PMAY-G) ग्रामीण भागातील कुटुंबांना घरबांधणीसाठी आर्थिक मदत करते. अनेक लाभार्थ्यांना आपला अर्ज मंजूर झाला आहे की नाही हे तपासण्यात अडचण येते.
मुंबई : स्वतःच्या हक्काच्या आणि पक्क्या घराचे स्वप्न पाहणाऱ्या ग्रामीण भागातील नागरिकांसाठी 'प्रधानमंत्री आवास योजना' (PMAY-G) हा मोठा आधार ठरली आहे. केंद्र आणि राज्य सरकारच्या संयुक्त प्रयत्नातून शेतकरी, शेतमजूर आणि अल्प उत्पन्न गटातील कुटुंबांना घरबांधणीसाठी थेट आर्थिक मदत दिली जाते. मात्र, आपला अर्ज मंजूर झाला का? यादीत नाव आले का? हे कसं पाहायचं, याबाबत अनेकांमध्ये संभ्रम असतो. आता तुम्ही घरबसल्या केवळ ५ मिनिटांत ही यादी पाहू शकता.
ऑनलाईन यादी पाहण्याची 'स्टेप-बाय-स्टेप' प्रोसेस
लाभार्थी यादीत तुमचे नाव तपासण्यासाठी खालील सोप्या स्टेप्स फॉलो करा.
वेबसाईटला भेट द्या: सर्वप्रथम [संशयास्पद लिंक काढली] या अधिकृत संकेतस्थळावर जा.
Related Articles
AwaasSoft निवडा: होमपेजवर असलेल्या ‘AwaasSoft’ या पर्यायावर क्लिक करा.
Reports मध्ये जा: त्यानंतर ड्रॉपडाउन मेनूमधून ‘Reports’ हा पर्याय निवडा.
Social Audit निवडा: रिपोर्ट पेजवर सर्वात खाली असलेल्या ‘Social Audit Reports’ मधील ‘Beneficiary Details for Verification’ वर क्लिक करा.
माहिती भरा: आता नवीन विंडोमध्ये तुमचे राज्य (महाराष्ट्र), जिल्हा, तालुका आणि गाव निवडा.
वर्ष आणि योजना: ज्या वर्षाची यादी पाहायची आहे ते आर्थिक वर्ष (उदा. 2024-25) आणि योजनेच्या प्रकारात ‘PMAY-G’ निवडा.
कॅप्चा कोड: विचारलेला गणिती कॅप्चा कोड भरून ‘Submit’ बटणावर क्लिक करा.
टिप: सबमिट केल्यावर तुमच्या गावाची संपूर्ण यादी दिसेल. यामध्ये लाभार्थ्याचे नाव, घराची सद्यस्थिती आणि हप्त्यांची माहिती सविस्तरपणे उपलब्ध असते.
घरकुल योजना का ठरतेय 'वरदान'?
ग्रामीण भागात आजही अनेक कुटुंबे कच्च्या किंवा कुडाच्या घरात राहतात. पावसाळा असो वा कडक उन्हाळा, अशा घरांमध्ये राहणे धोकादायक असते. प्रधानमंत्री आवास योजनेमुळे
थेट लाभ: अनुदानाची रक्कम थेट लाभार्थ्याच्या बँक खात्यात जमा होते.
टप्प्याटप्प्याने मदत: घराचे बांधकाम जसजसे पूर्ण होईल, तसतसे तीन टप्प्यांत पैसे दिले जातात.
पारदर्शकता: ऑनलाईन ट्रॅकिंगमुळे भ्रष्टाचाराला आळा बसून खऱ्या गरजूंना घर मिळते.
तुमचे नाव यादीत असल्यास, तुम्ही लगेच पुढच्या प्रक्रियेसाठी ग्रामपंचायतीशी संपर्क साधू शकता. ज्यांचे नाव अद्याप आलेले नाही, त्यांनी आपली माहिती पुन्हा एकदा पोर्टलवर तपासून घ्यावी.
