- Home
- Utility News
- CCTV New Rules: सावधान! घरात किंवा ऑफिसमध्ये CCTV लावताय? सरकारचे 'हे' नवे नियम वाचले नाहीत, तर तुमची खासगी माहिती होईल जगाला 'लाईव्ह'!
CCTV New Rules: सावधान! घरात किंवा ऑफिसमध्ये CCTV लावताय? सरकारचे 'हे' नवे नियम वाचले नाहीत, तर तुमची खासगी माहिती होईल जगाला 'लाईव्ह'!
CCTV New Rules: वाढत्या सायबर गुन्ह्यांमुळे, केंद्र सरकारने सीसीटीव्ही सुरक्षेसाठी नवीन कडक नियम जाहीर केले आहेत. परदेशी उपकरणांमधील सुरक्षा त्रुटी आणि डेटा चोरी रोखण्यासाठी, आता प्रमाणित कॅमेरे आणि हार्डवेअर स्रोताची माहिती देणे बंधनकारक असेल.
सावधान! घरात किंवा ऑफिसमध्ये CCTV लावताय? सरकारचे 'हे' नवे नियम वाचले नाहीत
नवी दिल्ली: आपण सुरक्षेसाठी सीसीटीव्ही (CCTV) लावतो, पण तोच सीसीटीव्ही जर तुमच्यावर हेरगिरी करू लागला तर? सध्या वाढत्या सायबर गुन्ह्यांच्या पार्श्वभूमीवर केंद्र सरकारने सीसीटीव्ही यंत्रणेबाबत अत्यंत कडक पावले उचलली आहेत. डिजिटल सुरक्षा आणि डेटा चोरी रोखण्यासाठी सरकारने नवीन नियमावली जाहीर केली असून, याचे उल्लंघन केल्यास तुमची सुरक्षा धोक्यात येऊ शकते.
तुमचा CCTV सुरक्षित आहे का? चिंतेचे मुख्य कारण
'टाइम्स ऑफ इंडिया'च्या रिपोर्टनुसार, सार्वजनिक आणि सरकारी ठिकाणी वापरल्या जाणाऱ्या सीसीटीव्ही कॅमेऱ्यांबाबत मोठी चिंता व्यक्त करण्यात आली आहे. विशेषतः परदेशातून आयात केलेल्या स्वस्त उपकरणांमध्ये 'सिक्युरिटी लूपहोल्स' (सुरक्षा त्रुटी) असण्याची शक्यता आहे. सुरक्षा यंत्रणांनी नुकत्याच उघड केलेल्या एका हेरगिरी प्रकरणाचे धागेदोरे शेजारील देशांशी संबंधित असल्याने, अनधिकृत सीसीटीव्ही नेटवर्क देशाच्या सुरक्षेसाठी मोठा धोका ठरू शकतात.
सरकारचे नवीन नियम काय सांगताय?
आता सीसीटीव्ही उत्पादक कंपन्या आणि वापरकर्त्यांसाठी काही तांत्रिक मानके (Technical Standards) अनिवार्य करण्यात आली आहेत.
हार्डवेअरचा स्रोत सांगणे बंधनकारक: कंपन्यांना आता त्यांच्या कॅमेऱ्यात वापरले जाणारे मुख्य भाग (Components) कुठून आणले आहेत, याची स्पष्ट माहिती द्यावी लागेल.
रिमोट कंट्रोलवर बंदी: उपकरणांची अशी तपासणी केली जाईल की, ज्यामुळे कोणताही अनोळखी व्यक्ती लांब बसून तुमचा कॅमेरा हॅक किंवा कंट्रोल करू शकणार नाही.
प्रमाणित उपकरणे: आता केवळ सरकारने प्रमाणित केलेले (Certified) कॅमेरेच बाजारात विक्रीसाठी उपलब्ध असतील.
टेलिकॉम सुरक्षेत वाढ: सीसीटीव्हीसोबतच टेलिकॉम उपकरणांची खरेदी देखील केवळ 'विश्वासार्ह' कंपन्यांकडूनच करणे बंधनकारक केले आहे.
सरकारी विभाग आणि सर्वसामान्यांसाठी सूचना
सरकारने सर्व सरकारी कार्यालयांना स्पष्ट आदेश दिले आहेत की, त्यांनी केवळ नवीन नियमांचे पालन करणारेच कॅमेरे वापरावे. सर्वसामान्यांनीही आपले सीसीटीव्ही सॉफ्टवेअर वेळोवेळी अपडेट करत राहावे. जर तुम्ही जुनी सिस्टीम वापरत असाल, तर तिची सुरक्षा तपासून घेण्याचा सल्ला देण्यात आला आहे, अन्यथा हॅकर्स तुमच्या घरातील हालचालींवर नजर ठेवू शकतात.
डेटा सुरक्षा हीच खरी संपत्ती
आजच्या काळात तुमचा डेटा हीच सर्वात मोठी संपत्ती आहे. सीसीटीव्हीच्या माध्यमातून लोकांच्या खासगी जीवनात डोकावण्याचे प्रकार जागतिक स्तरावर घडले आहेत. हे टाळण्यासाठीच भारताने डिजिटल इन्फ्रास्ट्रक्चर सुरक्षित करण्याच्या दिशेने हे मोठे पाऊल उचलले आहे.
