7 लाखांत सनरूफसह कार! टाटा, मारुती आणि हुंडईच्या बजेट-फ्रेंडली गाड्या, सेफ्टी फीचर्सही जबरदस्त

Cars Under 7 Lakh With Sunroof: आजकाल अनेक ग्राहकांना कमी बजेटमध्येही कारमध्ये सनरूफसारखा प्रीमियम फीचर हवा असतो. हीच गरज ओळखून टाटा, मारुती सुजुकी आणि हुंडई या कंपन्यांनी 7 लाख रुपयांच्या आत सनरूफसह कारचे पर्याय उपलब्ध केले आहेत.

Image Credit : GEMINI

7 लाख रुपयांच्या आत सनरूफसह कार

Cars Under 7 Lakh With Sunroof: कार खरेदी करताना ग्राहकांनी सर्वात आधी आपली बजेट रेंज ठरवून ठेवलेली असते. त्यातही आजकाल अनेक जणांना त्यांच्या नवीन कारमध्ये सनरूफ हा प्रीमियम फीचर हवाच असतो. हीच गरज लक्षात घेऊन काही लोकप्रिय कंपन्यांनी 7 लाख रुपयांच्या आत सनरूफसह कार पर्याय बाजारात उपलब्ध करून दिले आहेत. त्यामुळे कमी बजेट असूनही सनरूफची लक्झरी सहज मिळू शकते. या श्रेणीत टाटा, मारुती सुजुकी आणि हुंडई यांच्या कारांचा समावेश आहे. चला पाहूया 7 लाखांच्या आत मिळणाऱ्या सनरूफ कारांची यादी. 

Image Credit : Google

1. टाटा अल्ट्रोज (Tata Altroz)

टाटाची अल्ट्रोज ही आपल्या सेगमेंटमधील सुरक्षित आणि फिचर्सने भरलेली हॅचबॅक मानली जाते.

या कारमध्ये पाच कलर ऑप्शन्स मिळतात.

मार्केटमध्ये 22 विविध व्हेरियंट्स उपलब्ध आहेत.

निवडक व्हेरियंट्समध्ये फॅक्टरी फिटेड सनरूफ देण्यात आले आहे.

याची एक्स-शोरूम किंमत ₹6.30 लाखांपासून सुरू होते.

कारमध्ये 1.2-लीटर रेवोट्रॉन इंजिन, तसेच पेट्रोल आणि CNG दोन्ही पर्याय उपलब्ध.

या मॉडेलला भारत NCAP कडून 5-स्टार सेफ्टी रेटिंग मिळाले आहे. 

Image Credit : our own

2. मारुती सुजुकी डिजायर (Maruti Suzuki Dzire)

मारुतीची ही लोकप्रिय सेडान आता सनरूफच्या पर्यायासोबत अधिक आकर्षक झाली आहे.

गाडीला ग्लोबल NCAP कडून 5-स्टार सेफ्टी रेटिंग मिळालेले आहे.

ABS सह EBD, अशा महत्त्वपूर्ण सुरक्षा यंत्रणा.

सात वेगवेगळ्या कलर ऑप्शनमध्ये उपलब्ध.

1197cc इंजिन, जे 5,700 rpm वर 81.58 PS पॉवर आणि 4,300 rpm वर 111.7 Nm टॉर्क निर्माण करते.

निवडक व्हेरियंटमध्ये इलेक्ट्रिक सनरूफ देण्यात आले आहे.

किंमत ₹6,25,600 पासून सुरू. 

Image Credit : Google

3. हुंडई i20 (Hyundai i20)

हुंडई i20 ही प्रीमियम फीचर्स आणि स्टायलिश डिझाइनसाठी ओळखली जाते.

एक्स-शोरूम किंमत ₹6.87 लाखांपासून सुरू.

कारमध्ये 1.2-लीटर, 4-सिलेंडर पेट्रोल इंजिन.

iVT ट्रान्समिशनसह 87 bhp आणि 5-स्पीड मॅन्युअलमध्ये 82 bhp पॉवर.

नॉर्मल आणि स्पोर्ट्स असे दोन ड्रायव्हिंग मोड्स.

हुंडईच्या निवडक व्हेरियंटमध्ये सनरूफ फीचर उपलब्ध. 

Image Credit : Generated by google gemini AI

या कार भारतीय ग्राहकांसाठी ‘व्हॅल्यू फॉर मनी’

जर तुमचे बजेट सात लाखांपर्यंत असेल आणि तुम्हाला सनरूफसारखा स्टायलिश फीचर हवा असेल, तर वरील तिन्ही कार तुमच्या गरजा आणि बजेटनुसार उत्तम पर्याय ठरू शकतात. सेफ्टी, परफॉर्मन्स आणि फीचर्स यांच्या उत्तम संयोजनासह या कार भारतीय ग्राहकांसाठी ‘व्हॅल्यू फॉर मनी’ ठरतात.