Car Market: मारुतीच्या गाड्यांवर बंपर डिस्काउंट, स्वस्तात कार घेण्याची संधी!
Car Market: मारुती सुझुकी आपल्या एरिना डीलरशिप्समधून काही निवडक कार्सवर जबरदस्त डिस्काउंट देत आहे. विशेषतः जून महिन्यात स्विफ्ट, ब्रेझा आणि व्हिक्टोरिससारख्या लोकप्रिय मॉडेल्सवर मोठी सवलत जाहीर करण्यात आली आहे.
मारुती सुझुकी कारवर 90 हजार रुपयांपर्यंत सूट
नवी कार घेण्याचं स्वप्न अनेकजण पाहतात. आता मारुती सुझुकीने जून महिन्यासाठी मोठी ऑफर जाहीर केली आहे. कंपनी आपल्या एरिना डीलरशिप्समधून विकल्या जाणाऱ्या गाड्यांवर तब्बल 90,000 रुपयांपर्यंत सूट देत आहे.
ऑफरचा तपशील
मारुती व्हिक्टोरिस ऑफर
या महिन्यात मारुती एरिना शोरूममध्ये सर्वात जास्त फायदा व्हिक्टोरिस (Maruti Victoris) या कारवर मिळत आहे. ग्राहक या गाडीच्या स्ट्रॉंग हायब्रीड व्हेरिएंटवर तब्बल 90,000 रुपयांपर्यंत बचत करू शकतात. यात 50,000 रुपयांचा एक्सचेंज/स्क्रॅपेज बोनस, 30,000 रुपयांचा लॉयल्टी अपग्रेड बोनस आणि 10,000 रुपयांची कॉर्पोरेट ऑफर समाविष्ट आहे.
मारुती सुझुकी स्विफ्ट
सर्वांची आवडती हॅचबॅक, मारुती सुझुकी स्विफ्टवर (Maruti Swift) देखील जून महिन्यात मोठी सवलत मिळत आहे. कंपनी स्विफ्टच्या AGS (ऑटो गिअर शिफ्ट) मॉडेल्सवर 45,000 रुपयांपर्यंत आणि पेट्रोल मॅन्युअल व CNG व्हेरिएंटवर 40,000 रुपयांपर्यंत आकर्षक ऑफर्स देत आहे.
मारुती ब्रेझा आणि इतर कार्सवरील ऑफर
फॅमिली कार्समध्ये लोकप्रिय असलेल्या मारुती ब्रेझावर (Brezza) 55,000 रुपयांपर्यंत, वॅगनआर (WagonR) आणि अल्टो के10 (Alto K10) च्या बेस मॉडेल्सवर 52,500 रुपयांपर्यंत, तर मारुती एस-प्रेसो (S-Presso) आणि ईको (Eeco) व्हॅनवर 37,500 रुपयांपर्यंत बंपर ऑफर्स उपलब्ध आहेत.
