Car market : मारुती सुझुकीच्या विक्रीची आकडेवारी समोर, कोणते मॉडेल ठरले अव्वल?
Car Market : मारुती सुझुकीच्या जानेवारी 2026 मधील विक्रीचे आकडे समोर आले आहेत. मारुती कंपनीचे डिझायर हे सर्वाधिक विकले जाणारे मॉडेल ठरले आहे, तर अर्टिगानेही चांगली कामगिरी केली आहे.
मारुती सुझुकी इंडिया - जानेवारी 2026 मधील विक्री
मारुती सुझुकी इंडियाच्या जानेवारी 2026 मधील विक्रीचे आकडे समोर आले आहेत. कंपनी भारतीय बाजारात एकूण 17 मॉडेल्स विकते. सियाझ आता कंपनीच्या पोर्टफोलिओचा भाग नाही. मारुतीने अनेकदा वेगवेगळी मॉडेल्स नंबर वन कार बनताना पाहिले आहे. मात्र, गेल्या काही महिन्यांपासून डिझायर आघाडीवर आहे.
मासिक विक्रीत घट
गेल्या महिन्यात डिझायर पुन्हा एकदा कंपनीची सर्वाधिक विकली जाणारी कार ठरली. सात-सीटर मॉडेल असलेल्या अर्टिगानेही चांगली कामगिरी केली. तथापि, डिसेंबर 2025 च्या तुलनेत कंपनीच्या मासिक विक्रीत घट झाली आहे. डिसेंबरमध्ये कंपनीने 178,646 युनिट्स विकले होते, जे जानेवारीत 174,529 युनिट्सवर आले.
डिझायरला चांगली मागणी
मारुतीच्या मॉडेल्सच्या मासिक विक्रीबद्दल बोलायचे झाल्यास, जानेवारी 2026 मध्ये डिझायरच्या 19,629 युनिट्सची विक्री झाली. डिसेंबर 2025 मध्ये 19,072 युनिट्स विकले गेले होते.
अर्टिगालाही पसंती
जानेवारी 2026 मध्ये अर्टिगाच्या 17,892 युनिट्सची विक्री झाली. डिसेंबर 2025 मध्ये 16,586 युनिट्स विकले गेले होते.
स्विफ्टच्या विक्रीत घट
जानेवारी 2026 मध्ये स्विफ्टच्या 17,806 युनिट्सची विक्री झाली. डिसेंबर 2025 मध्ये 18,767 युनिट्स विकले गेले होते.
ब्रेझाची विक्री घसरली
जानेवारी 2026 मध्ये ब्रेझाच्या 17,486 युनिट्सची विक्री झाली. डिसेंबर 2025 मध्ये 17,704 युनिट्स विकले गेले होते.
बलेनोच्या मागणीत घसरण
जानेवारी 2026 मध्ये बलेनोच्या 16,782 युनिट्सची विक्री झाली. डिसेंबर 2025 मध्ये 22,108 युनिट्स विकले गेले होते.
व्हिक्टोरिस विक्री दुपटीहून अधिक
डिसेंबर 2025 मध्ये 6,210 युनिट्स विकलेल्या व्हिक्टोरिसची जानेवारी 2026 मध्ये 15,240 युनिट्सची विक्री झाली.
वॅगनआरचा आलेख चढता
डिसेंबर 2025 मध्ये 14,575 युनिट्सवरून वॅगनआरची विक्री जानेवारी 2026 मध्ये 15,118 युनिट्स झाली.
फ्रॉन्क्सच्या मागणीला ओहोटी
डिसेंबर 2025 मध्ये 20,706 युनिट्सवरून फ्रॉन्क्सची विक्री जानेवारी 2026 मध्ये 13,353 युनिट्स झाली.
अल्टो के10ची मागणी वाढली
डिसेंबर 2025 मध्ये 10,829 युनिट्सवरून अल्टो के10 ची विक्री जानेवारी 2026 मध्ये 12,314 युनिट्स झाली.
ईकोची विक्री किंचित वाढली
डिसेंबर 2025 मध्ये 11,899 युनिट्सवरून ईकोची विक्री जानेवारी 2026 मध्ये 11,914 युनिट्स झाली. डिसेंबर 2025 मध्ये 8,597 युनिट्स विकले गेले.
एक्सएल6 ला चांगला प्रतिसाद
डिसेंबर 2025 मध्ये 2,744 युनिट्स विकलेल्या एक्सएल6 ची जानेवारी 2026 मध्ये 3,820 युनिट्सची विक्री झाली.
एस-प्रेसोची जोरदार घसरण
डिसेंबर 2025 मध्ये 3,396 युनिट्स विकलेल्या एस-प्रेसोची जानेवारी 2026 मध्ये 1,954 युनिट्सची विक्री झाली.
इग्निसच्या विक्रीत सातत्य
डिसेंबर 2025 मध्ये 1,910 युनिट्स विकलेल्या इग्निसची जानेवारी 2026 मध्ये 1,902 युनिट्सची विक्री झाली.
सेलेरियोच्या विक्रीत घसरण
डिसेंबर 2025 मध्ये 2,272 युनिट्स विकलेल्या सेलेरियोची जानेवारी 2026 मध्ये 1,501 युनिट्सची विक्री झाली.
जिम्नीला थंडा प्रतिसाद
डिसेंबर 2025 मध्ये 757 युनिट्स विकलेल्या जिम्नीची जानेवारी 2026 मध्ये 591 युनिट्सची विक्री झाली.
इनव्हिक्टोकडे ग्राहकांची पाठ
डिसेंबर 2025 मध्ये 514 युनिट्स विकलेल्या इनव्हिक्टोची जानेवारी 2026 मध्ये 197 युनिट्सची विक्री झाली.
