Car market : ह्युंदाई इंडियाने जानेवारीत वाहनांवर १.६९ लाख रुपयांपर्यंतच्या ऑफर्स जाहीर केल्या आहेत. एक्सटर, ग्रँड i10 निओस आणि ऑरा यांसारख्या मॉडेल्सवर ही सूट उपलब्ध आहे, परंतु क्रेटा आणि वेन्यू यांसारख्या लोकप्रिय मॉडेल्सवर कोणतीही ऑफर नाही.
Car market : भारतामध्ये कार आणि दुचाकी या दोन्ही गाड्यांना मोठी मागणी आहे. त्यामुळे दिवसागणित रस्त्यावर धावणाऱ्या गाड्यांची संख्या वाढतच आहे. कार उत्पादक कंपन्यांनी २०२५ मध्ये जागतिक स्तरावरही विक्रमी विक्री नोंदवली आहे. हे ध्यानी घेता सर्व प्रमुख कार उत्पादक कंपन्या नव्या वर्षात मार्केट काबीज करण्यासाठी सज्ज झाल्या आहेत. वर्षाच्या सुरुवातीलाच नवनवीन मॉडेल्स बाजारात आणण्याची तयारी सुरू करतानाच या कंपन्यांनी आपल्या सध्याच्या गाड्यांवरही बंपर डिस्काऊंट जाहीर केले आहे.
वाढत्या इनपुट खर्चामुळे, दक्षिण कोरियन वाहन ब्रँड ह्युंदाई इंडियाने १ जानेवारीपासून आपल्या सर्व प्रवासी वाहनांच्या किमतीत वाढ करण्याची घोषणा केली होती. त्याच वेळी, कंपनीने भारतातील प्रवासी वाहनांवर १.६९ लाखांपर्यंतचे फायदेही जाहीर केले आहेत. तथापि, हे फायदे केवळ २०२३ मध्ये तयार झालेल्या वाहनांसाठीच उपलब्ध असतील. तसेच, हे फायदे ३१ जानेवारीपर्यंत किंवा स्टॉक संपेपर्यंत उपलब्ध असतील.
ह्युंदाईने स्पष्ट केले आहे की, हे फायदे १ जानेवारी ते ३१ जानेवारी दरम्यान टेस्ट ड्राइव्ह घेणाऱ्या ग्राहकांना मिळतील. या घोषणेनंतर, जर तुम्ही ह्युंदाई कार खरेदी करण्याचा विचार करत असाल, तर प्रत्येक मॉडेलवर उपलब्ध असलेल्या कमाल फायद्यांविषयीची माहिती येथे दिली आहे.
Related Articles
ह्युंदाई ग्रँड i10 निओस
ह्युंदाई ग्रँड i10 निओसवर १,४३,८०८ रुपयांची सूट मिळत आहे. ग्रँड i10 निओसच्या बेस मॉडेलची एक्स-शोरूम किंमत ५.५५ लाख रुपयांपासून सुरू होते, तर टॉप-स्पेक मॉडेलची किंमत ७.९२ लाख रुपये आहे.
ह्युंदाई एक्सटरवर उत्तम फायदे
i10 व्यतिरिक्त, ह्युंदाई आपली छोटी एसयूव्ही एक्सटरवरही सूट देत आहे. ह्युंदाई एक्सटरवर सर्वाधिक डिस्काउंट मिळत आहे. यावर एकूण १,६९,२०९ रुपयांचे फायदे दिले जात आहेत. यामध्ये ८९,२०९ रुपयांची जीएसटी दरातील कपात समाविष्ट आहे, तर एसयूव्हीवर ८०,००० रुपयांपर्यंतचे अतिरिक्त फायदे मिळतील. यामुळे एकूण फायदे १,६९,२०९ रुपये होतात. तथापि, व्हेरिएंटनुसार एकूण फायद्यांमध्ये बदल होऊ शकतो.
ह्युंदाई ऑरावर मिळणारी सूट
मारुती डिझायरशी स्पर्धा करणाऱ्या ह्युंदाई ऑरावर सर्वात कमी फायदे मिळत आहेत. या कारवर एकूण १,०६,४६५ रुपयांचे फायदे दिले जात आहेत. यामध्ये ७८,४६५ रुपयांची जीएसटी कपात आणि २८,००० रुपयांचे अतिरिक्त फायदे समाविष्ट आहेत. व्हेरिएंटनुसार एकूण फायद्यांमध्ये बदल होऊ शकतो.
या मॉडेल्सवर कोणतीही ऑफर नाही
ग्रँड i10 निओस, i20, ऑरा, एक्सटर, वेर्ना आणि अल्काझार या गाड्यांवर जानेवारी महिन्यात मोठे फायदे मिळत असले तरी, वेन्यू आणि क्रेटा यांसारख्या लोकप्रिय मॉडेल्सवर कोणतीही सूट दिलेली नाही. याशिवाय, तामिळनाडूमध्ये ह्युंदाई कोणत्याही कारवर हे फायदे देत नाही.
टीप : येथे दिलेली माहिती विविध प्लॅटफॉर्मवरून घेतलेल्या कारवरील सवलतींवर आधारित आहे. नमूद केलेली सूट देशातील विविध राज्ये, शहरे, डीलरशिप, स्टॉक, रंग आणि व्हेरिएंटनुसार बदलू शकते. म्हणजेच, ही सूट तुमच्या शहरात किंवा डीलरकडे कमी-जास्त असू शकते. त्यामुळे, कार खरेदी करण्यापूर्वी, अचूक सवलती आणि इतर माहितीसाठी तुमच्या जवळच्या स्थानिक डीलरशी संपर्क साधा.
