Car Market: Hyundai मे महिना बंपर ऑफर! अनेक गाड्यांवर मिळतोय मोठा डिस्काउंट
Car Market: मे महिन्यात Hyundai कार घेण्याचा विचार करताय? मग तुमच्यासाठी एक चांगली बातमी आहे. कंपनी Verna, Exter आणि Aura सारख्या लोकप्रिय मॉडेल्सवर तब्बल 55,000 रुपयांपर्यंत सूट देत आहे. चला या ऑफर्सबद्दल सविस्तर जाणून घेऊया.
Hyundai कार ऑफर
मे महिन्यात नवीन कार घेण्याचा तुमचा प्लॅन असेल, तर Hyundai तुमच्यासाठी खास ऑफर्स घेऊन आली आहे. कंपनी आपल्या Verna, Exter आणि Aura या तीन लोकप्रिय गाड्यांवर तब्बल 55,000 रुपयांपर्यंत सूट देत आहे. तुम्ही यापैकी कोणतीही कार घेणार असाल, तर आधी या डील्सबद्दल सविस्तर जाणून घ्या.
ह्युंदाई वेर्ना डिस्काउंट डिटेल्स
Hyundai मे महिन्यात Verna कारवर 55,000 रुपयांपर्यंत सूट देत आहे. ही सेडान कार तिच्या पॉवरफुल टर्बो-पेट्रोल इंजिन आणि आलिशान इंटीरियरसाठी ओळखली जाते. या सेगमेंटमध्ये ही एक उत्तम सेडान आहे. Honda City, Skoda Slavia आणि Volkswagen Virtus सारख्या गाड्यांना ती थेट टक्कर देते. तिची किंमत 10.98 लाख ते 18.25 लाख रुपयांपर्यंत आहे.
ह्युंदाई एक्सटर ऑफर
कंपनी Exter च्या जुन्या स्टॉकवर 40,000 रुपयांपर्यंत सूट देत आहे. तर, नवीन युनिट्सवर 35,000 रुपयांपर्यंत डिस्काउंट मिळत आहे. आरामदायी केबिन, उत्तम फीचर्स आणि स्मूथ पेट्रोल इंजिन ही या कारची खासियत आहे. ही कार Tata Punch ला टक्कर देते. तिची किंमत 5.80 लाख ते 9.42 लाख रुपयांपर्यंत आहे.
ह्युंदाई ऑरा
कंपनी Aura च्या पेट्रोल व्हेरिएंटवर 15,000 रुपयांपर्यंत आणि CNG व्हेरिएंटवर 10,000 रुपयांपर्यंत सूट देत आहे. ही सेडान कार एक चांगलं इंजिन आणि आरामदायी प्रवासाचा अनुभव देते. 6 लाख ते 8.54 लाख रुपये किंमत असलेली ही कार Maruti Dzire आणि Honda Amaze ला स्पर्धा देते.
नवीन पिढीची क्रेटा आणि i20
कंपनी या वर्षाच्या अखेरीस किंवा 2027 च्या सुरुवातीला तिसऱ्या पिढीची Creta भारतीय बाजारात आणण्याची योजना आखत आहे. नवीन K3 प्लॅटफॉर्मवर तयार होणाऱ्या या नवीन Creta मध्ये बॉक्सी लूक, १९-इंच अलॉय व्हील्स आणि 'झिरो-ग्रॅव्हिटी' केबिनसारखी वैशिष्ट्ये असतील. यातील सर्वात मोठे अपडेट म्हणजे 1.5-लिटर पेट्रोल इंजिनवर आधारित हायब्रीड पॉवरट्रेन असेल. नवीन Creta सोबतच, कंपनी पुढील पिढीची i20 देखील 2027 मध्ये भारतात आणण्याच्या तयारीत आहे. या नवीन मॉडेलमध्ये पहिल्यांदाच शक्तिशाली हायब्रीड पॉवरट्रेन असण्याची शक्यता आहे. ही हॅचबॅक कार 1.2-लिटर टर्बोचार्ज्ड पेट्रोल इंजिनसह येईल, जे हायब्रीड-रेडी असू शकते.
