डिसेंबर 2025 च्या कार विक्रीत ह्युंदाई आणि टाटाला मागे टाकून महिंद्रा कंपनी देशातील दुसरी सर्वात मोठी कंपनी बनली आहे. ह्युंदाईच्या क्रेटासह कोणत्याही मॉडेलला टॉप 10 मध्ये स्थान मिळवता आले नाही. मारुतीच्या 7 मॉडेल्सनी यादीत वर्चस्व कायम ठेवले.
Car market : भारतीय ऑटोमोबाइल क्षेत्र विस्तारत चालले आहे. गाड्यांच्या विक्रीचा आलेख चढताच आहे. त्यामुळे कार उत्पादक कंपन्यांमध्येही स्पर्धा तितकीच वाढली आहे. एसयूव्ही आणि इलेक्ट्रिक कार घेण्याकडे लोकांचा कल पाहायला मिळतो. त्याचमुळे सर्व बड्या कंपन्यांनी याच गाड्यांवर लक्ष केंद्रीत केले आहे. वाजवी किमतीत आरामदायी तसेच अत्याधुनिक तंत्रज्ञानाने सुसज्ज मॉडेल्स उपलब्ध केले जात आहेत. याशिवाय, ग्राहकांना आपल्याकडे आकर्षित करण्यासाठी विविध सवलतीही दिल्या जात आहेत.
डिसेंबर 2025 महिना ऑटोमोबाईल उद्योगात अनेक मोठ्या उलथापालथींसह संपला. वर्षाचा शेवटचा महिना महिंद्रासाठी उत्तम होता, तर ह्युंदाईला मोठा धक्का बसला. एका बाजूला महिंद्राने टाटा मोटर्सला मागे टाकून देशातील दुसरी सर्वात मोठी कार कंपनी होण्याचा मान मिळवला. तर दुसरीकडे, देशातील टॉप 10 कारच्या यादीत ह्युंदाईला स्थानही मिळवता आले नाही. या यादीत मारुतीचे 7, टाटाचे 2 आणि महिंद्राचे 1 मॉडेल आहे. तर, अनेक वर्षांपासून या यादीत कधी पहिल्या तर कधी दुसऱ्या स्थानी असलेली क्रेटा 11 व्या स्थानी घसरली.
डिसेंबर 2025 मधील टॉप 10 सर्वाधिक विकल्या गेलेल्या कार
- मारुती बलेनो 22,108
- मारुती फ्रॉन्क्स 20,706
- टाटा नेक्सॉन 19,375
- मारुती डिझायर 19,072
- मारुती स्विफ्ट 18,767
- मारुती ब्रेझा 17,704
- मारुती अर्टिगा 16,586
- टाटा पंच 15,980
- महिंद्रा स्कॉर्पिओ 15,885
- मारुती वॅगनआर 14,575
मिड-साईज एसयूव्ही सेगमेंटमध्ये ह्युंदाई क्रेटा नेहमीच एक लोकप्रिय कार राहिली आहे. क्रेटासोबतच वेन्यू आणि एक्सटर ही ह्युंदाईची दुसरी सर्वाधिक विक्री होणारी मॉडेल्स आहेत. तथापि, डिसेंबरमध्ये क्रेटासह यापैकी कोणतीही कार टॉप 10 मध्ये स्थान मिळवू शकली नाही. ह्युंदाईसाठी ही एक धक्कादायक आकडेवारी होती. गेल्या महिन्यात क्रेटाला केवळ 4% वार्षिक वाढ नोंदवता आली.
Related Articles
आता टॉप 10 कार्सबद्दल जाणून घेऊया. मारुती बलेनो पहिल्या स्थानावर राहिली. डिसेंबर 2025 मध्ये 22,108 युनिट्स विकल्या गेल्या, तर डिसेंबर 2024 मध्ये 9,112 युनिट्स विकल्या गेल्या होत्या. म्हणजेच 143% वाढ झाली. मारुती फ्रॉन्क्स दुसऱ्या स्थानावर राहिली. डिसेंबर 2025 मध्ये 20,706 युनिट्स विकल्या गेल्या, तर डिसेंबर 2024 मध्ये 10,752 युनिट्स विकल्या गेल्या होत्या. म्हणजेच 93% वाढ झाली. टाटा नेक्सॉन तिसऱ्या स्थानावर राहिली. डिसेंबर 2025 मध्ये 19,375 युनिट्स विकल्या गेल्या, तर डिसेंबर 2024 मध्ये 13,536 युनिट्स विकल्या गेल्या होत्या. म्हणजेच 43% वाढ झाली.
मारुती डिझायर चौथ्या स्थानावर पोहोचली. डिसेंबर 2025 मध्ये 19,072 युनिट्स विकल्या गेल्या, तर डिसेंबर 2024 मध्ये 16,573 युनिट्स विकल्या गेल्या होत्या. म्हणजेच 15% वाढ झाली. मारुती स्विफ्ट पाचव्या स्थानावर पोहोचली. डिसेंबर 2025 मध्ये 18,767 युनिट्स विकल्या गेल्या, तर डिसेंबर 2024 मध्ये 10,421 युनिट्स विकल्या गेल्या होत्या. म्हणजेच 80% वाढ झाली. मारुती ब्रेझा सहाव्या स्थानावर पोहोचली. डिसेंबर 2025 मध्ये 17,704 युनिट्स विकल्या गेल्या, तर डिसेंबर 2024 मध्ये 17,336 युनिट्स विकल्या गेल्या होत्या. म्हणजेच 2% वाढ झाली.
मारुती अर्टिगा सातव्या स्थानावर आहे. डिसेंबर 2025 मध्ये 16,586 युनिट्स विकल्या गेल्या, तर डिसेंबर 2024 मध्ये 16,056 युनिट्स होत्या, ज्यामुळे 3% वाढ झाली. टाटा पंच आठव्या स्थानावर आहे. डिसेंबर 2025 मध्ये 15,980 युनिट्स विकल्या गेल्या, तर डिसेंबर 2024 मध्ये 15,073 युनिट्स होत्या, ज्यामुळे 6% वाढ झाली. महिंद्रा स्कॉर्पिओ नवव्या स्थानावर आहे. डिसेंबर 2025 मध्ये 15,885 युनिट्स विकल्या गेल्या, तर डिसेंबर 2024 मध्ये 12,195 युनिट्स विकल्या गेल्या होत्या, ज्यामुळे 30% वाढ झाली.
मारुती वॅगनआर 14,575 युनिट्सच्या विक्रीसह दहाव्या स्थानावर आली, डिसेंबर 2024 मध्ये 17,303 युनिट्स विकल्या गेल्या होत्या, ज्यामुळे 16% घट झाली. तर ह्युंदाई क्रेटा 13,154 युनिट्सच्या विक्रीसह 11 व्या स्थानावर पोहोचली, डिसेंबर 2024 मध्ये 12,608 युनिट्स विकल्या गेल्या होत्या, ज्यामुळे 4% वाढ झाली. अशाप्रकारे, क्रेटा वॅगनआरच्या मागे 11 व्या स्थानावर राहिली.
