Car Hacks: कारचा AC कूलिंग देत नाहीये? वापरा या 5 टिप्स, गाडी होईल एकदम 'Chill'!
Car Hacks: उन्हाळ्यात कारचा AC नीट काम करत नाही, ही अनेकांची तक्रार असते. पण काही सोप्या सवयी बदलल्या तर AC ची कूलिंग क्षमता वाढवता येते. जाणून घेऊया या सोप्या टिप्स.
15
Image Credit : Asianet News
कारचा AC
भारतात उन्हाचा तडाखा दिवसेंदिवस वाढतोय. अशावेळी AC शिवाय कारमधून प्रवास करणं म्हणजे एक आव्हानच. पण अनेकदा आपल्याकडून नकळत होणाऱ्या चुकांमुळे AC चा गारवा कमी होतो आणि इंजिनवर अतिरिक्त दाब येतो. काही सोप्या सवयी बदलून तुम्ही तुमच्या कारच्या AC ची क्षमता वाढवू शकता.
25
Image Credit : Asianet News
उन्हात उभी असलेली कार लगेच सुरू करून AC लावू नका
सर्वात आधी, उन्हात उभी असलेली कार लगेच सुरू करून AC लावू नका. त्याऐवजी, एक मिनिटासाठी कारचे दरवाजे किंवा खिडक्या उघड्या ठेवा. यामुळे आत साचलेली गरम हवा बाहेर निघून जाईल. असं केल्यानं AC वर लगेच जास्त भार न येता तो वेगाने काम करू लागतो.
35
Image Credit : Asianet News
कार सुरू केल्या केल्या AC लगेच फुल स्पीडवर चालवू नका
कार सुरू केल्या केल्या AC लगेच फुल स्पीडवर चालवू नका. आधी काही मिनिटं गाडी चालवा आणि मग हळू-हळू AC सुरू करा. यामुळे कंप्रेसरवर अचानक दाब येत नाही आणि तो जास्त काळ टिकतो. तसेच, 'रिसर्क्युलेशन मोड' वापरल्यास केबिन लवकर थंड होते. पण जास्त वेळ हा मोड वापरल्यास हवेचा दर्जा खराब होऊ शकतो, त्यामुळे अधूनमधून बाहेरची ताजी हवा आत घ्या.
45
Image Credit : Asianet News
AC च्या देखभालीकडे दुर्लक्ष नको
AC च्या देखभालीकडे दुर्लक्ष करू नका. एअर फिल्टर स्वच्छ आहे का, कूलिंग गॅसची पातळी योग्य आहे का, आणि कुठे गळती (leak) आहे का, हे वेळोवेळी तपासा. योग्य सर्व्हिसिंग केल्यास केवळ AC ची कार्यक्षमताच नाही, तर गाडीच्या मायलेजमध्येही (इंधन बचत) फरक पडतो.
55
Image Credit : Asianet News
गाडी नेहमी सावलीच्या ठिकाणी पार्क करा
शेवटी, तुम्ही कार कुठे पार्क करता हे देखील महत्त्वाचं आहे. गाडी नेहमी सावलीच्या ठिकाणी पार्क करण्याचा प्रयत्न करा. यामुळे कारच्या आतील तापमान कमी राहतं आणि AC ला जास्त मेहनत करावी लागत नाही. या छोट्या-छोट्या टिप्स फॉलो केल्यास, कडक उन्हाळ्यातही तुमचा प्रवास थंड आणि आरामदायक होईल.
