Bike Market: एका चार्जमध्ये 175 किमी रेंज, किंमतही कमी, TVS iQube S चा धमाका!
Bike Market: TVS ने आपली नवीन iQube S इलेक्ट्रिक स्कूटर लॉन्च केली आहे. एका चार्जमध्ये तब्बल 175 किमीची रेंज आणि 50,000 किमीची वॉरंटी देणाऱ्या या स्कूटरबद्दल या गॅलरीमधून सविस्तर जाणून घेऊया.
14
Image Credit : x
टीव्हीएस इलेक्ट्रिक स्कूटर
भारतीय इलेक्ट्रिक स्कूटर मार्केटमध्ये आपलं स्थान आणखी मजबूत करण्यासाठी, TVS ने नवीन 'iQube S' मॉडेल सादर केलं आहे. यात 4.7 kWh क्षमतेची मोठी बॅटरी आहे, त्यामुळे लांबचा प्रवास करणाऱ्यांसाठी हा एक उत्तम पर्याय आहे. कंपनीने जुन्या 3.5 kWh व्हेरिएंटऐवजी हे शक्तिशाली मॉडेल आणलं आहे. या स्कूटरमध्ये 4.4 kW पीक पॉवर देणारी हब-माउंटेड BLDC मोटर आहे, जी 140 Nm टॉर्क निर्माण करते. यामुळे स्कूटर सहजपणे चढावर जाते.
Add Asianetnews Marathi as a Preferred Source
24
Image Credit : Google
टीव्हीएस इलेक्ट्रिक स्कूटरची किंमत काय?
स्कूटरच्या पुढच्या बाजूला टेलिस्कोपिक फोर्क्स आणि मागे हायड्रॉलिक ट्विन शॉक ॲबसॉर्बर्स आहेत, जे भारतीय रस्त्यांवर उत्तम रायडिंग अनुभव देतात. कंपनीने ही स्कूटर चांगली कामगिरी आणि विश्वासार्हता शोधणाऱ्या ग्राहकांसाठी डिझाइन केली आहे. या TVS iQube S स्कूटरची एक्स-शोरूम किंमत ₹1,37,142 आहे. एका पूर्ण चार्जमध्ये ही स्कूटर 175 किलोमीटरपर्यंत धावते, असा कंपनीचा दावा आहे. यात 4.7 kWh क्षमतेची लिथियम-आयन बॅटरी असून तिला IP67 रेटिंग मिळाल्यामुळे धूळ आणि पाण्यापासून तिचं संरक्षण होतं. पोर्टेबल चार्जरने फक्त 4 तासांत 80% पर्यंत चार्जिंग करता येते.
34
Image Credit : our own
118 हून अधिक स्मार्ट फीचर्स
ही स्कूटर ताशी 82 किलोमीटरच्या टॉप स्पीडने धावते. फक्त 4.3 सेकंदात ती 0 ते 40 किमी प्रतितास वेग पकडते. पुढच्या चाकाला डिस्क ब्रेक आणि मागच्या चाकाला ड्रम ब्रेक असून यात 'रिजनरेटिव्ह ब्रेकिंग' सिस्टीमही आहे. स्कूटरमध्ये 17.78 सेमीचा TFT डिस्प्ले, जॉयस्टिक कंट्रोल, नेव्हिगेशन, कॉल/एसएमएस अलर्ट, अँटी-थेफ्ट, क्रॅश अलर्ट यांसारखी 118 हून अधिक स्मार्ट फीचर्स आहेत. व्हॉईस कमांडसाठी 'Alexa' सपोर्ट आणि रिव्हर्स मोडही दिला आहे.
44
Image Credit : our own
बॅटरीवर मिळणार 50,000 किलोमीटरपर्यंतची वॉरंटी
सीटखाली 32 लीटरची मोठी जागा आहे, जिथे दोन हेल्मेट आरामात बसतात. यात USB चार्जिंग पोर्टची सोयही आहे. ही स्कूटर मॅग्निफिसन्स पर्पल, हार्लेक्विन ब्लू आणि मर्क्युरी ग्रे या तीन नवीन रंगांमध्ये उपलब्ध आहे. बॅटरीवर 50,000 किलोमीटरपर्यंतची वॉरंटी मिळते. 'TVS SmartXonnect' ॲपद्वारे तुम्ही तुमच्या स्कूटरची बॅटरी लेव्हल, शेवटचे पार्किंग लोकेशन आणि सर्व्हिस अलर्ट यांसारखी माहिती फोनवरच मिळवू शकता. हे मॉडेल Ather 450X, Ola S1 Pro आणि Bajaj Chetak यांसारख्या प्रीमियम इलेक्ट्रिक स्कूटर्सना थेट टक्कर देईल.
