Bike Market: KTM बाईक घेणाऱ्यांना आता मिळणार 4 वर्षांची वॉरंटी, ही संधी सोडू नका
Bike Market: ऑस्ट्रियन बाईक कंपनी केटीएमने एक मोठी घोषणा केली आहे. 2025 पासून कंपनीच्या सर्व रोड-लीगल बाईक्सवर आता चार वर्षांची वॉरंटी मिळणार आहे. ही वॉरंटी बाईकशी जोडलेली असेल, त्यामुळे बाईक दुसऱ्याला विकली तरी नवीन मालकाला तिचा फायदा मिळेल.
14
Image Credit : Google
केटीएम बाईक वॉरंटी
ऑस्ट्रियाची प्रसिद्ध मोटारसायकल कंपनी केटीएमने आपल्या ग्राहकांसाठी एक नवीन घोषणा केली आहे. कंपनीने सांगितले आहे की, 2025 वर्षापासून परदेशी बाजारात विकल्या जाणाऱ्या सर्व रोड-लीगल बाईक्सवर चार वर्षांची वॉरंटी दिली जाईल. हा निर्णय कंपनीच्या 'प्रीमियम मॅन्युफॅक्चरर वॉरंटी' योजनेचा भाग आहे. विशेष म्हणजे, इंजिन क्षमता किंवा सेगमेंटचा विचार न करता केटीएमच्या सर्व स्ट्रीट बाईक्सना ही मोठी वॉरंटी लागू होईल.
24
Image Credit : Google
केटीएम नवीन अपडेट
कंपनीच्या माहितीनुसार, 2025 मॉडेल म्हणून लाँच होणाऱ्या बाईक्ससाठी ही वॉरंटी लागू होईल. यामुळे ॲडव्हेंचर, ड्युअल-स्पोर्ट, नेकेड, सुपरस्पोर्ट, स्पोर्ट्स टूरर आणि सुपरमोटो अशा वेगवेगळ्या प्रकारच्या स्ट्रीट बाईक्सना दीर्घकाळ संरक्षण मिळेल. मात्र, केवळ ट्रॅक रेसिंग किंवा स्पर्धांसाठी वापरल्या जाणाऱ्या डर्ट बाईक्सचा या योजनेत समावेश केलेला नाही.
34
Image Credit : Google
केटीएम 4 वर्षांची वॉरंटी
केटीएमने सांगितले की, ऑफ-रोड किंवा ट्रॅक बाईक्सवर जास्त ताण येतो आणि त्यांची झीजही जास्त होते, त्यामुळे त्यांना वॉरंटी योजनेतून वगळण्यात आले आहे. शहरातील वाहतूक आणि हायवेवर वापरल्या जाणाऱ्या बाईक्सना दीर्घकाळ सपोर्ट देणे, हे या नवीन पॉलिसीचे मुख्य उद्दिष्ट आहे. या वॉरंटीचे वैशिष्ट्य म्हणजे ती बाईकच्या मालकाशी नाही, तर थेट बाईकशी जोडलेली असेल. त्यामुळे, वॉरंटी काळात बाईक विकली तरी नवीन मालकालाही संरक्षण मिळत राहील.
44
Image Credit : Google
केटीएम वॉरंटी योजना
या वॉरंटीचा पूर्ण लाभ घेण्यासाठी, बाईक मालकांना कंपनीचे सर्व्हिस शेड्यूल वेळेवर पाळावे लागेल. सर्व सर्व्हिसिंग फक्त अधिकृत केटीएम डीलर्सकडेच करणे बंधनकारक आहे. यासोबतच, काही युरोपीय देशांमध्ये 'सर्व्हिस ॲक्टिव्हेटेड रोडसाइड असिस्टन्स' (SARA) नावाची नवीन सेवाही सुरू केली आहे. प्रत्येक वर्षी अधिकृत सर्व्हिसिंग केल्यावर रोडसाइड असिस्टन्स आपोआप रिन्यू होईल. महत्त्वाची गोष्ट म्हणजे, ही चार वर्षांची वॉरंटी सध्या फक्त परदेशी बाजारांसाठी आहे; भारतात केटीएम आधीपासूनच काही मॉडेल्सवर पाच वर्षांपर्यंत वॉरंटी देत आहे.
