Furniture Care लाकडी फर्निचरला नवीन ठेवण्यासाठी व्हिनेगर, तेल किंवा बेकिंग सोडा वापरताय? थांबा! हे घरगुती उपाय फर्निचरला फायद्याऐवजी नुकसानच करतात. मग फर्निचरची काळजी कशी घ्यावी? जाणून घ्या.
Furniture Care आजकाल घराच्या इंटेरिअरची दुनिया खूप बदलली आहे. जुन्या, जड लाकडी फर्निचरऐवजी बाजारात स्वस्त आणि मस्त पर्याय उपलब्ध आहेत. पण तरीही, अनेक जण असे आहेत ज्यांना घरात लाकडी फर्निचर ठेवायला खूप आवडतं. कारण ते फक्त सुंदर दिसत नाही, तर मजबूतही असतं. पण वेळेनुसार त्याची चमक कमी होऊ लागते. जर तुम्हीही ही चमक परत आणण्यासाठी व्हिनेगर, ऑलिव्ह ऑईल किंवा बेकिंग सोडा वापरत असाल, तर जरा थांबा. हे उपाय सुरुवातीला चांगले परिणाम देत असले तरी, जास्त काळ वापरल्यास फर्निचरचं नुकसान होऊ शकतं. चला तर मग जाणून घेऊया की लाकडी फर्निचरला पॉलिश कसं करायचं?
लाकडी फर्निचरला तेल लावून साफ करावं की नाही?
लाकडावर जास्त प्रमाणात ऑलिव्ह, नारळ किंवा इतर कोणतंही किचनमधलं तेल लावण्याचा काहीच फायदा होत नाही. उलट, हे तेल हवेच्या संपर्कात आल्यावर ऑक्सिडाइज होऊन एक चिकट थर तयार करतं. या थरामुळे धूळ आणि घाण आणखी जास्त फर्निचरला चिकटते.
Related Articles
लाकडी फर्निचर कसं साफ करायचं?
- तुमचं लाकडी फर्निचर वर्षानुवर्षे नवीन दिसावं यासाठी, आठवड्यातून एकदा मायक्रोफायबर कापडाने ते स्वच्छ करा. हे कापड बारीक कण आणि धुळीचा थर काढून टाकतं.
- आठवड्यातून एकदा संपूर्ण फर्निचर दमट कापडाने पुसून घ्या आणि त्यानंतर लगेच सुक्या कापडाने स्वच्छ करा.
- लाकूड पाणी शोषून घेतं, त्यामुळे कमीत कमी पाण्याचा वापर करणंच शहाणपणाचं आहे.
- जर तुम्हाला जुन्या लाकडी वस्तूंना नवीन रूप द्यायचं असेल, तर वेळोवेळी चांगल्या क्वालिटीचा पेस्ट वॅक्स (Paste Wax) वापरणं उत्तम पर्याय आहे. हे वॅक्स लाकडाच्या पृष्ठभागावर एक संरक्षक थर तयार करून त्याची चमक टिकवून ठेवतं.
कोणत्या गोष्टींमुळे नुकसान होतं?
व्हिनेगर आणि तेलाचं मिश्रण: व्हिनेगर आम्लयुक्त (acidic) असतं. त्याचा सतत वापर केल्याने लाकडाचं फिनिशिंग किंवा कोटिंग कमकुवत होऊ शकतं. तर तेल पृष्ठभागावर चिकटपणा सोडतं.
बेकिंग सोडा-टूथपेस्ट: हा हॅक सोशल मीडियावर खूप व्हायरल आहे. बेकिंग सोडा आणि टूथपेस्ट दोन्ही खरखरीत (mildly abrasive) पदार्थ आहेत. ते डाग काढून टाकतीलही, पण फर्निचरची चमकच घासून काढतात. यामुळे अनेकदा सोफ्याचा पृष्ठभाग खडबडीत वाटू लागतो.
लाकूड साफ करण्यासाठी कोणतं तेल बेस्ट आहे?
जर तुम्हाला लाकूड स्वच्छ करण्यासाठी तेलच वापरायचं असेल, तर टंग ऑईल (Tung Oil) किंवा लिन्सीड ऑईल (Linseed Oil) निवडा. ही तेलं हवेच्या संपर्कात आल्यावर कडक होतात आणि एक संरक्षक थर तयार करतात. याच कारणामुळे लाकडाच्या फिनिशिंगसाठी त्यांचा वापर केला जातो.
लाकडी फर्निचरला नुकसान पोहोचवणाऱ्या गोष्टी
- वारंवार व्हिनेगरने पुसणं
- किचनमधल्या तेलाने पॉलिश करणं
- बेकिंग सोड्याने घासणं
- टूथपेस्टचा जास्त वापर करणं
- जास्त दमट किंवा ओलसर जागेत ठेवणं
- फर्निचरवर थेट सूर्यप्रकाश येणं
- सिलिकॉन-बेस्ड ब्रशचा वापर करणं
लाकडी फर्निचर सुंदर ठेवण्यासाठी DIY किंवा घरगुती उपायांची गरज नाही. हे उपाय सुरुवातीला चांगले वाटतात, पण हळूहळू ते फर्निचर खराब करतात. त्याऐवजी, त्याची नियमित स्वच्छता करा आणि त्याला ओलसरपणापासून दूर ठेवा. खूपच गरज वाटल्यास टंग ऑईल किंवा लिन्सीड ऑईल लावा.
