- Home
- Utility News
- Aadhaar Update Online: आधार कार्डवर वडिलांचे नाव चुकीचे आहे? आता टेन्शन सोडा! घरी बसून 'या' सोप्या पद्धतीने करा दुरुस्ती
Aadhaar Update Online: आधार कार्डवर वडिलांचे नाव चुकीचे आहे? आता टेन्शन सोडा! घरी बसून 'या' सोप्या पद्धतीने करा दुरुस्ती
Aadhaar Update Online: आधार कार्डवर वडिलांचे नाव चुकल्यास बँक, सरकारी योजना आणि कायदेशीर कामांमध्ये अनेक अडचणी येतात. ही चूक तुम्ही आता UIDAI च्या MyAadhaar पोर्टलवरून ऑनलाइन किंवा जवळच्या आधार सेवा केंद्रात जाऊन ऑफलाइन पद्धतीने सहज दुरुस्त करू शकता.
आधार कार्डवर वडिलांचे नाव चुकीचे आहे? आता टेन्शन सोडा!
Aadhaar Update Online: आधार कार्ड हे केवळ एक कार्ड नसून तुमच्या ओळखीचा सर्वात मोठा पुरावा आहे. मात्र, अनेकदा आधारवर वडिलांच्या नावाचे स्पेलिंग चुकते किंवा नाव अपूर्ण येते. अशा एका चुकीमुळे बँक खाते उघडणे, पॅन कार्ड लिंक करणे किंवा पासपोर्ट काढण्यात मोठे अडथळे येतात. आता तुम्हाला आधार केंद्रावर चकरा मारण्याची गरज नाही, तुम्ही घरी बसून ही दुरुस्ती करू शकता!
नाव चुकीचे असल्यास काय समस्या येतात?
आधार कार्डवर वडिलांचे नाव आणि तुमचे आडनाव जुळणे अत्यंत आवश्यक असते. जर यात चूक असेल तर
सरकारी योजनांचा लाभ घेताना अडचण येते.
बँक केवायसी (KYC) रिजेक्ट होऊ शकते.
जमिनीचे व्यवहार किंवा वारसा हक्काच्या कामात कायदेशीर पेच निर्माण होतो.
ऑनलाईन दुरुस्तीची 'Step-by-Step' पद्धत
UIDAI च्या MyAadhaar पोर्टलवरून तुम्ही खालीलप्रमाणे बदल करू शकता.
लॉगिन करा: सर्वप्रथम UIDAI च्या अधिकृत वेबसाईटवर (myaadhaar.uidai.gov.in) जा.
OTP पडताळणी: तुमचा आधार नंबर टाका. तुमच्या लिंक असलेल्या मोबाईल नंबरवर एक OTP येईल, तो टाकून लॉगिन करा.
पर्याय निवडा: 'Update Aadhaar Online' या पर्यायावर क्लिक करा आणि 'Proceed to Update Aadhaar' निवडा.
माहिती भरा: आता 'Father's Name' किंवा 'Address/Care of' हा रकाना निवडा. येथे वडिलांचे योग्य स्पेलिंग इंग्रजी आणि मराठीत टाईप करा.
कागदपत्रे अपलोड करा: ज्या पुराव्यावर वडिलांचे नाव बरोबर आहे (उदा. जन्म दाखला, रेशन कार्ड किंवा पॅन कार्ड), त्याचा फोटो अपलोड करा.
फी भरा: या प्रक्रियेसाठी सरकारी शुल्क (सुमारे ५० रुपये) ऑनलाईन भरा.
URN नंबर जतन करा: प्रक्रिया पूर्ण झाल्यावर तुम्हाला एक URN (Update Request Number) मिळेल. यावरून तुम्ही स्टेटस चेक करू शकता.
ऑफलाईन दुरुस्ती कशी कराल?
जर तुम्हाला ऑनलाईन प्रक्रिया कठीण वाटत असेल, तर तुम्ही जवळच्या 'आधार सेवा केंद्रा'वर जाऊ शकता.
तेथे 'आधार अपडेट फॉर्म' भरा.
मूळ कागदपत्रांची झेरॉक्स सोबत जोडा.
तुमचे बायोमेट्रिक (ठसे) देऊन प्रक्रिया पूर्ण करा.
कोणती कागदपत्रे लागतील?
वडिलांचे नाव दुरुस्त करण्यासाठी खालीलपैकी एक पुरावा आवश्यक आहे.
जन्म प्रमाणपत्र (Birth Certificate).
रेशन कार्ड.
पॅन कार्ड किंवा पासपोर्ट.
शाळा सोडल्याचा दाखला (LC).
महत्त्वाची टीप
आधार अपडेट होण्यासाठी सामान्यतः ५ ते १५ दिवसांचा कालावधी लागतो. अपडेट झाल्यानंतर तुम्ही ई-आधार (e-Aadhaar) ऑनलाईन डाऊनलोड करू शकता.
