भारतीय रेल्वेकडून ज्येष्ठ नागरिकांसाठी मिळतात या ५ सुविधा, जाणून घ्या
भारतीय रेल्वे ज्येष्ठ नागरिकांना ५ विशेष सवलती देते. त्या काय आहेत ते पाहूया.
Indian Railways Gives 5 Benefits to Senior Citizens
Indian Railways
१. खालच्या बर्थची सुविधा
६० वर्षांवरील पुरुष आणि ५८ वर्षांवरील महिलांना चढ-उतार करताना त्रास होऊ नये म्हणून खालच्या बर्थ दिल्या जातात. ही सुविधा स्लीपर, एसी ३ टायर आणि एसी २ टायरमध्ये उपलब्ध आहे. गाडी सुटल्यानंतरही जर खालच्या बर्थ रिकाम्या असतील तर त्या ज्येष्ठ नागरिकांना दिल्या जातात.
२. व्हीलचेअरची सुविधा
रेल्वे स्थानकांवर मोफत व्हीलचेअर उपलब्ध आहेत. चालण्यास त्रास होणाऱ्या ज्येष्ठ नागरिकांसाठी ही सुविधा उपयुक्त आहे. मदतीसाठी पोर्टरही उपलब्ध असतात.
Indian Railways Facility
३. विशेष तिकीट काउंटर
ज्येष्ठ आणि दिव्यांग प्रवाशांसाठी रेल्वे स्थानकांवर विशेष तिकीट काउंटर असतात. त्यामुळे त्यांना रांगेत उभे राहावे लागत नाही आणि लवकर तिकीट मिळते.
४. बॅटरीचालित वाहने
मोठ्या रेल्वे स्थानकांवर बॅटरीचालित वाहने (गोल्फ कार्ट) मोफत उपलब्ध असतात. ज्येष्ठ आणि दिव्यांग प्रवाशांना प्लॅटफॉर्मवरून प्रवेशद्वारापर्यंत नेण्यासाठी ही वाहने वापरली जातात.
Train Passengers
५. लोकलमध्ये विशेष जागा
मुंबई, दिल्ली, कोलकाता आणि चेन्नईसारख्या शहरांमधील लोकलमध्ये ज्येष्ठ नागरिकांसाठी राखीव जागा असतात. त्यामुळे त्यांना प्रवासादरम्यान उभे राहावे लागत नाही.
