Kapil Dev Vs Sunil Gavaskar : कपिल देव - सुनील गावसकर यांच्यातील 25 वर्षांचा वाद; नेमकं काय घडलं होतं?

भारतीय क्रिकेटचे दिग्गज कपिल देव आणि सुनील गावसकर यांच्यात तब्बल २५ वर्षे चाललेलं 'कोल्ड वॉर' आजही क्रिकेट विश्वात चर्चेचा विषय आहे. १९८३ च्या वर्ल्ड कपपासून सुरू झालेला हा वाद कसा संपला?

Image Credit : chatgpt

भारतीय क्रिकेटच्या इतिहासातील सर्वात मोठा वाद

अमेरिका आणि सोव्हिएत युनियन यांच्यातील 'कोल्ड वॉर' सर्वांनाच माहिती आहे. तिथे थेट युद्ध झालं नाही, पण वर्चस्वाची लढाई नक्कीच होती. अगदी असंच कोल्ड वॉर भारतीय क्रिकेटमध्येही पाहायला मिळालं. भारतीय क्रिकेटवर राज्य करणारे दोन महान खेळाडू म्हणजे कपिल देव आणि सुनील गावसकर.

या दोघांमध्ये तब्बल २५ वर्षे शीतयुद्ध चाललं. त्यांनी एकमेकांना कधीच शिवीगाळ केली नाही. पण संधी मिळताच त्यांनी एकमेकांना टीममधून बाहेरचा रस्ता दाखवला. बरोबर २५ वर्षे हा वाद सुरू होता. पण प्रत्येक गोष्टीचा शेवट असतो, तसाच या दोघांमधला वादही २५ वर्षांनंतर संपला.

Image Credit : x/Om Prakash Bakoria

१९८३ च्या वर्ल्ड कपपासून वादाला सुरुवात

या वादाची खरी सुरुवात १९८३ च्या वनडे वर्ल्ड कपमध्ये झाली. त्या स्पर्धेत कपिल देव भारतीय टीमचे कॅप्टन होते. सुरुवातीच्या काही मॅचेसमध्ये टीम इंडियाचा पराभव झाला. त्याचवेळी दिग्गज बॅट्समन सुनील गावसकर यांनाही चांगली कामगिरी करता आली नाही. त्या वर्ल्ड कपमध्ये सहा इनिंग्स खेळून गावसकर यांनी फक्त ६४ रन्स केले.

देशाचा सर्वात मोठा मॅच विनर असा फ्लॉप झाल्याने टीम मॅनेजमेंट टेन्शनमध्ये होती. त्यावेळी भारताची मॅच वेस्ट इंडिजविरुद्ध होती. या महत्त्वाच्या मॅचपूर्वी टीमने एक खास मीटिंग घेतली. त्या मीटिंगमध्ये कॅप्टन कपिल देव यांनी गावसकरांना थेट तोंडावर सुनावलं. असं चालणार नाही, तुम्हाला रन्स करावेच लागतील, असं त्यांनी स्पष्ट केलं. कपिल यांच्या या बोलण्यामुळे गावसकर खूप दुखावले गेले. त्यानंतर पुढच्या मॅचमधून गावसकरांना प्लेइंग इलेव्हनमधून बाहेर काढलं. पण, सीनियर खेळाडू दिलीप वेंगसरकर जखमी झाल्याने गावसकर पुन्हा टीममध्ये आले. इथूनच दोघांमध्ये खटके उडायला सुरुवात झाली.

Image Credit : Getty

गावसकरांचा बदला.. ईडन गार्डन्सवर मोठा राडा

टीममधून बाहेर काढल्याचा अपमान गावसकर विसरले नव्हते. बरोबर एका वर्षानंतर १९८४ मध्ये त्यांनी याचा बदला घेतला. त्यावेळी भारत आणि इंग्लंड यांच्यात कोलकात्याच्या ईडन गार्डन्सवर तिसरी टेस्ट मॅच होणार होती.

त्या टेस्ट सिरीजमध्ये सुनील गावसकर कॅप्टन होते. त्यांनी आपल्या कॅप्टन्सीमध्ये कपिल देव आणि संदीप पाटील यांना फायनल टीममधून डॉप केलं. या निर्णयामुळे भारतीय क्रिकेटमध्ये मोठी खळबळ उडाली. स्टेडियममध्ये फॅन्सनी 'नो कपिल - नो टेस्ट मॅच' असे मोठे बॅनर्स झळकावून निषेध नोंदवला. एवढा राडा होऊनही ती मॅच भारतीय टीमनेच जिंकली. पण, आपल्यावर झालेल्या टीकेवर बोलताना गावसकरांनी स्पष्ट केलं की, त्या दोघांना ड्रॉप करण्याचा निर्णय माझा नव्हता, तर तो सिलेक्टर्सचा होता.

Image Credit : Social Media

२५ वर्षे एकमेकांशी न बोलणारे दिग्गज

कपिल देव आणि सुनील गावसकर यांच्यातील वाद इतक्या टोकाला गेला होता की, दोघांनी तब्बल २५ वर्षे एकमेकांशी साधं बोलणंही टाळलं. मैदानावर समोरासमोर आले तरी ते एकमेकांकडे दुर्लक्ष करायचे.

त्यांनी एकमेकांची साधी विचारपूस करण्याची तसदीही घेतली नाही. भारतीय क्रिकेटच्या इतिहासात दोन दिग्गजांनी इतका काळ न बोलणं हा त्यावेळी खूप मोठा चर्चेचा विषय होता. अनेकांनी समजूत काढण्याचा प्रयत्न केला, पण दोघांनीही आपला हट्ट सोडला नाही. दहा, वीस वर्षे उलटून गेली तरी त्यांच्यातला बर्फ काही वितळला नाही.

Image Credit : Getty

एका पार्टीत संपली २५ वर्षांची दुश्मनी

अखेर या प्रदीर्घ कोल्ड वॉरवर २५ वर्षांनंतर पडदा पडला. १९८३ मध्ये भारताने पहिल्यांदा वर्ल्ड कप जिंकला, त्याला २५ वर्षे पूर्ण झाल्यानिमित्त एका खास पार्टीचं आयोजन करण्यात आलं होतं. त्या कार्यक्रमाला वर्ल्ड कप जिंकणारी संपूर्ण टीम उपस्थित होती. त्याच कार्यक्रमाला कपिल देव आणि सुनील गावसकरही आले होते.

तिथे इतर खेळाडूंनी या दोघांमध्ये समेट घडवून आणण्यासाठी पुढाकार घेतला. सहकाऱ्यांच्या सांगण्यावरून दोघांनीही आपले जुने मतभेद आणि दुश्मनी बाजूला ठेवली. त्या पार्टीत त्यांनी एकमेकांची प्रेमाने गळाभेट घेतली आणि आपल्या प्रदीर्घ मौनाला पूर्णविराम दिला. अशा प्रकारे २५ वर्षे चाललेल्या या मोठ्या शीतयुद्धाचा शेवट झाला.