आयपीएल २०२६ च्या LSG vs DC सामन्यात लखनऊ सुपर जायंट्सचा संघ १४१ धावांवर ऑलआऊट झाला. दिल्ली कॅपिटल्सचा वेगवान गोलंदाज लुंगी एनगिडीने सलग दोन विकेट्स घेत लखनऊच्या आशा संपवल्या. आता दिल्लीला विजयासाठी १४२ धावांचं लक्ष्य मिळालं आहे.
लखनऊ सुपर जायंट्सचा डाव १४१ धावांवर आटोपला आहे. दिल्ली कॅपिटल्सचा वेगवान गोलंदाज लुंगी एनगिडीने सलग दोन विकेट्स घेत लखनऊच्या उरल्यासुरल्या आशाही संपवल्या. आधी एनरिक नॉर्खिया मोठा शॉट खेळण्याच्या प्रयत्नात होता, पण त्याचा बॉल थेट लाँग-ऑफला उभ्या असलेल्या फिल्डरच्या हातात गेला. त्यानंतर मोहसिन खानही जास्त वेळ टिकू शकला नाही आणि शॉर्ट थर्ड मॅनवर कॅच देऊन बाद झाला. अशाप्रकारे लखनऊचा संपूर्ण संघ १४१ धावांवर ऑलआऊट झाला. आता सामना जिंकायचा असेल, तर लखनऊच्या गोलंदाजांना जबरदस्त कामगिरी करावी लागेल.
आयपीएल २०२६ चा थरार आता चांगलाच रंगात आला आहे. स्पर्धेतील ५ वा सामना आज लखनऊ सुपर जायंट्स आणि दिल्ली कॅपिटल्स यांच्यात खेळवला जात आहे. हा सामना लखनऊच्या इकाना स्टेडियमवर होत असून, दोन्ही संघ विजयाने आपल्या मोहिमेची सुरुवात करण्याच्या इराद्याने मैदानात उतरले आहेत.
या सामन्यात सर्वात जास्त चर्चा कॅप्टन्सीची आहे. लखनऊ सुपर जायंट्सची धुरा युवा विकेटकीपर-बॅट्समन ऋषभ पंतच्या हातात आहे, तर दिल्ली कॅपिटल्सचं नेतृत्व ऑलराऊंडर अक्षर पटेल करत आहे. त्यामुळे चाहत्यांना मैदानात रणनीती आणि आक्रमक क्रिकेट दोन्ही बघायला मिळण्याची अपेक्षा आहे.
Related Articles
इकाना स्टेडियमवर मोठी लढत
हा सामना इंडियन प्रीमियर लीग २०२६ च्या सुरुवातीच्या सामन्यांपैकी एक आहे आणि दोन्ही संघांना विजयाने आपल्या सीजनची सुरुवात करायची आहे. लखनऊच्या घरच्या मैदानावर, म्हणजेच इकाना क्रिकेट स्टेडियमवर होणारा हा सामना प्रेक्षकांसाठी खास मानला जात आहे, कारण इथली खेळपट्टी सहसा गोलंदाज आणि फलंदाज दोघांनाही संधी देते.
हेड-टू-हेड रेकॉर्डमध्ये कोण भारी?
जर दोन्ही संघांच्या मागील रेकॉर्डबद्दल बोलायचं झालं, तर सामना खूपच अटीतटीचा राहिला आहे. आतापर्यंत लखनऊ सुपर जायंट्स आणि दिल्ली कॅपिटल्स यांच्यात आयपीएलच्या इतिहासात ७ सामने खेळले गेले आहेत. त्यापैकी:
- दिल्ली कॅपिटल्सने ४ सामने जिंकले
- लखनऊ सुपर जायंट्सने ३ सामने जिंकले
या आकडेवारीवरून स्पष्ट होतं की, दोन्ही संघांमधील लढत नेहमीच चुरशीची आणि रोमांचक होते.
कोणत्या टीमचं पारडं जड?
दोन्ही संघांकडे मजबूत बॅटिंग आणि बॉलिंग लाईनअप आहे. लखनऊला त्यांच्या घरच्या मैदानाचा फायदा मिळू शकतो, तर दिल्लीचा संघ अनुभवी खेळाडूंच्या जोरावर कोणत्याही सामन्याचं चित्र पालटण्याची क्षमता ठेवतो. ऋषभ पंतच्या नेतृत्वाखालील लखनऊ आपल्या होम ग्राऊंडवर वर्चस्व गाजवते की अक्षर पटेलची दिल्ली कॅपिटल्स विजयाने स्पर्धेची सुरुवात करते, याकडेही चाहत्यांचं लक्ष लागून राहील.
