गौतम गंभीर बनला भारतीय क्रिकेट संघाचा प्रशिक्षक, जय शाह यांनी केली घोषणा, जाणून घ्या कशी राहिली त्याची कारकीर्द?

| Published : Jul 10 2024, 08:13 AM IST

Gautam Gambhir

सार

भारताचा माजी फलंदाज गौतम गंभीर भारतीय क्रिकेट संघाचा मुख्य प्रशिक्षक झाला आहे. त्याने राहुल द्रविडची जागा घेतली आहे. राहुल द्रविड प्रशिक्षक असताना टीम इंडियाने २०२४ चा टी-२० विश्वचषक जिंकला होता.

भारताचा माजी फलंदाज गौतम गंभीर भारतीय क्रिकेट संघाचा मुख्य प्रशिक्षक झाला आहे. त्याने राहुल द्रविडची जागा घेतली आहे. राहुल द्रविड प्रशिक्षक असताना टीम इंडियाने २०२४ चा टी-२० विश्वचषक जिंकला होता.

बीसीसीआयचे सचिव जय शाह यांनी गौतम गंभीरची मुख्य प्रशिक्षकपदी नियुक्ती जाहीर केली. जय शाहने पोस्ट केले की त्याने आपल्या संपूर्ण कारकिर्दीत विविध भूमिकांमध्ये उत्कृष्ट कामगिरी केली आहे, मला विश्वास आहे की भारतीय क्रिकेटला पुढे नेण्यासाठी गौतम हा एक आदर्श व्यक्ती आहे.

गौतम गंभीरने म्हटले, पूर्ण शक्तीने काम करील - 
गौतम गंभीरने सोशल मीडिया प्लॅटफॉर्म एक्सवर पोस्ट केली असून भारताचा मला अभिमान असल्याचे म्हटले आहे. आपल्या देशाची सेवा करणे माझ्यासाठी भाग्याचा क्षण असल्याचे त्याने म्हटले. मी भारतीयांचे स्वप्न पूर्ण करण्यासाठी संघाचा प्रशिक्षक म्हणून पूर्ण प्रयत्न करणार असल्याचे म्हटले आहे. 

गौतम गंभीरची कारकीर्द कशी राहिली?
IPL 2024 मध्ये गौतम गंभीर कोलकाता नाईट रायडर्सचा मेंटर होता. कोलकाताने विजेतेपद पटकावले. नोव्हेंबर 2023 मध्ये KKR मध्ये सामील होण्यापूर्वी, गंभीर हा IPL 2022 आणि 2023 दरम्यान लखनऊ सुपर जायंट्सचा मार्गदर्शक होता.

भारतीय संघाचा क्रिकेटपटू म्हणून, गंभीरने 2007 टी-20 विश्वचषक आणि 2011 एकदिवसीय विश्वचषक जिंकण्यात महत्त्वाची भूमिका बजावली. दोन्ही स्पर्धांच्या अंतिम फेरीत तो भारतासाठी सर्वाधिक धावा करणारा खेळाडू होता. त्याने केकेआरला 2012 आणि 2014 मध्ये दोन आयपीएल विजेतेपद मिळवून दिले.

गौतम गंभीरने 58 कसोटी सामन्यात 4154 धावा केल्या आहेत. त्याची कमाल स्कोअर 206 आहे. त्याने कसोटीत 41.95 च्या सरासरीने 9 शतके आणि 22 अर्धशतके केली आहेत. गौतमने 147 एकदिवसीय सामने खेळले आहेत. यामध्ये ३९.६८ च्या सरासरीने ५२३८ धावा केल्या आहेत. नाबाद 150 ही त्याची सर्वोच्च धावसंख्या आहे. गंभीरने एकदिवसीय क्रिकेटमध्ये 11 शतके आणि 34 अर्धशतके केली आहेत. गंभीरने 37 टी-20 खेळताना 932 धावा केल्या आहेत. त्याची कमाल स्कोअर 75 आहे.

Related Stories