चेन्नईमध्ये सुरू असलेल्या दुलीप ट्रॉफीच्या फायनलमध्ये ईस्ट झोनने टॉस जिंकून बॅटिंगचा निर्णय घेतला. वैभव सूर्यवंशीने 44 रन्सची स्फोटक खेळी करत टीमला चांगली सुरुवात करून दिली.
मुंबई : तामिळनाडूच्या चेन्नईमधील एम. ए. चिदंबरम स्टेडियमवर दुलीप ट्रॉफीची फायनल मॅच सुरू आहे. या मॅचमध्ये ईस्ट झोनने टॉस जिंकून साऊथ झोनविरुद्ध पहिल्यांदा बॅटिंग करण्याचा निर्णय घेतला आहे. यानंतर, इनिंगची सुरुवात करणाऱ्या ईस्ट झोनचे ओपनर्स अभिमन्यू ईश्वरन आणि वैभव सूर्यवंशी यांनी टीमला दमदार सुरुवात करून दिली.
दुलीप ट्रॉफी फायनल: वैभव सूर्यवंशीची स्फोटक बॅटिंग
अफगाणिस्तानविरुद्धच्या तीन मॅचच्या टी-20 सीरिजच्या आधी, वैभव सूर्यवंशीने दुलीप ट्रॉफीच्या फायनलमध्ये आपल्या बॅटिंगची ताकद दाखवली आहे. सेमीफायनलमध्येही त्याने ईस्ट झोनसाठी जबरदस्त कामगिरी केली होती.
2026-27 च्या दुलीप ट्रॉफी फायनलमध्ये ईस्ट झोनचा सामना साऊथ झोनशी होतोय. चेन्नईच्या एम. ए. चिदंबरम स्टेडियमवरच्या या मॅचमध्ये वैभवने फक्त 37 बॉल्समध्ये पाच फोर आणि एका सिक्सच्या मदतीने 44 रन्स केले. पण त्याचं अर्धशतक थोडक्यात हुकलं. चमा मिलिंदच्या बॉलिंगवर शॉर्ट पिच बॉल सिक्सर मारायच्या नादात तो तनय त्यागराजनकडे कॅच देऊन बसला. यासोबतच अर्धशतक पूर्ण करण्याची संधी त्याने गमावली. पण वैभव आणि ईश्वरन या जोडीने पहिल्या विकेटसाठी 100 रन्सची पार्टनरशिप केली होती.
Related Articles
इनिंगच्या सुरुवातीपासूनच वैभवने आक्रमक पवित्रा घेतला होता. त्याने इनिंगच्या तिसऱ्याच ओव्हरमध्ये सिराजच्या पहिल्या बॉलवर फोर मारला. त्यानंतर सहाव्या ओव्हरमध्ये दोन वेळा, आणि पुढच्या ओव्हरमध्ये दोन सिक्स आणि एक फोर मारत तब्बल 16 रन्स काढले.
फायनल मॅचमध्ये ईस्ट झोनचा कॅप्टन इशान किशनने टॉस जिंकून बॅटिंगचा निर्णय घेतला. इशान किशनने प्लेइंग इलेव्हनमध्ये फक्त एक बदल केला, तर साऊथ झोनच्या टीममध्ये चार बदल दिसले. फास्ट बॉलर मोहम्मद सिराज आणि कर्नाटकचा देवदत्त पडिक्कल प्लेइंग इलेव्हनमध्ये परतले आहेत.
याआधी, क्वार्टर फायनलमध्ये नॉर्थ ईस्ट झोनविरुद्ध वैभव फक्त 8 रन्सवर आऊट झाला होता, पण त्याने बॉलिंगमध्ये दोन विकेट्स घेतल्या होत्या. मात्र, सेंट्रल झोनविरुद्धच्या सेमीफायनलमध्ये त्याने स्फोटक बॅटिंग केली होती. पहिल्या इनिंगमध्ये 92 आणि दुसऱ्या इनिंगमध्ये 40 रन्स केले होते. या कामगिरीमुळे तो दुलीप ट्रॉफीमध्ये अर्धशतक करणारा सर्वात तरुण बॅट्समन ठरला होता.
ईस्ट झोन प्लेइंग इलेव्हन: अभिमन्यू ईश्वरन, वैभव सूर्यवंशी, कुमार कुशाग्र, सुदीप कुमार घरामी, इशान किशन, शिखर मोहन, अनुकुल रॉय, मोहम्मद कौनेन कुरेशी, मोहम्मद शमी, अभिजित के सरकार, मुकेश कुमार.
साऊथ झोन प्लेइंग इलेव्हन: रिकी भुई, नारायण जगदीसन, पडिक्कल, शेख रशीद, तिलक वर्मा, स्मरण रविचंद्रन, श्रेयस गोपाल, त्रिपुराण विजय, सिराज, चमा मिलिंद, एमडी निधीश.
थोडक्यात स्कोअर: ईस्ट झोन पहिली इनिंग - 30 ओव्हर्सनंतर 2 विकेट्सवर 146 रन्स. ओपनर ईश्वरन 76 आणि वैभव 44 रन्स करून आऊट झाले. शिखर मोहन (23) आणि सुदीप कुमार घरामी (6) रन्सवर खेळत आहेत.
