Mumbai Metro 9: मिरा-भाईंदरकरांची प्रतीक्षा संपली! 'या' तारखेला मेट्रो धावणार; मुख्यमंत्री दाखवणार हिरवा कंदील

Mumbai Metro 9: दहिसर-मिरा भाईंदर (मेट्रो ९) मार्गिकेच्या पहिल्या टप्प्याचे लोकार्पण ६ एप्रिल रोजी होणार असल्याची अधिकृत घोषणा झाली आहे. सुरक्षा प्रमाणपत्र मिळाल्यानंतर, ही सेवा दहिसर पूर्व ते काशिगाव दरम्यान चार स्थानकांवरून सुरू होईल.

Image Credit : Getty

मिरा-भाईंदरकरांची प्रतीक्षा संपली! 'या' तारखेला मेट्रो धावणार

मुंबई: गेल्या अनेक महिन्यांपासून रखडलेल्या दहिसर-मिरा भाईंदर (मेट्रो ९) मार्गिकेच्या पहिल्या टप्प्याला अखेर मुहूर्त सापडला आहे. सुरक्षेच्या सर्व चाचण्या आणि प्रमाणपत्रे पूर्ण झाल्यानंतर, आता या मेट्रोचे लोकार्पण ६ एप्रिल रोजी होणार असल्याची अधिकृत घोषणा करण्यात आली आहे. परिवहन मंत्री प्रताप सरनाईक यांनी माध्यमांशी संवाद साधताना या सोहळ्याची तारीख आणि तपशील जाहीर केला. 

Image Credit : ANI

६ एप्रिलला होणार 'ग्रँड' लोकार्पण

मेट्रो ९ मार्गिकेचा पहिला टप्पा पूर्णपणे सज्ज असून, ६ एप्रिल रोजी मुख्यमंत्री देवेंद्र फडणवीस यांच्या हस्ते या सेवेचे उद्घाटन करण्यात येईल. या सोहळ्याला उपमुख्यमंत्री एकनाथ शिंदे, सुनेत्रा पवार, प्रताप सरनाईक आणि इतर स्थानिक लोकप्रतिनिधी उपस्थित राहणार आहेत. 

Image Credit : X

उद्घाटनाला विलंब का झाला?

मंत्री सरनाईक यांनी स्पष्ट केले की, दहिसर ते काशिगाव दरम्यानचे काम आधीच पूर्ण झाले होते, मात्र 'सुरक्षा प्रमाणपत्र' (Safety Certificate) मिळण्यास उशीर झाला. आता MMRDA कडे हे प्रमाणपत्र प्राप्त झाले असून प्रवाशांच्या सुरक्षेची खात्री पटल्यानंतरच ही सेवा सुरू केली जात आहे. 

Image Credit : X

पहिल्या टप्प्यात 'या' ४ स्थानकांवरून धावणार मेट्रो

एकूण १३.५८ कि.मी. लांबीच्या या प्रकल्पापैकी पहिल्या टप्प्यात खालील स्थानकांदरम्यान मेट्रो धावेल.

१. दहिसर पूर्व

२. पांडुरंग वाडी

३. मिरागाव

४. काशिगाव

पुढील टप्प्यातील स्थानकांचे काम अद्याप प्रगतीपथावर असून, लवकरच संपूर्ण मार्गिका प्रवाशांसाठी खुली केली जाईल. 

Image Credit : X

मुंबईकरांना काय फायदा होणार?

वाहतूक कोंडीतून सुटका: दहिसर चेकनाक्यावरील भीषण ट्रॅफिकमधून मिरा-भाईंदरकरांची सुटका होईल.

वेळेची बचत: रस्ते मार्गाने लागणाऱ्या वेळेच्या तुलनेत मेट्रोने प्रवास केल्यास ३० ते ४० मिनिटांची बचत होईल.

आरामदायी प्रवास: पश्चिम उपनगरांना जोडणारी ही महत्त्वाची लिंक ठरल्यामुळे नोकरदार वर्गाला मोठा दिलासा मिळेल.

६ एप्रिलपासून मिरा-भाईंदरचे नागरिक खऱ्या अर्थाने 'मेट्रो लाईफ'चा अनुभव घेऊ शकणार आहेत. सुरक्षेच्या खात्रीनंतर सुरू होणारी ही सेवा शहराच्या विकासाला नवी गती देईल.