Mumbai Local Update: विद्याविहार, कांजूरमार्ग, नाहूर स्थानकांवर रविवारी थांबा नाही; मेगाब्लॉकमुळे प्रवाशांचे हाल होण्याची शक्यता

Mumbai Local Update: रविवार, ५ ऑक्टोबरला मध्य, हार्बर आणि पश्चिम रेल्वे मार्गांवर देखभाल-दुरुस्तीच्या कामांसाठी मेगाब्लॉक जाहीर करण्यात आला आहे. यामुळे अनेक लोकल गाड्यांच्या वेळापत्रकात बदल होणार असून, काही गाड्या रद्द होतील तर काही वळवण्यात येतील.

Image Credit : social media

मुंबईकरांसाठी एक महत्त्वाची सूचना!

मुंबई: लोकलने प्रवास करणाऱ्या मुंबईकरांसाठी एक महत्त्वाची सूचना! रविवार, ५ ऑक्टोबर रोजी मध्य, हार्बर आणि पश्चिम रेल्वेमार्गांवर आवश्यक देखभाल व दुरुस्तीच्या कामांमुळे मेगाब्लॉक घेण्यात येणार आहे. त्यामुळे अनेक लोकलच्या वेळापत्रकात बदल होणार असून काही गाड्या रद्द तर काहींचे मार्ग बदलले जातील. 

Image Credit : Social media

मध्य रेल्वे मेगाब्लॉक, प्रवाशांना मोठा फटका

रविवारी सकाळी ११:०५ ते दुपारी ३:५५ या वेळेत माटुंगा ते मुलुंड दरम्यानच्या अप व डाऊन धीम्या मार्गावर ब्लॉक असेल. यामुळे काही लोकल गाड्या जलद मार्गावरून वळवण्यात येणार आहेत.

परंतु, जलद मार्गावर फलाट उपलब्ध नसल्यामुळे त्या लोकल विद्याविहार, कांजूरमार्ग आणि नाहूर या स्थानकांवर थांबणार नाहीत. त्यामुळे या स्थानकांहून प्रवास करणाऱ्या प्रवाशांना गैरसोय होणार आहे. 

Image Credit : X(Twitter)

हार्बर व ट्रान्सहार्बर मार्गावरही ब्लॉक

पनवेल ते वाशी स्थानकांदरम्यान अप आणि डाऊन मार्गांवर रविवारी सकाळी ११:०५ ते दुपारी ४:०५ या वेळेत ब्लॉक घेण्यात येणार आहे. 

Image Credit : social media

पश्चिम रेल्वेवर रात्रीचा ब्लॉक

शनिवारी रात्री १ ते पहाटे ४:३० या वेळेत माहीम ते सांताक्रूझ दरम्यान अप आणि डाऊन धीम्या मार्गावर कामं होणार आहेत. 

Image Credit : social media

भायखळा स्टेशनजवळ तांत्रिक कामं

परळ ते भायखळा दरम्यान अप जलद मार्गावर शनिवारी रात्री १२:३० ते पहाटे ४:३० या वेळेत कामं होणार आहेत. त्यामुळे कोणार्क एक्सप्रेस आणि हावडा-सीएसएमटी एक्सप्रेस या गाड्या केवळ दादरपर्यंत धावतील. 

Image Credit : Asianet News

प्रवाशांसाठी सूचना

यामुळे प्रवासात उशीर किंवा बदल होण्याची शक्यता असल्याने प्रवाशांनी प्रस्थानापूर्वी रेल्वेचं अधिकृत वेळापत्रक तपासूनच प्रवास करावा, असे आवाहन रेल्वे प्रशासनाकडून करण्यात आलं आहे. 

Image Credit : our own

महत्त्वाच्या वेळा झटक्यात

मार्ग स्थानक वेळा

मध्य रेल्वे माटुंगा - मुलुंड (धीमा मार्ग) रविवारी 11:05 - 3:55

हार्बर/ट्रान्सहार्बर पनवेल - वाशी रविवारी 11:05 - 4:05

पश्चिम रेल्वे माहीम - सांताक्रूझ शनिवारी 1:00 - 4:30 (रात्र)

भायखळा परळ - भायखळा (अप जलद) शनिवारी 12:30 - 4:30 (रात्र)