- Home
- Mumbai
- Dhirubhai Ambani International School : जगात टॉप 10 मध्ये एकमेव भारतीय शाळा, मुंबईतील शाळेची फी किती?
Dhirubhai Ambani International School : जगात टॉप 10 मध्ये एकमेव भारतीय शाळा, मुंबईतील शाळेची फी किती?
मुंबईच्या धीरूभाई अंबानी इंटरनॅशनल स्कूलने जगात भारी कामगिरी केलीये. 2026 च्या इंटरनॅशनल बॅकलॉरिएट (IB) डिप्लोमा प्रोग्राम रँकिंगमध्ये या शाळेने जगात 9 वा क्रमांक पटकावलाय.
जगात 9 वा क्रमांक, विद्यार्थ्यांची ऐतिहासिक कामगिरी
मुंबईच्या धीरूभाई अंबानी इंटरनॅशनल स्कूलने (DAIS) जगात आपला डंका वाजवलाय. एज्युकेशन ॲडव्हायझर्स यूकेने 2026 चं जागतिक रँकिंग जाहीर केलंय. यात IB डिप्लोमा प्रोग्राम देणाऱ्या शाळांमध्ये DAIS ने 9 वा क्रमांक मिळवलाय. 2026 च्या बॅचच्या विद्यार्थ्यांनी सरासरी 40.8 पॉईंट्स मिळवलेत. शाळेच्या इतिहासातील हा सर्वात बेस्ट स्कोअर आहे. जगातल्या टॉप 10 शाळांमध्ये जागा मिळवणारी ही एकमेव भारतीय शाळा ठरलीये.
विशेष म्हणजे, टॉप 10 शाळांच्या यादीत DAIS मध्येच सर्वात जास्त म्हणजे 105 विद्यार्थी IB डिप्लोमा करत आहेत. एवढ्या मोठ्या संख्येने विद्यार्थ्यांना शिकवून असा भारी रिझल्ट देणं, हे शाळेचं यश आहे. विद्यार्थ्यांची आवड, उत्तम शिक्षण आणि क्रिएटिव्हिटी यामुळेच हे शक्य झाल्याचं शाळेने म्हटलंय.
धीरूभाई अंबानी स्कूलची फी किती आहे?
जगात नाव कमावलेल्या या शाळेत आपल्या मुलांना टाकावं, असं अनेक पालकांना वाटतं. पण आधी फी किती ते जाणून घेणं महत्त्वाचं आहे. मुंबईच्या वांद्रे कुर्ला कॉम्प्लेक्समध्ये (BKC) 2003 साली ही शाळा सुरू झाली. ही को-एज्युकेशन शाळा असून इथे हॉस्टेल नाही, फक्त डे-स्कॉलर सुविधा आहे.
शाळेने फीबाबत अधिकृत माहिती दिलेली नसली तरी, विविध रिपोर्ट्सनुसार फीचा अंदाज असा आहे:
* ॲप्लिकेशन फी: साधारण 5,000 रुपये (नॉन-रिफंडेबल).
* LKG ते 7 वी: वर्षाला सुमारे 1.7 लाख रुपये.
* 8 वी ते 10 वी (ICSE): वर्षाला सुमारे 1.85 लाख रुपये (हा पॅटर्न हळूहळू बंद होतोय).
* 8 वी ते 10 वी (केंब्रिज IGCSE): वर्षाला 4.48 लाख ते 5.9 लाख रुपये.
* 11 वी आणि 12 वी (IB डिप्लोमा): वर्षाला सुमारे 9.65 लाख रुपये.
ही फी अंदाजित असून त्यात बदल होऊ शकतो. ॲडमिशन घेण्यापूर्वी शाळेत जाऊन लेखी माहिती घेणं कधीही चांगलं.
शाळेत कोणत्या सुविधा मिळतात?
या शाळेत प्रत्येक वर्गाची फी वेगळी आहे. इंटरनॅशनल बोर्डाकडे गेल्यावर फी वाढते. 8 वी ते 10 वीसाठी केंब्रिज IGCSE आणि 11 वी-12 वीसाठी IB डिप्लोमा प्रोग्राम आहे. यासाठी खास ट्रेनिंग घेतलेले शिक्षक, प्रोजेक्ट्स आणि एक्स्ट्रा ॲक्टिव्हिटीज असतात, त्यामुळे फी जास्त असते.
अभ्यासासोबतच इतर गोष्टींसाठी शाळेत भारी सुविधा आहेत.
क्लासरूम आणि लॅब: 1.3 लाख स्क्वेअर फुटांचा कॅम्पस, 60 पेक्षा जास्त एसी क्लासरूम आणि सायन्स लॅब आहेत.
लायब्ररी: 40,000 पेक्षा जास्त पुस्तके आणि डिजिटल बुक्स उपलब्ध आहेत.
कला आणि संगीत: आर्ट, म्युझिक, भाषा आणि कॉम्प्युटरसाठी खास खोल्या आहेत. कार्यक्रम करण्यासाठी खास जागाही आहे.
खेळ: 2.3 एकरांचं मैदान, बास्केटबॉल, टेनिस, व्हॉलीबॉल कोर्ट आणि योगा रूम आहे.
इतर सुविधा: मेडिकल सेंटर, ऑडिओ-व्हिज्युअल ऑडिटोरियम आणि दोन डायनिंग हॉल आहेत, जिथे शाकाहारी जेवण आणि स्नॅक्स मिळतात.
ॲडमिशन कसं मिळवायचं?
बाहेरच्या शाळेतून येणाऱ्या मुलांना सहसा 8 वी आणि 11 वी मध्ये ॲडमिशन मिळतं. पण जागा आणि त्या वर्षीच्या नियमांवर हे अवलंबून असतं.
8 वी ॲडमिशन: नोव्हेंबरमध्ये एंट्रन्स टेस्ट होते. त्यानंतर इंटरॅक्टिव्ह सेशन असतं. यात मुलांना स्वतःचे विचार मांडण्यासाठी 500 शब्दांचा एक लेखही लिहावा लागतो.
11 वी ॲडमिशन: आधी मल्टिपल चॉईस (MCQ) टेस्ट आणि नंतर थेअरी टेस्ट होते. शेवटी इंटरॅक्टिव्ह सेशन घेतलं जातं.
लहान वर्गांसाठी: ॲप्लिकेशन दिल्यानंतर विद्यार्थी आणि पालकांसोबत चर्चा करून ॲडमिशन दिलं जातं.
