- Home
- Mumbai
- MHADA Big Update: म्हाडाची 'लकी ड्रॉ'शिवाय घर मिळवण्याची सुवर्णसंधी! पण 'या' अटीमुळे घर घेताना १० वेळा विचार करा
MHADA Big Update: म्हाडाची 'लकी ड्रॉ'शिवाय घर मिळवण्याची सुवर्णसंधी! पण 'या' अटीमुळे घर घेताना १० वेळा विचार करा
MHADA Big Update: म्हाडाने मुंबईत 'प्रथम येणाऱ्यास प्रथम प्राधान्य' तत्त्वावर ११८ घरांची विनासोडत विक्री योजना आणली आहे. या योजनेत घर मिळाल्यानंतर ५ वर्षे ते विकता येणार नाही, असा कडक नियम आहे.
म्हाडाची 'लकी ड्रॉ'शिवाय घर मिळवण्याची सुवर्णसंधी!
मुंबई : मुंबईत स्वतःचं हक्काचं घर असावं असं स्वप्न पाहणाऱ्यांसाठी म्हाडाने एक मोठी आनंदाची बातमी आणली आहे. म्हाडाच्या मुंबई मंडळाने पहिल्यांदाच 'विनासोडत' (No Lottery) घर विक्रीचा निर्णय घेतला असून, ११८ घरांसाठी 'प्रथम येणाऱ्यास प्रथम प्राधान्य' (First Come First Served) ही योजना जाहीर केली आहे. परंतु, ही घरे घेताना म्हाडाने एक कडक अट घातली आहे, जी तुम्हाला महागात पडू शकते. काय आहे ही नवी योजना? जाणून घ्या सविस्तर
'आधी या, आधी घर मिळवा', नेमकं काय आहे नियोजन?
मुंबईतील म्हाडाच्या लॉटरीला नेहमीच प्रचंड प्रतिसाद मिळतो, मात्र काही उच्च दराची (High Income Group) घरे विक्रीविना रिक्त राहिली होती. ही घरे लवकरात लवकर विकली जावीत यासाठी म्हाडाने लॉटरीची वाट न पाहता थेट विक्री करण्याचा निर्णय घेतला आहे.
एकूण घरे: ११८ रिक्त घरे
नोंदणी: सध्या संगणकीय नोंदणी प्रक्रिया सुरू आहे.
थेट विक्री: ४ मार्च २०२६ पासून प्रत्यक्ष घर बुकिंग सुरू होईल.
'५ वर्षांची अट', सर्वात मोठा ट्विस्ट!
अनेक अर्जदारांना वाटले होते की या विशेष योजनेत म्हाडाच्या कठोर अटी नसतील, पण म्हाडाने स्पष्ट केले आहे की,
विक्रीवर बंदी: घर मिळाल्यानंतर पुढील ५ वर्षे तुम्हाला ते विकता येणार नाही.
कठोर कारवाई: जर या मुदतीपूर्वी घर विकण्याचा प्रयत्न केला, तर म्हाडा तुमचे घर जप्त करू शकते.
डोमिसाइल अनिवार्य: या योजनेसाठीही महाराष्ट्र राज्याचा अधिवास दाखला (Domicile) असणे बंधनकारक आहे.
'बुक माय होम' (Book My Home) द्वारे घर बुक करा
म्हाडाने यासाठी अत्यंत सोपी ऑनलाइन प्रणाली आणली आहे. घराचा ताबा मिळवण्याची प्रोसेस अशी असेल
निवड: ऑनलाइन पोर्टलवर जाऊन आपल्या आवडीचे घर निवडा.
अनामत रक्कम: १ लाख ते ६ लाख रुपयांपर्यंतची अनामत रक्कम भरून घरावर दावा (Claim) करा.
१०% पेमेंट: घरावर दावा केल्यानंतर पुढील ४८ तासांच्या आत घराच्या एकूण किमतीच्या १० टक्के रक्कम जमा करणे अनिवार्य आहे.
सावधान: जर तुम्ही ४८ तासांत पैसे भरले नाहीत, तर तुमचा दावा रद्द होईल आणि भरलेली अनामत रक्कमही म्हाडा जप्त करेल!
तज्ज्ञांचा सल्ला, घाई करू नका!
या योजनेत घरांच्या किमती जास्त असल्याने आणि मुदत कमी असल्याने आर्थिक नियोजन चोख ठेवा. ४८ तासांची मुदत ही खूप कमी असते, त्यामुळे कर्जाची (Loan) सोय किंवा स्वतःची रक्कम हाताशी असल्याशिवाय घरावर दावा करू नका, अन्यथा मोठी आर्थिक हानी होऊ शकते.
