- Home
- Maharashtra
- Mumbai To Nagpur Special Train: उन्हाळी सुट्टीत वेटिंगची कटकट मिटली! मुंबई, पुण्याहून नागपूरसाठी धावणार 'समर स्पेशल' ट्रेन; पाहा वेळापत्रक
Mumbai To Nagpur Special Train: उन्हाळी सुट्टीत वेटिंगची कटकट मिटली! मुंबई, पुण्याहून नागपूरसाठी धावणार 'समर स्पेशल' ट्रेन; पाहा वेळापत्रक
Mumbai To Nagpur Special Train: उन्हाळ्याच्या सुट्टीत गर्दी कमी करण्यासाठी रेल्वेने मुंबई (LTT) व पुण्याहून नागपूरसाठी समर स्पेशल ट्रेन जाहीर केल्यात. या गाड्यांना जळगाव, भुसावळ येथे थांबे असल्याने उत्तर महाराष्ट्रातील प्रवाशांचीही सोय होणारय.
मुंबई, पुण्याहून नागपूरसाठी धावणार 'समर स्पेशल' ट्रेन
मुंबई: उन्हाळ्याच्या सुट्टीत गावी जाणाऱ्या किंवा फिरण्याचे नियोजन करणाऱ्या प्रवाशांची गर्दी लक्षात घेता रेल्वे प्रशासनाने मोठा दिलासा दिला आहे. रेल्वेच्या 'वेटिंग लिस्ट'मुळे त्रस्त असलेल्या प्रवाशांसाठी मुंबई (LTT) ते नागपूर आणि पुणे ते नागपूर या मार्गांवर विशेष फेऱ्यांची घोषणा करण्यात आली आहे. सर्वात महत्त्वाचे म्हणजे, या गाड्यांना जळगाव आणि भुसावळ विभागात थांबे देण्यात आल्याने उत्तर महाराष्ट्रातील प्रवाशांचीही सोय होणार आहे.
१) लोकमान्य टिळक टर्मिनस (LTT) - नागपूर विशेष गाडी
मुंबईकरांसाठी ही गाडी नागपूर प्रवासाचा उत्तम पर्याय ठरेल.
गाडी क्र. ०१०२१: ३ एप्रिल रोजी LTT वरून पहाटे १२:५५ वाजता सुटेल आणि त्याच दिवशी दुपारी ३:४५ वाजता नागपूरला पोहोचेल.
गाडी क्र. ०१०२२: ३ एप्रिल रोजी नागपूरवरून रात्री ८:०० वाजता सुटेल आणि दुसऱ्या दिवशी सकाळी ११:४५ वाजता LTT ला पोहोचेल.
प्रमुख थांबे: ठाणे, कल्याण, इगतपुरी, नाशिक रोड, मनमाड, जळगाव, भुसावळ, मलकापूर, शेगाव, अकोला, मूर्तिजापूर, बडनेरा, धामणगाव आणि वर्धा.
२) पुणे - नागपूर - पुणे 'सुपरफास्ट' विशेष गाडी
पुण्यातील विद्यार्थी आणि नोकरदारांसाठी नागपूरला जाण्यासाठी ही विशेष सोय करण्यात आली आहे.
गाडी क्र. ०१४६७: शुक्रवार, ३ एप्रिल रोजी पुणे स्थानकातून दुपारी ३:५० वाजता सुटेल आणि दुसऱ्या दिवशी सकाळी ६:३० वाजता नागपूरला पोहोचेल.
गाडी क्र. ०१४६८: शनिवार, ४ एप्रिल रोजी नागपूरवरून सकाळी ८:०० वाजता सुटेल आणि त्याच दिवशी रात्री ११:३० वाजता पुणे स्थानकावर पोहोचेल.
प्रमुख थांबे: उरुळी, दौंड कॉर्ड लाईन, अहमदनगर, बेलापूर, कोपरगाव, मनमाड, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा.
प्रवाशांसाठी टीप
उन्हाळी सुट्ट्यांमुळे या गाड्यांचे बुकिंग लवकर फुल्ल होण्याची शक्यता आहे. त्यामुळे प्रवाशांनी अधिकृत रेल्वे संकेतस्थळावर जाऊन आपले आरक्षण त्वरित निश्चित करावे.
