ST New Pass Scheme: फक्त 60 दिवसांच्या भाड्यात तब्बल 90 दिवसांचा प्रवास!, एसटी महामंडळाची प्रवाशांसाठी भन्नाट ई-पास योजना

ST New Pass Scheme: एसटी प्रवाशांसाठी नवीन ई-बस पास योजना आणली, ज्यात 60 दिवसांचे भाडे भरून 90 दिवस प्रवास करता येईल. ही योजना प्रवाशांसाठी फायदेशीर असून यात ई बस पासधारकांना साध्या बसमध्ये प्रवास करण्याची, महिलांना 50% सवलतीचा लाभ घेण्याची सोय आहे.

Image Credit : our own

एसटी महामंडळाची प्रवाशांसाठी भन्नाट ई-पास योजना

ST New Pass Scheme: राज्य परिवहन महामंडळाने (MSRTC) प्रवाशांसाठी एक अतिशय आकर्षक योजना जाहीर केली आहे. आता प्रवाशांना फक्त 60 दिवसांचे भाडे भरून तब्बल 90 दिवस प्रवास करण्याची संधी मिळणार आहे. ही नवी ई-बस पास योजना नियमित प्रवास करणाऱ्या प्रवाशांसाठी मोठा दिलासा ठरणार आहे. 

Image Credit : social media

ई-बस प्रवाशांसाठी खास पास योजना

पुणे विभागातील वाढत्या ई-बस सेवेचा आणि प्रवाशांच्या सोयीचा विचार करून एसटी महामंडळाने मासिक आणि त्रैमासिक पास सवलत योजना सुरू केली आहे. या निर्णयामुळे दररोज एकाच मार्गावर प्रवास करणाऱ्या नोकरी, व्यवसाय किंवा शिक्षणाशी संबंधित प्रवाशांना मोठा फायदा होणार आहे. 

Image Credit : Getty

ई-बस पासने कोणत्या बसेसमध्ये प्रवास करता येणार?

ई-बससाठी घेतलेला महाग पास असलेले प्रवासी आता साध्या किंवा निमआराम एसटी बसेसमध्येही प्रवास करू शकतील. तसेच, ज्यांच्याकडे साध्या किंवा निमआराम बसचा पास आहे आणि ते ई-बसने प्रवास करू इच्छितात, त्यांना फक्त दोन्ही भाड्यातील फरक 100 टक्के दराने भरावा लागेल. यामुळे प्रवाशांना अधिक लवचिक, सोयीस्कर आणि पर्यावरणपूरक प्रवासाचा पर्याय मिळणार आहे. 

Image Credit : our own

ई-बस प्रकल्पाचा विस्तार आणि महिला प्रवाशांसाठी सवलत

सध्या राज्यभरात 448 ई-बसेस कार्यरत आहेत, तर शिवाई प्रकल्पांतर्गत आणखी 50 ई-बसेस रस्त्यावर धावत आहेत. पुणे विभागात सध्या 50 ई-शिवाई बसेस सेवेत असून या बसेस सोलापूर, कोल्हापूर, नाशिक, छत्रपती संभाजीनगर आणि बारामती या प्रमुख मार्गांवर धावत आहेत. विशेष म्हणजे, महिला प्रवाशांना ई-बस सेवेत 50 टक्के सवलत दिली जात आहे. त्यामुळे महिलांकडून या सेवेला उत्तम प्रतिसाद मिळत आहे. 

Image Credit : others

परिवहन मंत्र्यांचे मत

परिवहन मंत्री प्रताप सरनाईक यांनी सांगितले की, “ई-बस प्रकल्पामुळे राज्यातील सार्वजनिक वाहतूक अधिक आधुनिक आणि पर्यावरणपूरक बनत आहे. या पास योजनेमुळे प्रवाशांना केवळ आर्थिकच नव्हे, तर सोयीचा लाभ मिळेल. त्याचबरोबर एसटी महामंडळाची आर्थिक स्थिती सुधारेल.” 

Image Credit : social media

हरित आणि किफायतशीर प्रवासाकडे एक पाऊल

राज्यातील ई-बस सेवा आता पर्यावरणपूरक, ऊर्जा कार्यक्षम आणि कमी आवाजातील प्रवासाचा उत्तम पर्याय बनत आहे. या नव्या पास योजनेमुळे प्रवाशांचा खर्च कमी होईल, वेळ वाचेल आणि दररोजचा प्रवास अधिक आरामदायक बनेल. एसटी महामंडळाचा हा निर्णय प्रवाशांच्या हिताचा तसेच हरित वाहतुकीच्या दिशेने महत्त्वपूर्ण टप्पा मानला जात आहे.