- Home
- Maharashtra
- Pune Water Cut Update: पुणेकरांनो पाणी जपून वापरा! ऐन उन्हाळ्यात 'या' भागांचा पाणीपुरवठा बंद; महापालिकेचं महत्त्वाचं आवाहन
Pune Water Cut Update: पुणेकरांनो पाणी जपून वापरा! ऐन उन्हाळ्यात 'या' भागांचा पाणीपुरवठा बंद; महापालिकेचं महत्त्वाचं आवाहन
Pune Water Cut Update: पुणे विद्यापीठ चौकातील मुख्य जलवाहिनीच्या दुरुस्तीच्या कामामुळे मंगळवारी २४ मार्चला शहरातील अनेक भागांचा पाणीपुरवठा बंद ठेवण्यात येणार आहे. सेनापती बापट रोड, कोथरूड, शिवाजीनगर आणि औंध-बाणेर यांसारख्या परिसरांना याचा फटका बसेल.
पुणेकरांनो पाणी जपून वापरा! ऐन उन्हाळ्यात 'या' भागांचा पाणीपुरवठा बंद
पुणे: पुण्यात उन्हाचा चटका वाढत असतानाच आता पुणेकरांना पाण्याचा वापर जपून करावा लागणार आहे. पुणे विद्यापीठ चौक परिसरातील मुख्य जलवाहिनीच्या दुरुस्तीचे तातडीचे काम हाती घेण्यात आल्याने शहरातील अनेक प्रमुख भागांचा पाणीपुरवठा मंगळवारी (२४ मार्च) बंद राहणार आहे.
पाणी कपात का?
शहराचा पाणीपुरवठा भविष्यकाळात सुरळीत राहावा आणि जलवाहिन्यांची क्षमता टिकून राहावी, यासाठी ही देखभाल-दुरुस्ती अनिवार्य असल्याचे पुणे महापालिकेच्या पाणीपुरवठा विभागाने स्पष्ट केले आहे. दुरुस्तीच्या कामावेळी पाण्याचा दाब नियंत्रित करण्यासाठी आणि तांत्रिक कामे सुरक्षितपणे पूर्ण करण्यासाठी हा निर्णय घेण्यात आला आहे.
'या' भागांत मंगळवारी नळ येणार नाहीत!
२४ मार्च रोजी खालील परिसरांचा पाणीपुरवठा पूर्णपणे बंद असेल
सेनापती बापट रोड: डावी आणि उजवी दोन्ही बाजू.
कोथरुड-गोखले नगर परिसर: आशानगर, गोखले नगर, बहिराटवाडी.
शिवाजीनगर भाग: मॉडेल कॉलनी, मॉडर्न कॉलेज परिसर.
औंध-बाणेर पट्टा: औंध, बाणेर, बोपोडी, चिखलवाडी.
इतर भाग: भोसले नगर, कासारकर वाडी.
प्रशासनाचे नियोजन आणि आवाहन
मंगळवारी दिवसभर काम चालल्यानंतर बुधवारी (२५ मार्च) सकाळी या सर्व भागांत पाणीपुरवठा पूर्ववत केला जाणार आहे. मात्र, पुरवठा सुरू झाल्यावर सुरुवातीला पाण्याचा दाब कमी राहण्याची शक्यता नाकारता येत नाही.
महत्त्वाची सूचना
"उन्हाळा असल्याने पाण्याची गरज जास्त असते, हे लक्षात घेऊन नागरिकांनी आदल्या दिवशीच आवश्यक तेवढा पाणीसाठा करून ठेवावा. महापालिकेला या देखभाल कार्यात सहकार्य करावे," असे आवाहन पाणीपुरवठा विभागाने केले आहे.
