MHADA Pune Lottery : म्हाडाच्या घरांचे स्वप्न लांबणीवर! २ लाख अर्जदारांची धाकधूक वाढली; आता 'या' तारखेला निघणार सोडत

MHADA Pune Lottery : पुणे, पिंपरी-चिंचवडमधील म्हाडाच्या ४,१६८ घरांची सोडत आचारसंहितेमुळे रखडली आहे. निवडणूक आयोगाने परवानगी नाकारल्याने, २.१५ लाख अर्जदारांना आता फेब्रुवारी २०२६ पर्यंत वाट पाहावी लागण्याची शक्यता आहे.

Image Credit : Twitter

म्हाडाच्या घरांचे स्वप्न लांबणीवर! २ लाख अर्जदारांची धाकधूक वाढली

पुणे : पुणे, पिंपरी-चिंचवडसह सोलापूर आणि सांगलीमध्ये हक्काच्या घराचे स्वप्न पाहणाऱ्या २.१५ लाख अर्जदारांसाठी एक मोठी अपडेट समोर आली आहे. म्हाडाच्या ४,१६८ घरांसाठी होणारी बहुप्रतीक्षित सोडत (Lucky Draw) आता आचारसंहितेच्या कचाट्यात अडकली आहे. निवडणूक आयोगाने परवानगी नाकारल्याने घरांचे वाटप तूर्तास रखडले आहे. 

Image Credit : Twitter

आचारसंहितेचा 'ब्रेक' आणि आयोगाचा निर्णय

स्थानिक स्वराज्य संस्थांच्या निवडणुकांमुळे सध्या राज्यात आचारसंहिता लागू आहे. म्हाडाच्या घरांची सोडत जाहीर केल्यास त्याचा परिणाम मतदारांवर होऊ शकतो, असे मत निवडणूक आयोगाने व्यक्त केले आहे. म्हाडाचे सभापती शिवाजीराव आढळराव पाटील यांनी विशेष परवानगीसाठी प्रयत्न केले होते, मात्र आयोगाने आचारसंहिता संपल्यानंतरच प्रक्रिया राबवण्याचे स्पष्ट आदेश दिले आहेत. 

Image Credit : Twitter

सोडतीचा प्रवास आणि आलेले अडथळे

पहिला मुहूर्त: ११ डिसेंबर (तांत्रिक कारणांमुळे लांबणीवर).

दुसरा मुहूर्त: १६-१७ डिसेंबर (आचारसंहितेमुळे स्थगित).

आता कधी होणार? मिळालेल्या माहितीनुसार, आता ही सोडत फेब्रुवारी २०२६ मध्ये होण्याची दाट शक्यता आहे.

Image Credit : Twitter

का रखडली सोडत? म्हाडाचा युक्तिवाद काय होता?

आढळराव पाटील यांनी आयोगाकडे विनंती केली होती की, म्हाडाची सोडत ही पूर्णपणे ऑनलाइन आणि पारदर्शक आहे. यामध्ये कोणालाही मोफत घर दिले जात नाही, तर विजेत्यांना घराची पूर्ण किंमत भरावी लागते. परंतु, मतदारांना आकर्षित करणारी घोषणा ठरू शकते, या कारणास्तव आयोगाने आपला नकार कायम ठेवला. 

Image Credit : our own

पुणेकरांची प्रतीक्षा वाढली

पुणे म्हाडाच्या या सोडतीसाठी तब्बल २ लाख १५ हजार ८४७ अर्ज आले आहेत. गेल्या अनेक महिन्यांपासून मध्यमवर्गीय कुटुंब या 'लकी ड्रॉ'च्या प्रतीक्षेत आहेत. मात्र, आता फेब्रुवारीपर्यंत वाट पाहण्याशिवाय अर्जदारांकडे कोणताही पर्याय उरलेला नाही.