पुणे मेट्रोचा महिलांना 'जागतिक महिला दिना'चा मोठा नजराणा! आता प्रत्येक फेरीत ४६ जागा खास महिलांसाठी राखीव

जागतिक महिला दिनानिमित्त पुणे मेट्रोने महिला, ज्येष्ठ नागरिकांसाठी मोठा निर्णय घेतला. प्रत्येक मेट्रो ट्रेनमध्ये महिलांसाठी ४६, ज्येष्ठ नागरिकांसाठी ८ जागा राखीव ठेवणारय. या राखीव जागा ओळखण्यासाठी डब्यांमध्ये विशेष चिन्हे देखील लावण्यात आली. 

Image Credit : social media

पुणे मेट्रोचा महिलांना 'जागतिक महिला दिना'चा मोठा नजराणा!

पुणे: पुणेकरांच्या धावपळीच्या आयुष्यात मेट्रोने आता सुखद बदल घडवून आणला आहे. ८ मार्च, जागतिक महिला दिनाचे औचित्य साधून पुणे मेट्रो प्रशासनाने महिला आणि ज्येष्ठ नागरिकांच्या प्रवासाचा आनंद द्विगुणित करण्याचा निर्णय घेतला आहे. आता मेट्रोच्या प्रत्येक गाडीत महिला आणि ज्येष्ठांसाठी हक्काची जागा असणार आहे! 

Image Credit : X

प्रवास आता अधिक सन्मानाचा आणि सुरक्षित!

गर्दीच्या वेळी महिलांना होणारी ओढाताण आणि ज्येष्ठांची गैरसोय टाळण्यासाठी मेट्रोने आसन व्यवस्थेचे नवे गणित मांडले आहे. पुणे मेट्रोच्या ३ डब्यांच्या प्रत्येक ट्रेनमध्ये आता एकूण ४६ जागा महिलांसाठी तर ८ जागा ज्येष्ठ नागरिकांसाठी राखीव असतील. 

Image Credit : X

डबेनिहाय आसन व्यवस्था कशी असेल?

प्रवाशांच्या सोयीसाठी प्रत्येक डब्यात विशिष्ट जागाचे वाटप करण्यात आले आहे.

डब्याचा प्रकार,महिलांसाठी राखीव जागा,ज्येष्ठ नागरिकांसाठी जागा

पहिला डबा,१४ जागा,०२ जागा

मधला डबा,१८ जागा,०४ जागा

तिसरा डबा,१४ जागा,०२ जागा

एकूण,४६ जागा,०८ जागा 

Image Credit : X

ओळखणे झाले सोपे, डब्यात पाहा 'या' विशेष खुणा

तुमची हक्काची जागा ओळखण्यासाठी आता गोंधळण्याची गरज नाही. मेट्रो प्रशासनाने डब्यांमध्ये ठळक चिन्हे (Signage) लावली आहेत. यामुळे प्रवाशांना आपल्या राखीव जागा त्वरित शोधता येतील. विशेषतः ऑफिसच्या वेळेत (Peak Hours) होणारी धक्काबुक्की टाळण्यासाठी ही व्यवस्था अत्यंत प्रभावी ठरेल. 

Image Credit : X

मेट्रोचे आवाहन

"इतर प्रवाशांनी महिला आणि ज्येष्ठ नागरिकांच्या या राखीव जागांचा सन्मान करावा आणि गर्दीच्या वेळी त्यांना प्राधान्य देऊन सहकार्य करावे."अधिक माहितीसाठी प्रवासी पुणे मेट्रोचे अधिकृत ॲप वापरू शकतात, जिथे या नवीन आसन आराखड्याचा सविस्तर तपशील उपलब्ध करून देण्यात आला आहे.