Pune Gas Cylinder New Rules: पुणेकरांनो सावधान! गॅस सिलिंडर हवाय? मग 'हे' काम तातडीने करा, अन्यथा पुरवठा होणार बंद; पहा नवे नियम

Pune Gas Cylinder New Rules: पुणे जिल्ह्यातील गॅस ग्राहकांना आता सिलिंडर बुकिंगसाठी केवायसी अपडेट करणे बंधनकारक आहे, अन्यथा त्यांचे बुकिंग ब्लॉक केले जाईल. यासोबतच, दोन सिलिंडर बुकिंगमधील अंतर २१ दिवसांवरून ३० दिवसांपर्यंत वाढवण्यात आले आहे. 

Image Credit : X

पुणेकरांनो सावधान! गॅस सिलिंडर हवाय? मग 'हे' काम तातडीने करा

पुणे: जर तुम्ही अद्याप तुमच्या गॅस कनेक्शनचे KYC (केवायसी) अपडेट केले नसेल, तर सावधान! पुणे जिल्ह्यातील गॅस ग्राहकांसाठी कंपन्यांनी कडक पाऊल उचलले असून, केवायसी प्रक्रिया पूर्ण नसलेल्या ग्राहकांचे गॅस बुकिंग आता थेट ब्लॉक केले जाणार आहे. केवळ केवायसीच नाही, तर सिलिंडर बुकिंगच्या कालावधीतही मोठा बदल करण्यात आला आहे.

Image Credit : X

१. केवायसी नसेल तर बुकिंग नाही!

गॅस कंपन्यांच्या निर्णयानुसार, ज्या ग्राहकांची केवायसी प्रक्रिया अपूर्ण आहे, त्यांचा सिलिंडर पुरवठा तातडीने थांबवण्यात येत आहे. आता ऑनलाइन बुकिंग करताना केवायसीची विचारणा केली जात असून, ही प्रक्रिया पूर्ण असल्याशिवाय तुमचे बुकिंग स्वीकारले जाणार नाही. त्यामुळे ऐनवेळी गॅस संपल्यावर होणारी धावपळ टाळण्यासाठी आजच तुमच्या वितरकाकडे धाव घ्या.

Image Credit : X

२. आता ३० दिवसांनंतरच मिळणार दुसरा सिलिंडर

घरगुती गॅस वितरणात आणखी एक मोठा बदल करण्यात आला आहे. दोन सिलिंडर बुक करण्यामधील किमान कालावधी जो आधी २१ दिवस होता, तो आता वाढवून थेट ३० दिवस करण्यात आला आहे. म्हणजेच, एकदा सिलिंडर घेतल्यावर तुम्हाला पुढच्या बुकिंगसाठी महिनाभर वाट पाहावी लागणार आहे. या ८ दिवसांच्या वाढीव 'वेटिंग पिरीयड'मुळे गृहिणींचे बजेट आणि नियोजन कोलमडण्याची शक्यता आहे. 

Image Credit : X

३. आंतरराष्ट्रीय युद्धाचा पुरवठ्यावर परिणाम

जागतिक स्तरावर सुरू असलेल्या युद्धजन्य परिस्थितीमुळे इंधन पुरवठा साखळी विस्कळीत झाली आहे. कच्च्या तेलाच्या किमतीतील चढ-उतार आणि एलपीजीच्या मर्यादित उपलब्धतेमुळे हा निर्णय घ्यावा लागल्याचे समजते. पुरवठ्यावर आलेला ताण पाहता, गॅसचा वापर अत्यंत काटकसरीने करण्याचे आवाहन प्रशासनाकडून करण्यात आले आहे. 

Image Credit : X

ग्राहकांनी काय करावे?

तातडीने केवायसी करा: आधार कार्ड आणि बँक पासबुकसह जवळच्या गॅस एजन्सीला भेट द्या.

वापरावर नियंत्रण: ३० दिवसांच्या नियमामुळे गॅस जपून वापरा.

ऑनलाइन स्टेटस तपासा: तुमच्या गॅस कंपनीच्या ॲपवर केवायसी स्टेटस 'Active' आहे की नाही, याची खात्री करा.