- Home
- Maharashtra
- MHADA Lottery 2025: पुणेकरांसाठी सुवर्णसंधी! म्हाडाच्या घरांसाठी अर्ज करण्याची अंतिम तारीख वाढली, जाणून घ्या नवी डेडलाईन
MHADA Lottery 2025: पुणेकरांसाठी सुवर्णसंधी! म्हाडाच्या घरांसाठी अर्ज करण्याची अंतिम तारीख वाढली, जाणून घ्या नवी डेडलाईन
MHADA Lottery 2025: पुणे, पिंपरी-चिंचवड आणि पीएमआरडीए परिसरातील 6,168 घरांसाठी म्हाडाने अर्ज करण्याची मुदत वाढवली आहे. नागरिकांच्या मागणीनुसार, अर्ज करण्याची अंतिम तारीख आता 20 नोव्हेंबर 2025 करण्यात आली आहे.
पुणेकरांनो, घर घेण्याची आणखी एक सुवर्णसंधी!
पुणे: पुणेकरांसाठी पुन्हा एकदा चांगली बातमी! घराच्या शोधात असणाऱ्यांना आता म्हाडाच्या सोडतीत भाग घेण्यासाठी आणखी काही दिवसांची संधी मिळाली आहे. म्हाडाने पुणे, पिंपरी-चिंचवड आणि पीएमआरडीए परिसरातील 6,168 घरांसाठी अर्ज करण्यास मुदतवाढ दिली आहे.
पूर्वी अर्ज करण्याची अंतिम तारीख 31 ऑक्टोबर होती, मात्र नागरिकांच्या मागणीमुळे म्हाडाने ही मुदत 20 नोव्हेंबर 2025 पर्यंत वाढवली आहे, अशी माहिती म्हाडा पुणे विभागाचे मुख्य अधिकारी राहुल साकोरे यांनी दिली आहे.
विविध योजनांअंतर्गत उपलब्ध घरं
या सोडतीत विविध योजनांअंतर्गत मोठ्या प्रमाणावर सदनिका उपलब्ध आहेत.
‘प्रथम येणाऱ्यास प्रथम प्राधान्य’ या योजनेअंतर्गत — 1,683 घरं
‘प्रधानमंत्री आवास योजना (PMAY)’ अंतर्गत — 299 घरं
15% आणि 20% आरक्षण योजनांमध्ये — 4,186 घरं
यामध्ये
पुणे महापालिका हद्दीत: 1,538
पिंपरी-चिंचवड महापालिका हद्दीत: 1,534
पीएमआरडीए क्षेत्रात: 1,114 सदनिका उपलब्ध आहेत.
अर्ज कसा करायचा?
अर्जदारांनी ऑनलाईन अर्जासाठी खालील संकेतस्थळांना भेट द्यावी.
www.housing.mhada.gov.in
सामान्य सोडतीसाठी
www.bookmyhome.mhada.gov.in किंवा lottery.mhada.gov.in
‘प्रथम येणाऱ्यास प्रथम प्राधान्य’ योजनांसाठी
काही अडचण आल्यास हेल्पलाइन क्रमांक 022-69468100 वर संपर्क साधता येईल.
फसवणुकीपासून सावध!
म्हाडाने स्पष्ट केले आहे की कोणताही एजंट, सल्लागार किंवा प्रतिनिधी सदनिकांच्या वितरणासाठी अधिकृत नाही. त्यामुळे अर्जदारांनी कोणत्याही अनोळखी व्यक्तीशी व्यवहार करू नये. फसवणूक झाल्यास म्हाडा किंवा पुणे मंडळ जबाबदार राहणार नाही.
शेवटची तारीख लक्षात ठेवा!
अर्ज करण्याची शेवटची तारीख: 20 नोव्हेंबर 2025
पुणेकरांनो, घराचं स्वप्न साकार करण्याची हीच योग्य वेळ आहे!
