मुलींना मोफत शिक्षण घोषणेची अंमलबजावणी करा, फौजिया खान यांनी चंद्रकांत पाटलांवर टीका करत राज्यभर आंदोलन करण्याचा दिला इशारा

राज्यभरातील मुलींना मोफत शिक्षक देण्याची घोषणा उच्च व तंत्र शिक्षण मंत्री चंद्रकांत पाटलांनी केली होती. मात्र त्याची अंमलबजावणी झाली नाही. यामुळेच राज्यात शिक्षणाचा खर्च झेपत नसल्याने मुलींच्या आत्महत्या होत असल्याचा आरोप राष्ट्रवादी काँग्रेस शरद पवार गटाच्या खासदार डॉ. फौजिया खान यांनी केलाय. तात्काळ या घोषणेची अंमलबजावणी करावी अशी मागणी राष्ट्रवादी फौजिया खान यांनी केली.

घोषणेची अंमलबजावणी न केल्यास राज्यभर राष्ट्रवादी आंदोलन करणार

शिक्षणाचा खर्च झेपत नसल्याने परभणीच्या आहेरवाडी आणि लातूर मधील विद्यार्थिनींनी आत्महत्या केल्याच्या घटना घडल्या आहेत. यातील आहेरवाडी येथील दीपिका खंदारे या मुलीने आत्महत्या केल्यानंतर तिच्या कुटुंबाला भेट देऊन खासदार फौजिया खान यांनी सरकारला लक्ष केले आहे. लवकरात लवकर या घोषणेची अंमलबजावणी केली गेली नाही तर राष्ट्रवादी काँग्रेस राज्यभर आंदोलन करणार असल्याचेही खान यांनी म्हटले आहे. याशिवाय राष्ट्रवादीचे नेते विजय गव्हाणे यांनी या घोषणेच्या अनुषंगाने सरकारवर टीका केली.

आणखी वाचा :

Jagbudi River Flood : मुसळधार पावसाने जगबुडी नदीला पूर आल्याने आपत्ती व्यवस्थापनाचे कर्मचारी अलर्ट, नागरिकांना खबदारी घेण्याचे आवाहन