उपमुख्यमंत्री अजित पवार यांचे बारामतीजवळ विमान अपघातात दुःखद निधन झाले आहे. या घटनेच्या पार्श्वभूमीवर, त्यांच्या वयाचे ६६ वर्ष, ६ महिने, ६ दिवस आणि त्यांनी ६ वेळा भूषवलेले उपमुख्यमंत्रीपद यातील '६' अंकाचा एक विचित्र आणि दुर्दैवी योगायोग समोर आला आहे.
मुंबई : राजकारणातील एक झंझावाती नेतृत्व, राज्याचे उपमुख्यमंत्री आणि राष्ट्रवादीचे दादा... अजित पवार यांच्या निधनाने अवघा महाराष्ट्र आज शोकसागरात बुडाला आहे. बारामती विमानतळाजवळ झालेल्या त्या भीषण अपघाताने एका पर्वाचा अंत केला. पण, या दुःखद घटनेच्या पार्श्वभूमीवर एक असा 'विचित्र आणि दुर्दैवी योगायोग' समोर आला आहे, जो पाहून नियतीच्या खेळावर विश्वास बसणे कठीण झाले आहे.
'६' अंकाचा तो रहस्यमयी फेरा!
अजित पवार यांच्या आयुष्यातील आणि मृत्यूच्या तारखेतील आकडेमोड केली असता, '६' (सहा) या अंकाचा एक अत्यंत दुर्मिळ आणि भीतीदायक योगायोग दिसून येत आहे. पाहा काय सांगते ही आकडेवारी
१. वयाचे गणित: अजित पवार यांचा जन्म २२ जुलै १९५९ रोजी झाला. आज २८ जानेवारी २०२६ रोजी त्यांचे निधन झाले. या दोन्ही तारखांमधील अंतर काढले असता, आज त्यांचे वय बरोबर ६६ वर्ष, ६ महिने आणि ६ दिवस इतके भरते!
Related Articles
२. सत्तेचा योगायोग: अजित पवार यांनी आपल्या प्रदीर्घ राजकीय कारकिर्दीत एकूण ६ वेळा महाराष्ट्राचे उपमुख्यमंत्री म्हणून शपथ घेतली होती. हा आकडा राज्याच्या राजकारणात एक विक्रमच होता.
३. मृत्यूचा दिवस: योगायोगाने आजची तारीख २८ (२+८ = १०) असली, तरी वयाचा तो '६६६' चा आकडा आणि ६ वेळा भूषवलेले उपमुख्यमंत्रीपद हे सारे काही एकाच वेळी जुळून येणे, हा केवळ योगायोग आहे की नियतीचा काही वेगळा संकेत, अशी चर्चा आता सोशल मीडियावर वाऱ्यासारखी पसरली आहे.
महाराष्ट्राच्या राजकारणातील 'पॉवरफुल' पर्वाचा अंत
अजित दादांनी आपल्या कामाच्या शैलीने प्रशासनावर एक वेगळीच छाप पाडली होती. पण आजच्या या भीषण विमान अपघाताने सर्व काही संपवले. ज्या बारामतीवर त्यांनी जीवापाड प्रेम केले, त्याच बारामतीच्या धावपट्टीवर नियतीने घात घातला.
वयाचे ६६ वर्ष ६ महिने आणि ६ दिवस पूर्ण होत असतानाच, ६ वेळा उपमुख्यमंत्री राहिलेल्या या 'लोकनेत्या'ने जगाचा निरोप घ्यावा, हा योगायोग प्रत्येकाला विचार करायला लावणारा ठरला आहे.
