वजन कमी करण्याचे गैरसमज: वजन कमी करण्याशी संबंधित सामान्य गैरसमज आणि तथ्ये जाणून घ्या. कमी खाणे वजन कमी करते का? सप्लिमेंट्समुळे चरबी कमी होते का? निरोगी आहार आणि जीवनशैलीमुळेच वजन कमी करणे शक्य आहे.
सध्याच्या धावपळीच्या आयुष्यात 10 पैकी 8 व्यक्ती लठ्ठपणाचा सामना करताना दिसून येतात. यामागे काही कारणे असू शकतात. पण वजन कमी करताना काही गोष्टींची काळजी घेणे फार महत्वाचे आहे. अशातच वजन कमी करताना डोक्यात असणारे किंवा एखाद्याने सांगितलेले गैरसमज दूर केले पाहिजे. तरच वेट लॉस जर्नीमध्ये तुम्हाला तुमच्यामध्ये फरक दिसू शकतो. याबद्दलच पुढे सविस्तर जाणून घेऊ.
वजन कमी करण्याचे सामान्य गैरसमज: “वजन कमी करण्यासाठी कमी खाणे खूप आवश्यक आहे”. “एकदा वजन कमी झाले की पुन्हा वाढू शकत नाही”… अशा अनेक गोष्टी तुम्ही आजूबाजूला नक्कीच ऐकल्या असतील. वजन कमी करण्याबाबत लोकांच्या मनात अनेक शंका असतात. काही लोक इतरांच्या चुकीच्या गोष्टीही खऱ्या मानतात. जर तुमच्या मनातही वजन कमी करण्याबाबत प्रश्न असतील तर तुम्ही ही बातमी नक्कीच वाचली पाहिजे.
गैरसमज- सर्व अन्नातील कॅलरीज सारख्याच असतात.
Related Articles
तथ्य- सर्व अन्नातील कॅलरीज सारख्या नसतात. चरबी आणि कार्बोहायड्रेट्समधून मिळणाऱ्या कॅलरीजमध्ये फरक असतो. जेव्हा कार्बोहायड्रेट्स आणि चरबी प्रथिनांनी बदलल्या जातात तेव्हा चयापचय वाढते आणि वजन कमी होते.
गैरसमज- वजन कमी होणे आणि वाढणे असामान्य आहे.
तथ्य- शरीरात अशा क्रिया घडतात ज्यामुळे वजन कमी होते किंवा वाढते. महिलांमध्ये मासिक पाळी दरम्यान पाण्याच्या वजनात बरेच चढउतार होतात ज्यामुळे वजन कमी किंवा जास्त होते. ही एक सामान्य गोष्ट आहे.
गैरसमज- सप्लिमेंट्सच्या मदतीने वजन लवकर कमी होते.
तथ्य- हा एक मोठा गैरसमज आहे. सप्लिमेंट्स खाल्ल्याने थोडेच वजन कमी होते. कंपन्या जाहिरातींद्वारे मोठमोठे दावे करत असल्या तरी जास्त वजन कमी करण्यात सप्लिमेंट्स प्रभावी नसतात.
गैरसमज- आजारपणात वजन कमी करता येत नाही.
तथ्य- हायपोथायरॉईडीझम, PCOS इत्यादी आजारांमध्ये शरीराचे वजन वाढते. जर जीवनशैलीत सुधारणा केली तर या आजारांमध्येही वजन सहज कमी करता येते. गंभीर आजारात वजन कमी करणे धोकादायक ठरू शकते.
गैरसमज- कमी खाणे आणि जास्त व्यायाम केल्याने वजन कमी होते.
तथ्य- वजन कमी करण्याचा कमी खाण्याशी काहीही संबंध नाही. जर वजन कमी करायचे असेल तर योग्य आहार आणि व्यायाम समाविष्ट करावा लागेल. जर एखादी व्यक्ती कमी खाईल तर ती आजारी पडेल आणि अचानक वजनही वाढू शकते.
गैरसमज- कार्बोहायड्रेटयुक्त अन्न खाल्ल्याने वजन वाढते.
तथ्य- जर कमी कार्बोहायड्रेटयुक्त आहार घेतला तर त्याचा शरीरावर चांगला परिणाम होतो आणि वजन कमी करण्यासही मदत होते. धान्य खाल्ल्याने कार्बोहायड्रेट्स मिळतात आणि ते शरीरासाठीही निरोगी मानले जाते.
गैरसमज- वजन कमी करायचे असेल तर चरबीयुक्त पदार्थ पूर्णपणे टाळावेत.
तथ्य- निरोगी चरबीयुक्त पदार्थ खाल्ल्याने शरीराला नुकसान होत नाही. सुक्या मेव्यातील असो किंवा फळांमधील असो, चरबी शरीरासाठी फायदेशीर असते. संतृप्त चरबीचे प्रमाण मर्यादित ठेवावे.
गैरसमज- डाएटिंग केल्यानंतर पुन्हा वजन वाढण्याची शक्यता नसते.
तथ्य- जे लोक डाएटिंग करतात त्यापैकी ८५% लोकांचे पुन्हा वजन वाढते. जर वजन कमी करायचे असेल तर त्यासाठी निरोगी जीवनशैली स्वीकारावी आणि रोज व्यायाम करावा.
