उन्हाळ्यात वारंवार लघवी होणे असू शकतात या आजाराचे लक्षण, वेळीच घ्या काळजी
Urine problem in summer : उन्हाळ्याच्या दिवसात वारंवार तहान लागते. पण घामाच्या माध्यमातून शरीरातून पाणी निघून जाते आणि लघवी कमी होते. अशातच उन्हाळ्यात सतत लघवी होत असल्यास हे काही आजाराचे संकेत आहेत. याकडे वेळीच लक्ष द्यावे.
उन्हाळ्यात लघवी होण्याची समस्या
उन्हाळ्याच्या दिवसात सर्वसामान्यपणे लघवी कमीच होते. कारण शरीरातील अत्याधिक विषाक्त पदार्थ घामाच्या वाटेने बाहेर पडतात. पण उन्हाळ्यात सतत लघवी होत असल्यास वेळीच या समस्येकडे लक्ष द्या. अन्यथा काही आजारांना बळी पडू शकता.
आरोग्यसंबंधित समस्या
उन्हाळ्यात वारंवार लघवी होत असल्यास युटीआय, किडनीसंबंधित समस्या, युरिन ब्लॅडरची समस्या होऊ शकते. सर्वसामान्यपणे, उन्हाळ्यात पाणी भरपूर प्रमाणात प्यायले जाते. यामुळे दोनपेक्षा अधिक वेळा लघवी होऊ शकते. पण उन्हाळ्यात वारंवार लघवी होणे काही गंभीर आजाराचे संकेत आहेत.
युटीआयची समस्या
उन्हाळ्याच्या दिवसात सतत लघवी होणे हे युटीआयच्या समस्येचे संकेत असू शकतात. लघवी करताना जळजळ होण्याचा त्रासही होऊ शकतो.
मधुमेह
मधुमेहाच्या रुग्णांना वारंवार लघवी होते. हे मधुमेहाच्या सुरुवातीचे लक्षण आहे. या आजाराच्या सुरुवातीला प्रत्येक अर्धा तासांनी लघवी करण्याची इच्छा होते.
डिहाइड्रेशन
डिहाइड्रेशनची समस्याही वारंवार लघवी होण्याचे कारण असू शकते. शरीरातील कामी कमी झाल्यास लघवी घट्ट होते आणि वारंवार लघवी होते.
ब्लॅडरची समस्या
काहीवेळस यूरिन ब्लॅडर ओव्हर अॅक्टिव्ह झाल्याने वारंवार लघवी होऊ शकते. याशिवाय प्रोस्टस्ट ग्लँडमध्ये समस्या उद्भवल्यास वारंवार लघवी होऊ शकते. कारण प्रोस्टेट ग्लँडमध्ये समस्या उद्भवल्यास एकाच वेळी संपूर्ण लघवी होत नाही. यामुळे उन्हाळ्यात वारंवार लघवी होत असल्यास वेळीच डॉक्टरांना भेटा.
(Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.)
