सध्या राहु कुंभ तर केतू सिंह राशीत आहे. ५ डिसेंबरला राहु मकर राशीत आणि केतू कर्क राशीत प्रवेश करेल. इतर ग्रहांच्या तुलनेत राहु आणि केतू नेहमी उलटी चाल चालतात. या बदलाचा काही राशींना मोठा फायदा होणार आहे.
ज्योतिषशास्त्रानुसार, राहु आणि केतू हे छाया ग्रह मानले जातात. कुंडलीत त्यांची जागा कुठे आहे, यावर माणसाचं आयुष्य बऱ्याच अंशी अवलंबून असतं, असं ज्योतिषी सांगतात. साधारणपणे दर १८ महिन्यांनी राहु आणि केतू आपली रास बदलतात. सध्या राहु कुंभ राशीत आणि केतू सिंह राशीत आहे. ५ डिसेंबरपासून राहु कुंभ राशीतून मकर राशीत तर केतू सिंह राशीतून कर्क राशीत प्रवेश करेल. इतर ग्रहांच्या तुलनेत हे दोन्ही ग्रह नेहमी उलटी चाल (वक्री) चालताना दिसतात.
मेष:
ज्योतिषांच्या मते, दहाव्या घरात राहु असल्यामुळे नोकरी, करिअर आणि समाजात तुमची प्रगती होऊ शकते. तुमची जुनी अडकलेली कामं मार्गी लागतील. विशेषतः राजकारण आणि मॅनेजमेंट क्षेत्रात काम करणाऱ्यांसाठी हा काळ खूप फायद्याचा ठरेल. रखडलेली कामं पूर्ण होतील, नव्या संधी मिळतील आणि घरात आनंदाचं वातावरण राहील.
Related Articles
वृषभ:
वृषभ राशीच्या लोकांसाठी राहु आणि केतूचा हा बदल खूप शुभ ठरणार आहे. राहु नवव्या आणि केतू तिसऱ्या घरात असल्यामुळे तुमचं नशीब फळफळेल. खूप दिवसांपासून अडकलेली कामं पूर्ण होतील आणि हातात पैसा खेळता राहील. नोकरदार वर्गाला प्रमोशन मिळण्याची शक्यता आहे. जे लोक परदेशात जाण्याचं स्वप्न पाहत आहेत, त्यांची इच्छा पूर्ण होऊ शकते. आयुष्यातल्या अनेक अडचणी आता दूर होतील, असा अंदाज आहे.
सिंह:
या राशीच्या लोकांसाठी राहु सहाव्या तर केतू बाराव्या घरात असेल. ग्रहांच्या या स्थितीमुळे विरोधकांचा त्रास कमी होईल. कोर्ट-कचेरीच्या कामात तुम्हाला यश मिळू शकतं. जे लोक व्यवसाय करतात, त्यांना चांगला नफा मिळेल आणि आर्थिक स्थिती सुधारेल. जुन्या आजारांमधून सुटका मिळेल. पण लक्षात ठेवा, चांगले रिझल्ट मिळवण्यासाठी तुम्हाला मेहनत करत राहावी लागेल.
कन्या:
कन्या राशीच्या लोकांसाठी राहु पाचव्या आणि केतू अकराव्या घरात प्रवेश करेल. या बदलामुळे तुम्हाला अचानक धनलाभ होऊ शकतो. नोकरी आणि करिअरमध्ये नव्या संधी चालून येतील. मोठ्या पदावर काम करण्याची संधी मिळू शकते. तुमची आर्थिक स्थिती मजबूत होईल आणि जुन्या समस्या हळूहळू कमी होतील, असा अंदाज ज्योतिषांनी वर्तवला आहे.
