No-Oven Cake : ओव्हन नाहीये? नो टेंशन! १० मिनिटांत बनवा बिस्किटांचा झटपट केक
घरी केक खावासा वाटतोय पण ओव्हन नाही? मग ही सोपी रेसिपी खास तुमच्यासाठी. फक्त १० मिनिटांत, घरातल्या साहित्यात तयार होणारा हा बिस्किट केक नक्की ट्राय करा.
15
Image Credit : chatgpt
बिस्किट केक
शाळेतून आलेली मुलं किंवा ऑफिसमधून आल्यावर लागणारी छोटी भूक, या सगळ्यावर हा केक म्हणजे बेस्ट उपाय आहे. जंक फूडऐवजी हा एक आरोग्यदायी पर्याय आहे जो झटपट तयार होतो. घरातल्या मोजक्या साहित्यात तुम्ही हा केक बनवू शकता.
Add Asianetnews Marathi as a Preferred Source
25
Image Credit : chatgpt
साहित्य
हा बिस्किट केक बनवण्यासाठी आधी चॉकलेट किंवा मारी बिस्किटांचे २ पॅकेट घ्या. सोबत एक कप दूध, अर्धा चमचा बेकिंग पावडर आणि एक चमचा कोको पावडर लागेल. तुम्हाला जास्त गोड आवडत असेल तर एक-दोन चमचे साखरही घालू शकता. केकच्या भांड्याला लावण्यासाठी थोडं बटर किंवा तूपही जवळ ठेवा.
35
Image Credit : chatgpt
केकसाठी तयारी
सगळ्यात आधी, बिस्किटांचे लहान तुकडे करून मिक्सरमध्ये टाका आणि त्याची बारीक पावडर बनवा. बिस्किटं मुळातच गोड असल्यामुळे जास्त साखरेची गरज नाही, पण हवं असल्यास थोडी घालू शकता. आता ही बिस्किट पावडर एका भांड्यात काढा. त्यात बेकिंग पावडर आणि कोको पावडर घालून चांगलं मिक्स करा. त्यानंतर, हळूहळू दूध घालत मिश्रण एकजीव करा. केकचं बॅटर जास्त घट्ट किंवा पातळ नसावं. शेवटी, स्टीलच्या वाटीला किंवा केकच्या भांड्याला बटर किंवा तूप लावून त्यात हे बॅटर ओता.
45
Image Credit : chatgpt
ओव्हनशिवाय असा बनवा केक
एक जाड बुडाची कढई गॅसवर ठेवा. त्यात थोडं मीठ टाकून २-३ मिनिटं गरम करून घ्या (प्री-हीट). आता कढईत एक छोटी स्टँड ठेवा आणि त्यावर केकचं भांडं ठेवा. कढईवर झाकण ठेवून मध्यम-मंद आचेवर केक १०-१५ मिनिटं शिजू द्या. केक शिजला की नाही हे तपासण्यासाठी, त्यात एक टूथपिक घालून बघा. टूथपिक स्वच्छ बाहेर आली, की तुमचा केक तयार आहे! भांड्यातून काढण्यापूर्वी थोडा वेळ थंड होऊ द्या.
55
Image Credit : chatgpt
चॉकलेट सिरप आणि ड्राय फ्रूट्सचा करा वापर
केक आणखी छान दिसावा आणि चविष्ट लागावा यासाठी तुम्ही वरून चॉकलेट सिरप टाकू शकता. किंवा, चॉकलेट चिप्स किंवा ड्राय फ्रूट्स घालूनही त्याला सजवू शकता. एकदा तुम्ही हा सोपा, ओव्हनशिवाय बनणारा बिस्किट केक ट्राय केलात, की तुम्ही तो पुन्हा पुन्हा बनवाल हे नक्की.
