OnePlus 15T Leaked Features : OnePlus 15T स्मार्टफोनचे चिप, कॅमेरा, डिस्प्ले यांसारखी माहिती लाँचपूर्वीच समोर आली आहे. या फोनमध्ये क्वालकॉमचा स्नॅपड्रॅगन 8 एलीट जेन 5 चिपसेट असण्याची शक्यता आहे.
OnePlus 15T Leaked Features : चायनीज स्मार्टफोन ब्रँड वनप्लस लवकरच आणखी एक नवीन फोन आणणार आहे, ज्यामुळे उत्सुकता वाढली आहे. वनप्लस 15 फ्लॅगशिप सीरिजचा विस्तार करत कंपनी आपला नवीन कॉम्पॅक्ट स्मार्टफोन वनप्लस 15T लाँच करणार आहे. या फोनमध्ये क्वालकॉमचा स्नॅपड्रॅगन 8 एलीट जेन 5 चिपसेट आणि 7000mAh बॅटरी असण्याची शक्यता आहे. रिपोर्ट्सनुसार, वनप्लस 15T मोबाईल 2026 च्या पहिल्या सहामाहीत चीनमध्ये लाँच होईल. त्यानंतर लगेच तो भारतात येईल.
वनप्लस 15T
वनप्लस 15T च्या चायनीज व्हेरिएंटप्रमाणेच स्पेसिफिकेशन्स भारतीय व्हेरिएंटमध्येही असण्याची शक्यता आहे. मात्र, भारतात येताना वनप्लस 15T ला वनप्लस 15S असे नाव दिले जाऊ शकते. तरीही, कंपनीने याबाबत कोणतीही अधिकृत माहिती दिलेली नाही. वनप्लस 15T फोनमध्ये 6.3-इंचाचा फ्लॅट एमोलेड डिस्प्ले, 1.5K रिझोल्यूशन आणि 165Hz रिफ्रेश रेट अपेक्षित आहे. या फोनला मेटल फ्रेम आणि 3D अल्ट्रासॉनिक फिंगरप्रिंट सेन्सर असेल. कॉम्पॅक्ट आकार असूनही, वनप्लस यात 7,000mAh ची मोठी बॅटरी देण्याचा प्रयत्न करू शकते. लीक झालेल्या माहितीनुसार, वनप्लस 15T फोन क्वालकॉमच्या शक्तिशाली स्नॅपड्रॅगन 8 एलीट जेन 5 चिपसह येईल.
वनप्लस 15T मध्ये ड्युअल रियर कॅमेरा सेटअप अपेक्षित आहे, ज्यात 50MP मुख्य कॅमेरा आणि 50MP टेलीफोटो लेन्स असेल. अधिक कॅमेरा सेन्सर्स जोडण्याऐवजी, वनप्लस 15T ऑप्टिकल झूम सिस्टमवर लक्ष केंद्रित करत आहे. केसमध्ये मॅग्नेटिक स्नॅपसारखे नवीन प्रयोगही कंपनीकडून अपेक्षित आहेत. हा फोन पांढऱ्या आणि ग्रे रंगांमध्ये उपलब्ध होण्याची शक्यता आहे.
Related Articles
वनप्लस 15T: अपेक्षित वैशिष्ट्ये
डिस्प्ले: 6.3-इंच फ्लॅट एमोलेड, 1.5K रिझोल्यूशन, 165Hz रिफ्रेश रेट
प्रोसेसर: क्वालकॉम स्नॅपड्रॅगन 8 एलीट जेन 5
मागील कॅमेरा: 50MP प्रायमरी सेन्सर + 50MP टेलीफोटो सेन्सर
बॅटरी: 7,000 mAh
फ्रेम: मेटल फ्रेम
फिंगरप्रिंट सेन्सर: डिस्प्लेखाली 3D अल्ट्रासॉनिक सेन्सर
ॲक्सेसरीज: पांढऱ्या आणि ग्रे रंगांमध्ये मॅग्नेटिक स्नॅप-ऑन केस.
