नेलपॉलिश लावण्याचा कंटाळा आलाय? आता बाजारात एक खास नेलपॉलिश पेन आलं आहे. दिसायला हे स्केच पेनसारखं आहे, पण फक्त २ मिनिटांत नखांना पार्लरसारखा परफेक्ट लुक देतं.
नखं सजवण्यासाठी नेलपॉलिश लावणं काही नवीन नाही. पण ते लावणं, सुकण्याची वाट पाहणं आणि थोडं जरी इकडे-तिकडे झालं तरी बोटांना लागणं, या कटकटीला अनेक जणी कंटाळतात. नेलपॉलिशचा कंटाळा आल्यावर नेलआर्टची क्रेझ आली, पण पार्लरमध्ये जाऊन नेलआर्ट करणं खूप वेळखाऊ आणि महागडं असतं.
पण आता वेळ बदलली आहे. ही सगळी कटकट संपवण्यासाठी बाजारात एक खास पेन आलं आहे. वरून पाहिलं तर हे एखाद्या मार्कर पेनसारखं दिसतं. झाकण काढलं की स्केच पेन वाटतं. पण हे चित्र काढण्यासाठी नाही, तर नखांना रंगवण्यासाठी असलेलं 'नेलपॉलिश पेन' (Nail Polish Pen) आहे.
कसं काम करतं हे मॅजिक पेन?
१. वापरायला एकदम सोपं: साध्या नेलपॉलिशसारखं याला ब्रशने लावावं लागत नाही. एखाद्या पेनसारखं नखांवर फिरवलं की काम झालं. याचं टोक एकदम बारीक असल्यामुळे नखांच्या कोपऱ्यातही ते व्यवस्थित लागतं आणि आजूबाजूला पसरत नाही.
Related Articles
२. पटकन सुकतं: साधं नेलपॉलिश सुकायला १० ते १५ मिनिटं लागतात. पण या पेनचा फॉर्म्युला असा आहे की हे फक्त १ ते २ मिनिटांत सुकतं. त्यामुळे नेलपॉलिश खराब होण्याची भीती उरत नाही.
३. नेलआर्ट करणंही सोपं: या पेनने तुम्ही फक्त एकच रंग नाही, तर फ्रेंच मॅनिक्युअर, डॉट्स, लाईन्स असं सगळं काही काढू शकता. बाजारात सध्या याचे १२ ते २४ शेड्सचे सेट उपलब्ध आहेत.
४. कॅरी करायला सोपं: हे पेन छोटंसं असल्यामुळे पर्समध्ये ठेवून कुठेही नेता येतं. सणासुदीला किंवा ऑफिसमध्ये टच-अप करण्यासाठी हे एकदम बेस्ट आहे. याची किंमतही खिशाला परवडणारी आहे. १५० ते ३०० रुपयांमध्ये तुम्हाला चांगल्या ब्रँडचं पेन सहज मिळेल.
ज्या मुलींना नेलपॉलिश लावताना खूप त्रास होतो, त्यांच्यासाठी हे नेलपॉलिश पेन नक्कीच गेमचेंजर ठरणार आहे.
