- Home
- lifestyle
- Gulab Jamun Village : या गावात मिळतात जगातले सर्वात भारी गुलाबजाम, चव अशी की विसरणार नाही!
Gulab Jamun Village : या गावात मिळतात जगातले सर्वात भारी गुलाबजाम, चव अशी की विसरणार नाही!
Gulab Jamun Village: सगळ्यांचा आवडता गोड पदार्थ म्हणजे गुलाबजाम. पण तुम्हाला माहितीये का, या गुलाबजामसाठी एक खास गाव प्रसिद्ध आहे. या गावाजवळून जाणारा प्रत्येक जण इथले गुलाबजाम खाल्ल्याशिवाय पुढे जात नाही.
गुलाबजामसाठी प्रसिद्ध असलेलं गाव
लग्न, सण किंवा घरातला कोणताही छोटा कार्यक्रम असो, भारतीयांना सर्वात आधी गुलाबजाम आठवतात. साखरेच्या पाकात बुडवलेले आणि गरमागरम गुलाबजाम पाहिले तरी तोंडाला पाणी सुटतं. उत्तर प्रदेशमध्ये या खास मिठाईसाठी एक वेगळं गाव आहे. हे गाव छोटं असलं तरी इथल्या गुलाबजाममुळे ते जगभर प्रसिद्ध आहे. या रस्त्यावरून जाणारे प्रवासी या गावात थांबल्याशिवाय पुढे जात नाहीत. या गावाचं नाव आहे मैगलगंज.
हे गाव नेमकं कुठे आहे?
उत्तर प्रदेशच्या लखीमपूर खेरी जिल्ह्यात मैगलगंज हे गाव आहे. दिल्ली-लखनौ हायवेवरून प्रवास करणाऱ्यांना हे गाव चांगलंच माहिती आहे. हायवेच्या कडेला सलग २५ पेक्षा जास्त छोटी दुकाने गुलाबजाम बनवताना दिसतात. प्रवासी आवर्जून गाड्या थांबवतात आणि गरमागरम गुलाबजामचा आस्वाद घेतात.
या गावात गुलाबजाम कसे प्रसिद्ध झाले?
या गावाचं आणि गुलाबजामचं नातं आजचं नाही. १९४१ मध्ये 'धनपाल मिष्ठान्न भांडार' नावाचं दुकान सुरू झालं आणि इथला इतिहास बदलला. त्या दुकानात मिळणाऱ्या गुलाबजामची चव प्रवाशांना खूप आवडली. त्यानंतर हळूहळू अनेक दुकाने सुरू झाली. १९७० पर्यंत मैगलगंजची ओळख 'गुलाबजामचं गाव' अशी बनली.
इथल्या गुलाबजामची खासियत काय?
इतर ठिकाणी मिळणाऱ्या आणि इथल्या गुलाबजामच्या चवीत खूप फरक आहे. हे गुलाबजाम बनवण्यासाठी शुद्ध खवा आणि मैदा वापरतात. ते तेलात तळताना खूप काळजी घेतात. आतून चांगले शिजावेत म्हणून आधी गॅस बारीक ठेवतात. त्यानंतर गुलाबजामला छान रंग येण्यासाठी गॅस थोडा मोठा करतात. पाकात मुरल्यानंतर हे गरमागरम गुलाबजाम लाल मातीच्या कुल्हडमध्ये खायला देतात. इथल्या गुलाबजामची चव तुम्हाला जगात कुठेही मिळणार नाही.
