Vastu Tips Women : ऑफिसच्या पर्समध्ये या वस्तू ठेवू नका, करिअरवर होईल विपरित परिणाम!
मुंबई - वास्तुशास्त्रानुसार, ऑफिस बॅग तुमच्या प्रगतीसाठी महत्त्वाची आहे. त्यावरुन तुमचे व्यक्तिमत्त्व घडते. महाराष्ट्रात तुमच्या करिअरमधील प्रगतीतही ही बॅग फार महत्त्वाची भूमिका बजावते. यात काही वस्तू ठेवल्याने प्रगतीत अडथळे येऊ शकतात. जाणून घ्या..
यशस्वी करिअरसाठी लोक दिवसरात्र मेहनत घेतात. प्रत्येकाला ऑफिसमध्ये चांगली ओळख मिळवायची असते, बॉसकडून कौतुक मिळवायचं असतं. कामात वेळेवर प्रमोशन मिळवायचं असतं. पण अनेकदा खूप मेहनत करूनही यश मिळत नाही. अशा वेळी तुम्ही हताश होता. त्यामुळे आम्ही तुमच्यासाठी काही खास टीप्स घेऊन आलोय.
अशा परिस्थितीत, मेहनतीसोबत वास्तु आणि ज्योतिषातील काही नियम पाळणेही महत्त्वाचे आहे. ऑफिस बॅगेत ठेवलेल्या काही वस्तू तुमच्या प्रगतीत अडथळा आणू शकतात. कोणत्या वस्तू ऑफिस बॅगेत ठेवू नयेत ते जाणून घेऊया.
मेकअप आणि दागिने
महिला बऱ्याचदा बॅगेत लिपस्टिक, मस्कारा किंवा दागिने ठेवतात. ज्योतिषानुसार, या वस्तू शुक्र ग्रहाशी संबंधित आहेत, तर ऑफिस बुध आणि मंगळ ग्रहाशी संबंधित आहे. त्यामुळे, मेकअप आणि दागिने तुमच्या एकाग्रतेवर परिणाम करू शकतात.
नेलकटर किंवा छोटा चाकू
नेलकटर किंवा चाकू सोबत ठेवणे सामान्य वाटू शकते, पण वास्तुनुसार, या वस्तू संधी आणि नाती 'कापण्याचे' प्रतीक आहेत. या वस्तू तुमच्या करिअरमध्ये अडथळे आणू शकतात. त्यामुळे त्या बॅगमध्ये न ठेवलेल्याच बर्या.
सुगंधी द्रव्य आणि डिओडरंट
रोज बॅगेत सुगंधी द्रव्य किंवा डिओडरंट ठेवल्याने कामात अडथळे येऊ शकतात. यातील अल्कोहोल मानसिक एकाग्रता कमी करते. यामुळे ऑफिसकडे गांभीर्याने पाहण्याची वृत्ती कमी होते. तुमची मानसीक चलबिचलता वाढते. त्याचा नकारात्मक परिणाम करिअरवर होतो.
वैयक्तिक स्वच्छतेच्या वस्तू
टूथब्रश, कंगवा किंवा स्वच्छतेच्या वस्तू ऑफिस बॅगेत ठेवू नका. वास्तुनुसार, या वस्तू सभोवतालच्या ऊर्जेवर परिणाम करतात, ज्यामुळे ऑफिसमध्ये नकारात्मकता येते. तुमची प्रगती खुंटते. बरीक सारीक वळणांवर समस्या येतात.
मळकी कपडे
वापरलेली किंवा मळकी कपडे ऑफिस बॅगेत ठेवू नका. वास्तुनुसार, हे नकारात्मक ऊर्जा निर्माण करते, ज्यामुळे थकवा आणि चिडचिड होते. हे तुमचे लक्ष विचलित करते.
ऑफिसमध्ये चांगले काम करायचे असेल आणि करिअरमध्ये प्रगती करायची असेल, तर बॅगेतील वस्तूंबद्दल लक्ष द्या. वास्तु आणि ज्योतिषानुसार, ऑफिस बॅगेत फक्त महत्त्वाच्या आणि सकारात्मक वस्तू ठेवा.
